Prentarinn - 01.01.1966, Síða 22

Staldrað við í Pressmen's Home
„Þetta er þá Laugardalurinn þeirra,” hugsaði
ég með mér, er glitti í ljósmálaðar bygging-
arnar í Pressmen’s Home — í gegnum lita-
dýrð októberlaufsins á hæðum Hale Spring
í Tennessee. Bifreiðin fór greitt eftir mal-
bikuðum og hlykkjóttum veginum á milli
hávaxinna trjánna, en áður varði opnaðist
útsýn yfir mikið rjóður í fögru dalverpi og
gaf þar að líta reisulegar timburbygging-
ingar framundan á hægri hönd, undir skógi
vöxnum hæðum, en fjær bar háreista, rauð-
leita múrsteinabyggingu við lygnt fjallavatn.
Vegurinn lá milli sundlaugar og tennis-
valla, og við skógarjaðarinn handan þeirra
sá á reisulega byggingu, Hótel Pressauna,
en ekki var hún öll sýnileg, er sveigt var til
hægri, hjá litlu og snotru brunnhýsi, og að
lokum staðnæmst við tveggja hæða timbur-
byggingu, aðalstöðvar International Printing
Pressmen and Assistants’ Union of North
America — þ. e. sambands bandarískra og
kanadískra prentara.
Þar tók á móti mér Ray Reck, ungur og
lífsglaður maður, og fylgdi hann mér síðan
um Pressmen’s Home. Var fyrst haldið til
aðseturs stjórnar og skrifstofufólks, en starf
sambandsins er mjög umfangsmikið og eru
starfsmenn þess í dalnum 195 að tölu, er
hafa nóg að starfa í þágu þeirra 115 þúsund
félaga þess, er saman stendur af prenturum,
starfsfólki í öllum greinum offsetprentunar,
aðstoðarfólki í prentsmiðjum, starfsfólki við
prentlitaframleiðslu og úr skyldum grein-
um.
Setjarar hafa sitt sérsamband og hafa að-
alstöðvar sínar í Colorado.
Segja má, að berklaveikin hafi ráðið stað-
setningu Pressmen’s Home, en hvíti dauð-
inn hjó stór skörð í raðir prentara um og
eftir aldamótin síðustu. Hafði sambandið
ákveðið að ráðast í byggingu berklahælis
— en einnig þarfnaðist það samastaðar fyrir
aðalstöðvar sínar — og í Hale Spring var
rekið heilsuhæli er mikið var sótt, vegna
heilsulindar er þar var, en sú lind er nú
þorrin og stendur aðeins áðurnefnt brunn-
hýsi eftir. Árið 1910 var hælið ásamt miklu
landi keypt og þá þegar hafizt handa um
framkvæmdir. Árið 1961 var þetta berkla-
hæli lagt niður, en þá voru þar aðeins tíu
sjúklingar, er nú dvelja í átthögum sínum,
en sambandið sér um framfærzlu þeirra. Nú
er hælisbyggingin, mjög breytt og stækkuð,
notuð sem íbúðarhús starfsmanna.
Árið 1911 voru aðalstöðvar sambandsins
fluttar að Pressmen’s Home og síðar á ár-
inu tók prentskóli til starfa þar, en það var
snemma áhugamál félaganna, að koma upp
slíkum skóla, þar eð þeir töldu, að þekk-
ing og kunnátta félaganna væri traustastur
grunnur í kjarabaráttunni.
Nokkra stund ræddi ég við forseta sam-
bandsins, virðulegan og alúðlegan mann. Er
hann frá Boston, enda mun formfastari en
ég hafði átt að venjast af Bandaríkjamönn-
um. Bað hann fyrir kærar kveðjur til ís-
lenzkra stéttarbræðra sinna. Þá hitti ég og
að máli ritstjóra The American Pressman,
Fred Roblin að nafni, en auk útgáfu blaðs-
ins gefur sambandið út aragrúa fræðslurita
og bæklinga um prentverk og félagsmál.
Boðið var til mikils hádegisverðar í Hótel
Pressauna, sem búið er 156 herbergjum og
hýsir nemendur prentskólans. I bygging-
unni er einnig rakarastofa, svo og pósthús
staðarins, er sendir frá sér á aðra milljón
eintaka af bæklingum og ritum árlega.
Eftir hádegisverð var skólinn skoðaður.
Núverandi bygging var tekin í notkun árið
1948 og kostaði, með nýjum vélum og tækj-
um, eina milljón dollara. Upphaflega var
skólinn, sem var fyrsti iðngreinaskólinn í
18
PRENTARINN