Litli Bergþór - 01.06.2007, Blaðsíða 4

Formannspistill
Heill og sæll lesandi góður og gleðilegt sumar
þótt hægt hlýni. Eins og oft áður ætla ég að leyfa
mér að halda áfram að hvetja alla til þess að nýta
sumarið til útiveru og hreyfingar og minni því á
átakið Fjölskyldan á fjallið, sem er skemmtileg hug-
mynd til útiveru fyrir alla fjölskylduna. Þann 7. júní
næstkomandi verður farið í skemmtilega göngu á
Langholtsfjall og verður lagt upp frá Alfaskeiði.
Gangan er öðrum þræði helguð konungskomunni
fyrir 100 árum en kóngurinn og fylgdarlið hans áðu
á Álfaskeiði í þeirri ferð og þáðu mjólk frá Birtingar-
holtsbónda.
Sem sagt, allir í gönguskóna, með nestið og góða
skapið.
Ungmennafélagið fagnar framkvæmdum, sem
sveitarfélagið stendur fyrir, en það er gerð spark-
valla bæði í Reykholti og á Laugarvatni. Fjölmargir
aðilar leggja hönd á plóg bæði með vinnuframlagi
og tækjum sínum til þess að halda kostnaði í lág-
marki svo framkvæmdin verði möguleg. Væntan-
lega verða vellirnir kærkomið æfingasvæði fyrir þá
sem vilja æfa boltafimi.
Af málefnum Ungmennafélagsins er það helst að
frétta að nú styttist í stórafmæli félagsins og hefur
stjórn þess skipað þriggja manna afmælisnefnd til
þess að vinna að undirbúningi afmælisins og
viðburðum því tengdum. Meira um það síðar.
Er umræðan um umhverfismál og umgengni
fólks við landið fallin í gleymsku? Já, ég held að
þörf sé á átaki og eflingu fyrir því að fólk losi ekki
umbúðir utan af drykkjarföngum og öðrum úrgangi
út um gluggann í hugsunarleysi, umhverfi okkar til
skaða. Þörf væri á hreinsun meðfram vegum. Verum
minnug slagorðsins „Hreint land, fagurt land“. Sé
ekki borin virðing fyrir umhverfinu lýsir það van-
mati okkar á dýrmæti lands okkar, sem við mörg
nýtum til framleiðslu hreinna matvæla og aðrir til
ferðamennsku og útiveru.
Njótum sumarsins í fögru umhverfi en verum
minnug þess að akstur er dauðans alvara og að
áfengi og akstur fara ekki saman.
Kveðja,
Guttormur Bjarnason, formaður Umf. Bisk.
‘Bjarruéúð ‘Key/jioíti
Verslun og bensínafgreiðsla
Opnunartími:
Alla dag frá 09 til 21
Allar almennar matvörur og olíur
Bjarnabúð
Litli Bergþór 4