Freyr - 15.07.1986, Síða 32

Frá
Rannsóknastofnun
landbúnaÓarins
Fastur þáttur frá Rala
Til þess að starf Rannsóknastofnunar landbúnaðarins nýtist íslenskum landbúnaði þurfa
niðurstöður rannsókna að skila sér sem best til þeirra sem gagn hafa af þeim.
Upplýsingum frá stofnuninni hef-
ur einkum verið miðlað á eftirfar-
andi hátt:
1. Með greinum í vísindaritið
Islenskar landbúnarrannsóknir og
einnig í erlend fræðirit. Greinar
þessar eru oft lokaáfangi í tiltek-
inni rannsókn. Þær eru oft skrifað-
ar á ensku og beinast einkum að
öðrum vísindamönnum og ráðu-
nautum. Ritið er gefið út í 1000
eintökum. Algengt er að starfs-
menn annarra stofnana skrifi
greinar í ritið.
2. í Fjölriti Rala birtast skýrslur
um stöðu tiltekinna verkefna,
þ. e. ritið er oft notað sem áfanga-
skýrsla en fjölritið er einnig notað
undir verkefnalýsingar, ársskýrsl-
ur og fleira efni sem gott þykir að
birta með reglubundnum hætti.
Flest fjölritin eru skrifuð á ís-
lensku. Upplagið er lítið, oftast
um 250—300 eintök og einkum
ætlað þeim er starfa í rannsókn-
um, leiðbeiningum og skyldum
störfum. Allir geta gerst áskrif-
endur að ritum stofnunarinnar
eða keypt einstök hefti.
3. í kjölfar gróðurrannsókna á
hálendi og láglendi hefur stofnun-
in gefið út fjölda gróður- og jarða-
korta.
4. Starfsmenn Rala skrifa oft
greinar í Frey, Bóndann, ýmis
önnurfagtímarit, t. d. Eiðfaxa ogí
dagblöð. Skýrslur frá búvélapróf-
t' íum bútæknideildar Rala að
Hvanneyri birtast í Frey. Einnig
má nefna Handbók bænda,
fræðslurit Búnaðarfélags íslands,
Ársrit Ræktunarfélgs Norður-
lands, Árbók landbúnaðarins og
fleiri rit.
5. Starfsmenn Rala standa að
Ráðunautafundi Rala og Búnað-
arfélags íslands þar sem fjallað er
um nýjustu rannsóknirnar og
niðurstöður þeirra. Þau erindi eru
gefin úr í sérstöku riti.
6. Auk þessa koma starfsmenn
Rala oft fram í búnaðarþætti út-
varpsins, í sjónvarpi og mæta á
bændafundum og halda erindi á
fundum sem boðað er til, til kynn-
ingar sérstökum málefnum.
Þó að þessi kynning á starfi
Rannsóknastofnunar landbúnað-
arins verði að teljast all nokkur er
oft gagnrýnt að lítið fréttist frá
stofnuninni um þau verk sem þar
eru unnin. Til að mæta þessari
gagnrýni hefur verið ákveðið í
samráði við ritstjórn Freys að
stofnunin annist fastan þátt í Frey
sem nefnist „Frá Rannsóknastofn-
un landbúnaðarins”.
Rannsóknastofnun landbúnað-
arins er stofnuð með samþykkt
laga nr. 64 frá 31. maí. 1965 um
rannsóknir í þágu atvinnuveg-
anna. Undir sömu lög heyra Haf-
rannsóknastofnun, Rannsókna-
stofnun iðnaðarins (nú Iðntækni-
stofnun) og Rannsóknastofnun
byggingariðnaðarins. Rannsókna-
ráð ríkisins tengir þessar stofnanir
saman. Rannsóknastofnun land-
búnaðarins á uppruna sinn í Bún-
aðardeild Atvinnudeildar Há-
skólans.
Rala heyrir undir Landbúnað-
arráðuneytið og yfir stofnuninni
er þriggja manna stjórn sem nú
skipa Bjarni Arason ráðunautur í
Borgarnesi, formaður, kosinn af
tilraunaráði, Jónas Jónsson, bún-
aðarmálastjóri, tilnefndur af Bún-
aðarfélagi íslands og Egill Bjarna-
son, ráðunautur á Sauðárkróki,
skipaður af landbúnaðarráðherra
án tilnefningar.
Tilraunaráð landbúnaðarins er
skipað 16 mönnum tilnefndum af
ýmsum stofnunum og samtökum
landbúnaðarins og er því ætlað að
vera tengiliður stofnunarinnar við
landbúnaðinn og til ráðuneytis um
verkefnaval og strafshætti. Sér-
staklega verður gerð grein fyrir
tilraunaráði í síðari þætti frá Rala.
Rala hefur víða aðstöðu á
landinu. Höfuðstöðvar stofnunar-
innar eru á Keldnaholti í Reykja-
vík og þar er einnig tilraunastöðin
Korpa. Bútæknideild Rala er stað-
sett á Hvanneyri. Tilraunastöðvar
eru á Hesti í Andakílshreppi,
Revkhólum í Reykhólasveit,
Möðruvöllum í Hörgárdal,
Skriðuklaustri í Fljótsdal og
Sámsstöðum í Fljótshlíð. Lög-
formlegt samstarf er við Búnaðar-
samband Suðurlands um upp-
byggingu og rekstur tilraunastöðv-
ar að Stóra Ármóti í Hraungerðis-
Frh. á bls. 587.
584 Freyr