Skátablaðið - 01.04.1947, Page 24

12. Lirfusafn. Já, þetta er engin prent-
villa. Athugið myndirnar vel. í stórt
sultutaugler, trékassa með gleri yfir eða
eitthvað slíkt, lætur þú allar lirfur, sem þú
linnur, og gefur þeim svo daglega ný blöð
af trjám, sem þær eru vanar að lifa á. Einn
góðan veðurdag munt þti sjá, að lirfurnar
hafa breytzt í fiðrildi og þá getur þú annað
livort sleppt þeim eða tekið þau í safnið
þitt, — en það þarf þolinmæði til þess að
gæta lirfa. Þú getur líka þurrkað og hert
lirfurnar. Lirfurnar eru þá drepnar með
brennisteinskolefni, en síðan eru innyflin
strokin varlega út úr þeim með blýant (sjá
mynd á bls. 43). Brennisteinskolefnið er
eldfimt, þess vegna verðúrðu að bíða með
áíramhaldið þangað til það er allt gufað
upp. Þá er puntustrái stungið inn í lirfuna
og hún blásin út og þurrkuð í sérstökum
,,ofni“, sem búinn er til úr málmneti og
sprittlampa (sjá mynd á bls. 43). Síðan sett
í öskju með gleri eða glærum pappír yfir.
13. Fiðrildi. Varla eru til litauðugri
kvikindi og því gaman að eiga þau.
Fyrst eru þau drepin með brennisteinskol-
efni og sett í „gapastokk" (sjá mynd á bls.
43), svo að vængir, þreyfarar og fætur haldi
eðlilegri lögun. Þegar fiðrildið er orðið
þurrt, þá er prjón stungið í gegnum búk
þess og það látið standa á korkplötu eða
einhverju slíku í loftþéttum kassa með gler-
loki.
14. Jurtir. Þá er nú það bezt þekkta og
vinsælasta eftir: jurtirnar. Þær eru
teknar í heilu lagi (rót, stöngull, blöð og
króna) og settar undir farg (ekki of þungt)
milli dagblaða, sem taka rakann til sín og
því þarf að skipta nokkrum sinnum um.
Sumar jurtir verða svartar við þurrkunina.
Taktu þá aðra, en dýfðu henni augnablik
í sjóðandi vatn áður en þú setur hana
undir fargið. — Síðan límt á spjald og nafn
skráð.
Ég hefi nú talið upp ýmislegt. Auðvitað
er enn margt ótalið, en það er ekki ætlun-
in að þú eigir að safna þessu öllu, heldur
taka eitt eða fleiri atriði fyrir í einu.
Hver flokkur ætti að reyna að sérhæfa sig
og afla sér þekkingu á því dýri, þeim fugli,
eða því blómi, sem flokkurinn er kenndur
við. Hvernig væri flokkssafnið: „Flokks-
dýrið“?
Gleðilegt sumar! — Góð veiði!
Með skátakveðju.
IMLALAPANZI.
Kvenskátamót
í Danmörku.
Bandalagi íslenzkra skáta hefir borizt
bréf frá K.F.U.K.-skátum í Danmörku, við-
víkjandi móti, sem halda á við Hindgavl
Gods við Middelfart, vikuna 23. júlí til 1.
ágúst. Auk þess er erlendu skátunum boðið
af hinum dönsku sveitum að dvelja til 6.
ágúst í skátaheimilum víðs vegar um land-
ið. Boðið er 50 þátttakendum. Mótsgjaldið
er 30 danskar krónur.
B.Í.S. hefir skipað þriggja manna nefnd
til að annast undirbúning mótsins og reynt
verður að skipuleggja sameiginlega ferð á
mótið frá Reykjavík. Kostnaður mun verða
um 1000 kr. lauslega áætlað.
Umsóknarfrestur er til 1. maí. Enn hafa
ekki nema tíu kvenskátar sótt um þátttöku,
en hana á að tilkynna til B.Í.S. í pósthólf
831. Æskilegast væri, að félagsforingjar
sæktu um þátttöku fyrir félaga sína.
44
SKÁTABLAÐIÐ