Freyr - 15.05.1992, Blaðsíða 8

392 FREYR
10.’92
laga til nytjaskógræktar. Að lokum má
nefna að árið 1991 setti Alþingi lög um
Héraðsskóga sem fjalla um nytjaskógrækt
á Fljótsdalshéraði með sérmerktum fjár-
veitingum á fjárlögum. Að hluta má rekja
þá lagasetningu til riðuniðurskurðar sem
fór fram á því svæði um það leyti, en að
henni stuðlaði einnig sú reynsla sem feng-
ist hafði af skógi sem vaxið hefur þar upp á
skóglausu landi á síðustu árum.
Eftir að íslenskur landbúnaður hefur
farið að beina athygli sinni og kröftum
meira að skógrækt hefur áhugi hans vaxið
á að eiga þar stjórnarfarslega meiri aðild.
Núgildandi lög um skógrækt eru að stofni
frá árinu 1955. Síðan hafa verið gerðar'
nokkrar breytingar á þeim, auk þess sem
sett hafa verið nokkur lög um skylt efni við
hliðina á þeim. Jafnframt hefur verið unn-
ið að frekari heildarlagasetningu um skóg-
rækt sem ekki hefur náð fram að ganga.
Eins og fram kemur annars staðar í þessu
blaði, í fréttum frá Stéttarsambandi
bænda, hefur þaó óskað eftir því við land-
búnaðarráðherra að lög um skógrækt
verði endurskoðuð með það að markmiði
að skógrækt verði skapaður rammi sem
falli sem best að öðrum þáttum búrekstrar
og tengist um leið öðru skógræktarstarfi í
landinu. Hér er á ferð glögg viljayfirlýsing
um það að samtök bænda vilji gera skóg-
rækt að eðlilegum þætti í búskap og af-
komu bænda. Því ber að fagna.
M.E.
Þróun landbúnaðar í
Danmörku
Danska Umhverfisráðuneytið
hefur birt álitsgerð um horfur í
dönskum landbúnaði út frá þeirri
landbúnaðarpólitík, sem stefnt er
að innan Efnahagsbandalagi Evr-
ópu og væntanlegu GATT-sam-
komulagi. Álitsgerðin nefnist:
„Danmörk á leið til ársins 2018“.
Samkvæmt henni er því spáð að
byggðum býlum í Danmörku fækki
um helming á þessum tíma og 250-
400 þús. ha af ræktuðu landi muni
verða teknir til annarrar notkunar
en hefðbundins landbúnaðar, þ.e.
undir skógrækt eða því breytt í
graslendi. Eitthvað af landinu
verður notað undir frístundaþarf-
ir, svo sem golfvelli, tjaldstæði
o .fl., en annað undir ýmsa ræktun í
smáum stíl, m.a. heimilisræktun til
eigin nota og sölu.
Áætlað er að byggingar á 26-28
þús. býlum verði rifnar eða eig-
endaskipti verði á þeim. Fólk sem
sækir vinnu í þéttbýli mun búa í
íbúðarhúsunum og eitthvað af úti-
húsum mun verða notað undir
smárekstur hvers konar og ferða-
mannaþjónustu.
Á jörðum þar sem áfram verður
stundaður landbúnaður verður
rekinn stórbúskapur þar sem beitt
verður mikilli tækni eða rekinn
verður umhverfishollur og sjálfbær
landbúnaður þar sem uppbót á
tekjur fæst með ferðaþjónustu,
handiðn eða vinnu utan heimilis.
Norðurlönd úða minnst
Holland, Japan og Ítalía nota 15-
34 sinnum meiri jurtavarnalyf en
Norðurlandaþjóðir, að því er kem-
ur fram í vistmálaskýrslum OECD
Stofnunarinnar.
Minnst allra af plágueyðandi
efnum nota íslendingar og Finnar,
en Svíar, Tyrkir og Norðmenn
fylgja á eftir.
Danir brúka nærri fjórum sinn-
um meira af jurtavarnalyfjum
heldur en íslendingar og 50%
meira en Norðmenn.
Skýrslan sýnir að Finnar nota
fimmtungi minna af pláguefnum
en þeir gerðu fyrir 10 árum og
svipað hefur gerst í Svíþjóð, Nor-
egi og Þýskalandi.
Aftur á móti hefur notkun þess-
ara efna aukist um 20% í Frakk-
landi.
Land ár kg/ha
Holland 1989 20,5
Japan 1985 17,5
Ítalía 1988 16,1
Spánn 1989 6,6
Sviss 1988 5,9
Frakkland 1988 4,9
Portúgal 1988 3,4
Danmörk 1988 2,2
Noregur 1988 1,4
Tyrkland 1989 1,2
Svíþjóð 1988 1,0
Finnland 1989 0,9
Island 1988 0,6
Heimild: OECD