Skátablaðið - 01.04.1947, Blaðsíða 32

Skátaskólinn
á Úlfljótsvatni
Úlfljótsvatnsnefndin, en
hana skipa: Jónas B. Jóns-
son, Daníel Gíslason og As-
laug Friðriksdóttir, hefir nú
lagt drög að starfsáætlun fyr-
ir Skátaskólann á Úlfljóts-
vatni næsta sumar.
1 stórum dráttum er hún
þannig:
1. Skátaskólinn starfar í 2
deildum, fyrir drengi og
stúlkur. Munu 30—36 verða í
hvorri deild. Þær verða í öllu
aðskildar í starfi, en hafa sameiginlega að-
drætti og starfa eftir reglum, sem nefndin
setur. Starfstíminn er áætlaður frá 8. júní
til 22. ágúst. Starfsfólk er ekki ráðið ennþá,
cn mun verða þrennt við hvora deild, auk
manns til að hugsa um aðdrætti. Skólagjald
er ráðgert 750 kr. fyrir allan tímann.
2. Þá hefir verið ákveðið að gera tilraun
að gefa skátum kost á því að dvelja á Úlf-
Ijótsvatni í sumarfríum sínum. Drengja-
flokkurinn yrði þá í sambandi við drengja-
deild skólans, en stúlkurnar í sambandi við
hina.
Þessi starfsemi yrði á tveirnur tírnabilum
— 5. til 20. júli og það síðara 20. júli til
5. ágúst.
Sérstakir foringjar verða fyrir þessum
flokkum, en að mestu mundu þeir sjá um
sig sjálfir, hvað matreiðslu snertir, en skól-
inn legði þeim til matvæli gegn ákveðnu
gjaldi, sem yrði sem næst kostnaðarverði. —
Um gjaldið hefir ekki verið tekin nein
ákvörðun enn. — Vita þarf sem fyrst um
undirtektir skátafélaga um þetta, svo að
hægt sé að skipuleggja útilegurnar nánar.
Svör berist helzt fyrir 10. maí.
Það er gleðilegt til þess að vita, að tekin
er upp víðtækari starfsemi á Úlfljótsvatni.
Við stundum ekki útilegustarfið nógu mik-
ið, en hér er drengjum og stúlkum gefið
tækifæri til þess að dvelja hálfan rnánuð í
skátaútilegu fyrir lágt gjald. Oft hefir orðið
að hætta við slíkar útilegur vegna foringja-
skorts. Nú ætti slíkt ekki að þurfa að hindra
það að yngri skátarnir geti notið sumar-
leyfis síns í skátaútilegu. Skátafélög geta nú
sent skátaflokka í hálfsmánaðar útilegu,
jafnvel þó að enginn eldri foringi geti kom-
ið því við að fara. Það þarf ekki að lýsa
hinum góðu aðstæðum fyrir skemmtilega
útilegu á Úlfljótsvatni, svo margir skátar
hafa nú sótt Úlfljótsvatn, en aðeins skal
þess getið, hve vatnið og silungsveiðin gef-
ur staðnum aukið gildi.
Skátar! Heimsækið Úlfljótsvatn, hvenær
sem þið komið því við, svo að það getið
orðið ein af aðalmiðstöðum skátastarfsins
á íslandi.
52
SKATABLAÐIÐ