Litli Bergþór - 01.12.1999, Side 5

Hvað segirðu til?
Að þessu sinni verður greint frá því, sem helst er
fréttnæmt úr Tungunum frá júlí til nóvember.
Veðurfarið hefur verið svona nokkuð upp og ofan, ef
þó í flestum atriðum gott. Hlýtt hefur verið, allmargir
hitadagar í sumar og engin
næturfrost en stundum
nokkuð svæsnir
úrkomukaflar. A milli
komu þó góðir þurrkar en
stuttir, svo góður
heyskapur byggðist á
grasveðri og rúllun og
plastpökkun heysins.
Haustið var mjög milt,
aðeins lítisháttar frost
nokkrar nætur og aldrei
alveg hvít jörð fyrr en í
fyrstu viku nóvember.
Hins vegar rigndi oft
töluvert mikið. Snjóinn
tók upp innan viku frá því
hann féll í hlýindakafla,
sem stóð fram í miðjan mánuðinn. Þá gerði vestanátt og
éljaði dálítið og kom umtalsverður snjór hér um slóðir
síðustu tíu dagana fyrir jólaföstu og hefur hann oft skafið
síðan og verið skafinn af vegum.
Að venju voru Sumartónleikar í Skálholti meginhluti
menningarlífsins í sumar.
Skálholtskórinn fór til Frakklands og Ítalíu í október.
Var aðalerindi hans að syngja á geðlæknaþingi. Hann
hélt tónleika í Skálholti fyrir ferðina og svo söngtónleika
í Aratungu ásamt Söngfélagi Þorlákshafnar og Berglindi
Einarsdóttur, einsöngvara, 20. nóvember. Viku síðar
héldu Karlakór Hreppamanna og Karlakór Kjalamess og
Kjós þar söngskemmtun. Snemma í aðventu héldu kór
Menntaskólans að Laugarvatni og Skálholtskórinn sína
samkomuna hvor í Skálholtskirkju.
Af framkvæmdum má nefna byggingu sumarhúsa í
sunnanverðu Öskjholti í landi Tjamar og á Felli.
Geldneytafjós er verið að byggja í Gýgjarhólskoti og
gróðurhús ýmist em nýbyggð eða í byggingu á Akri,
Engi, Heiðmörk, Gufuhlíð og Espiflöt. Vélsleðaleigan
Geysir hefur komið fyrir húsi á Skálpanesi vestur af
Bláfelli við braut, sem lögð hefur verið vestur að
Langjökli. Þar hefur verið boðið upp á ferðir á jökulinn.
f Brattholti er verið að byggja hótel.
Brœðumir á Kjóastöðum, Guðmundur og Magnús, Guðrún
heimasæta þar og helgi í Hrosshaga ífyrstu leit.
Foreldrar leikskólabarna em að smíða stiga í brekkuna
milli Reykholtslaugar og leikskólans.
Um þessar mundir er verið að ljúka við uppbyggingu
vegarins frá Gullfossi og inn að Sandá. Nýi vegurinn
verður bæði beinni á lárétta
og lóðrétta vegu en sá fyrri
og einnig töluvert hærri.
í fyrstu leit var farið 4.
september, og voru
Tungnaréttir viku síðar. Þá
var mildur haustdagur,
margir gestir og hátíð víða
um sveitina, sem endaði
með réttadansleik í
Aratungu. Eftirsafnarar
leituðu suðurhluta
afréttarins 25. og 26.
september, fengu gott
veður og komu með 27
kindur. I þriðjuleit var
farið 8. október og voru
þeir í viku að vanda. Þeir
fengu gott veður flesta dagana, en nokkur snjór var
kominn á innri hluta afréttarins. Þeir fundu 7 kindur.
Alíka margar voru sóttar í afrétt milli leita, og skipstjóri á
skotveiðum sá tvílembu skammt innan við
brúna á Svartá snemma í nóvember, en
ekki hafði tekist að finna hana, þegar
þetta var ritað. Fé var talið í
meðallagi vænt bæði úr afrétti og í
heimahögum.
Fyrsta dag aðventu var kveikt á 400 jólajósum
á Iðubrú við hátíðlega athöfn.
Brynja Ólafía Ragnarsdóttir, Vesturbyggð 5 í
Laugarási, lést í september. Hún var jarðsett í
Skálholti.
Þórarinn Guðlaugsson, bóndi í Fellskoti
andaðist í nóvember. Utför hans fór fram í
Skálholtskirkju, en hann var jarðsettur á
Torfastöðum.
Ragnheiður Vilmundardóttir, sem bjó í
Kistuholti 13 síðustu árin, sem hún hafði
heilsu, lést í desember. Utför hennar fór fram í
Skálholti, en hún var jörðuð á Stóra-Núpi í
Gnúpverjahreppi.
A.K.
Hvað œtli
garðyrkjubœndur
hafi tínt marga
tómata?
o
Raflagnir - Viðgerðir
Sumarbústaðaeigendur athugið að ég sæki
um öll leyfi fyrir heimtaug að
sumarhúsum og lagningu raflagna.
Tek að mér nýlagnir, hönnun raflagna og alla
almenna rafvirkjavinnu ásamt tækjaviðgerðum.
Efnissala og varahlutaþjónusta.
Fljót og góð vinna.
Jens Pétur Jóhannsson Heimasími 486-8845
— Verkstæði sími 486-8984
Bílasími 853-7101
LÖGGILTUR RAFVERKTAKI
Litli - Bergþór 5