Litli Bergþór - 01.04.1990, Blaðsíða 8

Litli Bergþór - 01.04.1990, Blaðsíða 8
UMHVERFIS JORÐINA A TVEIMUR ARUM OG MÁNUÐI BETUR. (12. nóvember'81 til 14. desember'83.) Lítil feröasaga í nokkrum þáttum, eftir Geirþrúöi Sighvatsdóttur á Miöhúsum. Það eru nú orðin 6-7 ár síðan ég kom heim úr hnattreisu minni, og enn hef ég ekki komið því í verk að skrifa útdrátt úr ferðasögunni. Svo þegar Sigga Jóna spurði mig um daginn, hvort ég væri til í að skrifa ferðapistil í Litla-Begga, fannst mér það ekkert svo vitlaus hugmynd. Ferðaáráttan hefur alla tíð verið rík í íslendingum, og ferðasögur vinsælar, svo ég vona að sveitungar mínir hafi eitthvað gaman af þessum endurminningum, - allavega hafði ég gaman af því að rifja upp viðburðaríka ferð. Aðdragandinn Geirþrúður. Hugmyndin að þessu ferðalagi má segja að hafi fæðst smámsaman meðan ég dvaldi við nám og vinnu í Danmörku á árunum 1976 -1981. (Eða var það kannski miklu fyrr, - eftir að ég sá bíómyndina "Umhverfis jörðina á 80 dögum" í Trípolíbíói, 7 ára gömul? - Og segi svo enginn að kvikmyndir hafi ekki áhrif á börn!) Danir eru mikið fyrir að ferðast og þar þykir ekkert tiltökumál að stúdentar taki sér allt að ársleyfi frá námi til að feröast og víkka sjóndeildarhringinn, ef þeim verður mál. Og maður kynntist mörgum, sem höfðu ferðast í ár hingað eða hálft ár þangað. Ég smitaðist fljótlega, en byrjaði rólega á stuttum sumarleyfisferðum. Fór í 2-3ggja vikna gönguferð til Svíþjóðarog Noregs, og sólarferðirtil Grikklands og Júgóslavíu. Sumarið 1980 komst ég með dönskum læknastúdentum í 6 vikna hópferð til Kína með viðkomu í Thailandi, Burmaog HongKong. Ogmeðþeimkynnum mínumaf Asíu, másegjaaðferðabakteríanhafi fyrst náð sérverulega á strik. Þetta var áður en Kína opnaði landamæri sín fyrir "venjulegum" ferðamönnum, svo hópurinn hafði það að yfirlýstu markmiði að skoða heilbrigðiskerfið í Kína. Við undirbjuggum okkur í heilt ár með lestri og hópvinnu um Kína, og eftir ferðina urðum við að skrifa skýrslu í bókarformi til að skila Dansk-Kínverska vináttufélaginu og danska læknastúdentafélaginu, sem skipulagði ferðina. Það kostaði auðvitað nokkurra mánaða helgarvinnu til viðbótar, en það var vel ómaksins virði. Með í Kínaferðinni var íslensk hjúkrunarkona, Anna Halldórsdóttir, kunningjakona mín. Og fljótleg eftir heimkomuna fórum við að tala um það, að gaman væri að komast aftur til Asíu og helst til Ástralíu og Nýja Sjálands líka. Guðbjörgu, vinkonu okkar Önnu, (sem sumir hér í sveit kannast við sem dýra-lækninn), leist vel á þessar hugmyndir okkar líka, og við þrjár gáfum okkurártil undirbúnings. Égdreif íaðljúkalyfjafræðináminu, sem hafðidregistálanginn, þarsemég þurfti aðvinna með námi fyrir Kínaferðinni. Þegar það var búið, réði ég mig í hálfs árs afleysingavinnu sem lyfjafræðingur í smábænum Tonder á Suður Jótlandi. Þénaði og sparaði grimmt. Um haustið '81 skrapp ég svo heim á Frón að kveðja ættingja og vini, - og vinna nokkrar vikur til viðbótar fyrir fargjaldinu heim og út aftur. Litli - Bergþór 8

x

Litli Bergþór

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Litli Bergþór
https://timarit.is/publication/884

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.