Litli Bergþór - 01.07.1992, Blaðsíða 21
B ændavísur
Árið 1915 orti Þórður Kárason síðar bóndi á Litla-Fljóti bœndarímu um
Tungnamenn. Þetta eru 75 vísur og er þetta litla sýnishorn aðallega valið
með það fyrir augum að þeir sem um er ort eigi nú afkomendur hér í sveit..
Þessi er um afa þeirra Ragnars,
Braga og Eyglóar í Asakoti:
íÁsakoti sjótin svinn
segir Halldór búa.
Fagurt skegg og fénaðinn
og fleira á hann drengurinn.
Um afa Vigdísar í Ásakoti og
þeirra systkina er þessi:
Jón í Einholti eigi fann
að sér þrengja tregann.
Fjár og trippa hóp á hann
harla glæsilegan.
Um afa Gísla og Magnúsar í
Kjarnholtum:
/ Kjarnholtum geiragrér
Gísla að nafni ég þekki.
Sauða hug í hjarta ber
en höfuð sauðar ekki.
Sú næsta er um afa Helgu á
Gýgjarhóli 2 og þeirra systkina og
einnig Guðna Lýðssonar:
Á Gýgjarhóli grundirnar
Guðni rækta náir.
Piltar eru penir þar
prúðar ræða meyjarnar.
Um afa Kjóastaðabænda,
Magnúsar og Lofts er þessi:
Upp að Hólum fjaiars far
fer að þessu sinni.
Heima Ólaf hitti þar,
hirðir sá þar lendurnar.
Hér er vísa um langafa Þorfinns á
Spóastöðum:
Marga á Egill munina
mæta á Kjóastöðum.
Einu sinni ófagra
ala náði' ann tófuna.
Afi Tómasar og Steinars í Helludal
fékk þessa:
Tómas bestu í Brattholti
bænda þræðir vegi
Sauði nokkra og Sigríði
sagt er mér hann eigi.
Þessi er hins vegar um föður
þeirra:
Hrekur Tómas hryggð frá sér,
Hellu - er stýrir - dalnum.
Eina Ósk á auðar grér
ávallt sem í huga ber.
Faðir Jóns í Neðradal á þessa:
Næst skal Einar nýtan tjá
Neðradals í ranni.
Búskaps rækir brögðin sá
best sem kann og frekast má.
Þessi er um afa Páis í Múla:
Geir í Múla gætinn flest
grundar vandamálin.
Ræktar frónið rekka best,
reisulegt þar húsið sést.
Sú næsta er um afa þeirra
Guðrúnar í Hlíðartúni og Sigríðar í
Austurhlíð:
Að sér dregur föngin fríð
flestum betur hölum.
Magnús þarfur landi og lýð
lán við býr í Austurhlíð.
Afi Björns í Skálholti og Sigurðar
á Vatnslevsu fær þessa:
Býr með sæmd á Brekkunni
Björn að firða úrskurði.
Njótar skíða nefna' ann sé
nýbakaður hreppstjóri.
Um afa Grétars á Reykjum er
þessi:
Ögmund gæfan aldrei sveik,
auðgu sem að stýrir
sæmdar búi á Syðri-fíeyk.
Sauðirnir hans bregða á leik.
Sú næsta er um föður Eiríks í
Bergholti:
Mætur Sveinn í Miklaholti
mun ei finna á jörðu
betri stað né blíðari
en bólið varmt hjá konunni.
Amma Þorfinns á Spóastöðum
var ekkja og fékk því bændavísu:
Mætust talin menja brú
mannvits hefur gnóttir.
Spóastöðum stýrir nú
Steinunn Egilsdóttir.
Þessi er um föður þeirra
Kristrúnar á Brautarhóli og
Ingibergs á Dalbrún:
Á Eiríksbakka seggir sjá
Sæmund kostum búinn.
Mörgum halur svinnur sá
segir ævintýrum frá.
Um langafa Sigurðar á
Reykjavöllum er þessi:
Ingimundur ekrurnar
yrkir fíeykjavalla.
Á helgum tíðum hringingar
hljóma lætur snjallar.
Næst er vísa um föður Þórarins í
Fellskoti:
I Fellskoti varð gæfan góð
Guðlaugi að vonum.
Hann á ung og fögur fljóð
fallegan hóp af sonum.
A vesturbænum á Vatnsleysu bjó
Jón Ágúst og hjá honum frændur
tveir. Enginn þeirra á afkomendur
hér í sveit.
Vinsæll Jón á Vatnsleysu
vart mun kenna nauða.
Hauka tvo í horninu
hefur ekki snauða.
í austurbænum bjó afi Sigurðar á
Heiði og Braga á Vatnsleysu:
Jarðar yrkir sama svörð,
sæmdar girtur flíkum.
Sigurð nefnir seima njörð,
sauðfjár á hann glæsta hjörð.
Sú næsta er um afa Guðmundar
Oskarssonar í Bergholti:
Veit ég þekk um Guðmund grær
gæfa í Arnarholti.
Sá á rekkur rjóðar mær
en rakaði sig ekki í gær.
Síðasta vísan sem hér verður birt
er um afa Helgu á Bóli og
Haukadalsbræðra:
Bjarni mætur Bóli ábúi styra náir.
Vaninhyrnda sauði sá
seggur margur honum frá.
Tekið saman í janúar 1992.
A.K.
_ Litli - Bergþór 21