Prentarinn - 01.01.1966, Qupperneq 33
Sigurður Friðleifur Jónsson - Minning
Sigurður Jóiissou við prentvél þá hina fótstignu,
er hann vami við viestan hluta starfsævi sinnar.
Hann varð bráðkvaddur við vinnu sína í
P.O.B. á Akureyri 9. apríl 1963.
Sigurður var fæddur 29. júlí 1905 í Dal-
vík við Eyjafjörð. Foreldrar hans voru
hjónin Jón Gíslason húsmaður að Sauðanes-
koti í Svarfaðardal og Sigríður Jónsdótti’
frá Klaufabrekku.
Sigurður hóf nám hjá Oddi Björnssyni
árið 1922 og vann hann öll sín starfsár í
POB. iVIestan hluta ævi sinnar vann Sig-
urður við handílagða prentvél, sem hætt er
nú að nota, og var hann að störfum við
þá vél, er hann varð bráðkvaddur. Fyrr á
tímum var vél þessi fótstigin, áður en raf-
magn kom til sögunnar, og kunni hann frá
mörgu að segja frá þeim dögum, en erfitt
hlýtur það að hafa verið að knýja vélina
með fætinum allan daginn.
Sigurður stundaði mikið íþróttir á sín-
um yngri árum, sérstaklega knattspyrnu og
hafði hann fram á síðustu stund, gaman af
að bregða á leik með strákunum í POB og
var hann þá oftast í markinu.
Hann var maður einstaklega vel skapi
farinn og skipti aldrei skapi, svo ég muni
eftir, þau 15 ár, sem við unnum saman, og
má slíkt furðulegt tcljast, ekki sízt, þar sem
alltaf hefur verið mikið um nema í POB
og þeir ætíð reiðubúnir að bregða á glens
við „karlana“ — en slíku glensi tók Sigurður
ætíð vel, og var „til í tuskið“ ef svo mætti
segja. Segja má, að Sigurður hafi verið hvers
manns hugljúfi í prentsmiðjunni og fannst
mönnum því mikill sjónarsviptir, er hann
var kallaður svo skvndilega á braut.
Mjög samvizkusamur var Sigurður alla
tíð og mátti ekki vamm sitt vita.
Kvæntur var Sigurður Huldu Ingimars-
dóttur og áttu þau tvær dætur. s. o.
PRENTARINN
29