Litli Bergþór - 01.12.2008, Blaðsíða 5

Hvað segirðu til?
Helstu tíðindi úr sveitinni frá júní til nóvember 2008
Tíðarfar var með fádæmum gott í vor og fram
á haust. Hlýtt, sólríkt og lygnt. Úrkoma var fremur
lítil, en það háði ekki mikið sprettu nema þar sem
þurrlendast er. Þeir fyrstu byrjuðu að slá tún um
miðjan júní og fengu jafnvel þrjár uppskerur af
þeim. Annar gróður spratt einnig vel bæði í ræktar-
löndum og á útjörð. Er leið að hausti varð vætu-
samara og rigndi stundum mikið um skamman tíma,
og urðu aðeins flóð í ám, sem ollu þó ekki umtals-
verðum skaða. Á milli var blíðviðri, og ekki
næturfrost fyrr en í byrjun október. Gróður var því
lengi líflegur og matjurtir fengu langan vaxtartíma.
Væta að haustinu torveldaði nokkuð kornskurð, en
mun allsstaðar hafa lukkast að lokum. Svolítið
snjóaði síðast í október, en í hlýindakafla í byrjun
nóvember tók upp allan snjó á láglendi. Veður var
óstöðugt það sem eftir var mánaðarins, hvít jörð
öðru hvoru, hiti oft nærri frostmarki og
vindur lítill.
Farið var með fé í afrétt snemma í
júlí. Var sumu af því sleppt á svæðinu frá
Sandá að Bláfelli en öðru nokkru norðan
við Hvítá. Fyrri leit var gerð á
Biskupstungnaafrétt í annarri viku septem-
ber, og var þá gott leitarveður. Tungnaréttir
voru að lokinni fyrri leit, og má áætla að þar
hafi verið allt að hálft annað þúsund fjár.
Gestkvæmt var þar að vanda og fjöldasöngur
að loknum sundurdrætti. í síðari leit var
farið undir lok þess mánaðar. Fannst þá
nokkuð af kindum til og frá um afréttinn.
Tvflemba var sótt á Hveravelli skömmu eftir
leitir. Hlíðalönd voru leituð snemma í
október, en ekki fundust þar kindur. Hins vegar var
nokkuð af fé á Haukadalsheiði, og höfðu þær komið
austan af afrétti. í byrjun nóvember bárust fréttir
norðan úr Húnavatnssýslu að sést hefði hópur af
kindum í Þjófadölum. Þeirra var leitað en fundust
ekki enda aðstæður slæmar. Einnig var talið að tvær
kindur hefðu sést norðan Bláfells, en illa gekk að
finna þær.
Grenjaleitir voru gerðar í vor og framan af
sumri. I fjórum grenjum, tveimur í byggð og tveim-
ur í afrétti, unnust sex fullorðin dýr og sextán
yrðlingar.
Ibúðarhús er verið að byggja í Brattholti, á
Miðhúsum og í Fellskoti og ein þrjú í austanverðu
Faugaráshverfi og gróðurhús norðan við það.
Gistiheimili er að rísa á Myrkholti.
Vatnsveita hefur verið lögð úr stofnlögn á
Austurhlíðarmýri suður í Faugarás og að Syðri-
Reykjum.
Litboltavöllur hefur verið gerður í
landi Rauðaskógar. Þar munu geta spilað
allt að 24 í einu og er lágmarksaldur leik-
manna 15 ár.
Á vegum Rafmagnsveitna ríkisins er
verið af reisa spennistöð vestan
Biskupstungnabrautar nyrst í Reykholtshverfi.
Nú er verið að leggja svonefndan
Lyngdalsheiðarveg (nr. 365), sem er af
Þingvallavegi við norðanvert Miðfell í
Þingvallasveit að Laugarvatni á vegum
Klæðningar ehf.
Bjarkarbrautin í norðanverðu
Reykholtshverfi hefur verið undirbyggð og á
að klæða hana með olíumöl frá íbúðarhúsum
við hana og langleiðina út að
Biskupstungnabraut. Það er unnið af sama verktaka.
<
r 7)jarna6úð '
Brautarhóli - Biskupstungum >
)
Bjamaóúð ReykhoCti
Verslun og bensínafgreiðsla
Opið alla daga frá 9:00 til 18:00
Laugardaga og sunnudaga 11:00 til 18:00
Allar almennar matvörur og olíur
5 Litli Bergþór