Litli Bergþór - 01.04.1990, Blaðsíða 16

Litli Bergþór - 01.04.1990, Blaðsíða 16
Fjölbraut í fjölbrautaskólum er ekki notast við bekkjakerfi eins og í öðrum skólum. Fyrst er brautin valin sem ætlunin er að stunda nám á, svo velur maður fög sem heppilegt er talið að byrja með. Þrátt fyrir að margir séu á sömu braut og byrji á sama tíma í skólanum, hefur hver nemi sína eigin stundatöflu. Ástæðan er sú að menn velja misjafnar greinar og einnig það að í grunn- fögum eru svo margir fyrstu tvö árin að þeim er skipt í marga hópa, þó að þeir séu allir að læra það sama. Helstu kostir við fjölbrauta- skólakerfið eru að um margar brautir er hægt að velja, hægt er að fara bæði í verknám og einnig bóklegt nám. Nemendur geta ráðið stundum í töflu og stunda- fjölda og einnig hvaða fög eru tekin þetta árið og hvað næsta. Þetta kerfi hentar líka mjög vel fyrir þá sem hafa staðið sig vel því að þeir geta valið hraðferð og verið búnir í skólanum á undan þeim sem fara hægar. Hægt er að fara hraðar yfir í íslensku, dönsku, ensku og stærðfræði. Ef svo illa tekst til í náminu að nemandi fellur þá er hægt að halda áfram á sama hraða í öllum fögum þó að illa gangi í einu. Síðan er hægt á næstu önn að taka upp þau fög sem menn hafa ekki staðist lámarkskröfur í. Ef nemandi hefur ekki efni á að vera í skólanum öll fjögur árin í einu, er lítið mál að taka helminginn og halda síðan áfram seinna, enda er fólk á mjög misjöfnum aldri í skólanum. Helstu gallar eru að nemendur innan skólans kynnast lítið. Það er vegna þess að verið er í einum tíma með þessum nemendum og í öðrum tíma með allt öðrum. Mönnum hættir tíl að gleyma sér í þessu kerfi vegna þess að það er enginn sem skipar þeim að fara í þetta mörg fög, heldur eru nemendur sjálfráðir með Ingvi. það. Sumir nemendur átta sig kannski á því eftir tvö ár í skólanum að þeir hafi svo að segja ekkert lært. Þessi skóli hentar þeim illa sem eiga erfitt með að ráða sér sjálfir og einnig þeim sem eru latir, vegna þess að það er enginn sem rekur á eftir nemendum. Félagslíf: Þessi skóli býður upp á mjög lítið félagslff, vegna þess að nemendur þekkjast lítið og strax að loknum skóladegi fer hver til síns heima. Þeir sem eiga heima á Selfossi ganga heim en þeir sem eiga lengra að fara, fara með rútum.. Fara þær til Hveragerðis, Þorlákshafnar, Eyrarbakka, Stokkseyrar og einnig ganga rútur í Rangár- vallasýslu. Margir koma þó á eigin bílum enda er bflastæða- vandamál þar eins og í miðborg Reykjavikur. Ingvi Þorfinnsson. ur kosningauhjum III. kafli sveitarstjórnarlaga er um kosningu sveitarstjórna. 13. gr. er á þessa leið: (Skýringar í svigum.) -Kjörtímabil sveitastjómar er fjögur ár. Almennar sveitastjórnarkpsningar fara fram síðasta laugardag í maímánuði (nú 26.) sem ekki ber upp á laugardag fyrir hvítasunnu. Heimilt er, að ósk sveitarstjórna, að fresta kosningum í sveitarfélögum, þar sem færri en 3/4 hlutar íbúanna eru búsettir í kauptúnum, til annars laugardags í júní (nú 9.). Ósk um frestun kosninga skal hafa borist ráðuneytinu fyrir 1. apríl kosningaársins. Nýkjörin sveitarstjórn tekur við störfum 15 dögum eftir kjördag.- Litli - Bergþór 16

x

Litli Bergþór

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Litli Bergþór
https://timarit.is/publication/884

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.