Litli Bergþór - 01.12.1999, Blaðsíða 17

í Biskupstungum. Þar bjuggu hjón vel efnuð,
Guðmundur Magnússon og Kristrún Gísladóttir. Þau
buðu að taka Margréti litlu til fósturs og þáði Hallgrímur
það. Ólst hún þar upp síðan og giftist fimmtán árum
síðar Magnúsi, syni þeirra hjóna.“
Á sama tíma og Hallgrímur þessi bjó í
Böðvarsnesi, bjó í tvíbýli við hann maður sem hét Jón
Kolbeinsson og var forfaðir Sighvatar á Miðhúsum. En
hvort þeir Jón og Hallgrímur voru eitthvað skyldir eða
tengdir, (og við Sighvatur þar með), veit ég ekki.
Móðurmóðir mín, Guðrún Sveinsdóttir, var fædd á
Kjóastöðum, en ættuð m.a. frá Hrafnkelssöðum í
Hrunamannahreppi.
Hólmfríður Bjarnadóttir,
móðir Oskars.
Jóhannes Guðlaugsson
faðir Oskars.
Igegnum
mömmu mína er ég
sem sagt skyldur mörgum hér í Tungunum, svo sem þeim
Tómasi í Helludal, Þórami heitnum á Spóastöðum (við
vorum fjórmenningar), Guðmundi Indriðasyni og
fleirum.
Það var reyndar ekki fyrr en eftir 20 ára búskap
hér, þegar fjarskyldir ættingjar frá Kanada komu í
heimsókn til okkar hingað að Brekku árið 1968 til að líta
á ættaróðalið, að við vissum að skyldfólk mitt hafði búið
hér á Brekku og á bæjunum hér með Hlíðinni mann fram
af manni, að undanskildum 12 árum, þegar Þórður
Þórðarson, sá er við keyptum af, bjó hér.
L-B: En þú Hildur, hvaðan ert þú œttuð?
Hildur: Ég er hreinræktaður Vestfirðingur, fædd á
ísafirði 11. ágúst 1925. Það erekki einu sinni franskt
blóð í mér, sem annars er svo mikið um á Vestfjörðum!
Faðir minn hét Guðmundur Þorlákur
Guðmundsson, ættaður frá Meiri-Bakka í Skálavík, sem
er næsta vík utan við Bolungavík. Það er hægt að lesa
allt um hans ættir í Vestfirskum ættum, undir
Arnardalsætt. Hann var skipstjóri og fórst árið 1944.
Móðir mín hét Margrét Jónsdóttir frá Isafirði, en
hún var elst 8 systa, sem kenndu sig við Kirkjubæ í
Skutulsfirði. En sá bær er rétt innan við flugvöllinn á
ísafirði. Hún gat rakið ættir sínar til hálfbróður Brynjólfs
biskups Sveinssonar frá Holti í Önundarfírði.
L-B: Attu mörg systkini?
Hildur: Við erum 5 systkinin. Elstur er Páll,
síðan komum við fjórar systur: Elísabet, ég, Margrét og
Guðrún. Páll var sjómaður og skipstjóri en vann seinna í
ísbirninum í Reykjavfk og var oft kenndur við hann.
Elísabet rak hannyrðaverslun um tíma í Reykjavík ásamt
Guðrúnu systur, og vann seinna hjá
Heimilisiðnaðarfélaginu og víðar. Margrét var flugfreyja
hjá Loftleiðum á sínum tíma, var m.a. kosin flugfreyja
ársins á 5. áratugnum, og hefur búið úti í Svíþjóð í mörg
ár. Guðrún vinnur svo sem aðalbókari hjá
Tryggingunum.
L-B: Svo við snúum okkur aftur að þér
Oskar, bjuggu foreldrar þínir hér í Tungunum?
Oskar: Nei, þau bjuggu að vísu í 2 ár á
Króki, en fluttu svo til Reykjavíkur. Og þar er ég
fæddur, á Skólavörðustíg 5. Seinna byggðu þau
á Nönnugötu 6 og átti ég heima þar, þangað til ég
flutti hingað.
Við erum aðeins tveir bræðurnir, sem upp
komumst, ég og Jóhannes, sem er 3 árum yngri
en ég. Tveim árum áður en ég fæddist eignuðust
foreldrar mínir dóttur, sem skírð var Kristrún
Olga, en hún dó á 2. ári.
Hildur: Olga, dóttir hennar Fríðu, er skírð
eftir þessari systur Óskars. Þannig var, að hana
Petu heitina (elstu dóttur Fríðu) dreymdi Olgu og
sagði móður sinni frá því. Fríða spurði hana þá
hvort hún væri ekki ólétt, því líklega væri hún að
vitja nafns. Peta sór það af sér, en skömmu
seinna reyndist Fríða eiga von á barni. Það var stúlka,
sem skírð var Guðríður Olga.
Oskar: Ég hef stundum sagt frá því að móðir mín
mjólkaði svo mikið, að hún hafði mig á brjósti þar til
Jóhannes fæddist. Þá átti að venja mig af bijóstinu, en ég
undi því auðvitað ekki. Mér er sagt að ég hafi þá spurt:
„Afhverju má ég ekki sjá mömmu mína?“ Þá tók hún
mig aftur á brjóstið, því að hún var hvort sem er í
vandræðum með alla mjólkina, og ég var á brjósti til 7
ára aldurs! Þá hefur hún verið orðin 44 ára gömul.
L-B: Hvað starfaði faðir þinn?
Oskar: Hann vann hjá Alþýðubrauðgerðinni,
keyrði út brauð, fyrst á hestvagni og síðar á vörubíl.
L-B: Getur þú sagt mér eitthvað frá uppvextinum
og skólagöngu ?
Oskar: Já, ég var fyrst í Landakotsskóla, og síðan
í gagnfræðaskóla Ágústar Bjamasonar. Eftir
gagnfræðaskólann fór ég að Sámsstöðum í Fljótshlíð að
kynna mér komrækt. Var þar vinnumaður í 2 sumur og
einn vetur.
Reyndar hafði ég verið í sveit áður á sumrin. Fyrst
13 ára sem snúningadrengur í Ásakoti og frá 16 ára aldri
í Lambhústúni (nú Lambhúskoti) í Tunguhverfi og seinna
að Tungufelli. Áður höfðum við bræður verið 3 sumur
með móður okkar í tjaldi. Við vorum 2 sumur í
Lambhúskoti og svo eitt sumar í Einholti. Ég hef líklega
verið 11 ára þegar hún fékk slægjur á Hvítarbökkunum,
Litli - Bergþór 17