Litli Bergþór - 01.12.2008, Síða 9

og voru þær farnar 18. og 25. júní og 2. júlí. Fyrsta gang-
an var um Geysissvæðið og slóðir gamla
Haukadalsskólans. Þama fengum við til liðs við okkur
Hafstein Þorvaldsson, sem er þaulkunnugur sögu skólans
og staðarins auk sögu ungmennafélagshreyfingarinnar.
Við vorum tæplega 20 sem röltum þarna um, spjölluðum
og gengum upp á Laugarfell, nutum útsýnisins og
enduðum svo í kaffihlaðborði og spjalli á Hótel Geysi.
Önnur gangan var á Fellsfjall frá suðri, upp á hæstu
bungu og síðan niður hjá gamla skógarreitnum sem
Ungmennafélagið plantaði í á sínum tíma og þaðan
gengið heim að Vatnsleysu. í þessari göngu voru alls 50-
60 manns og göngustjórar voru þeir Sveinn Sæland,
Sigurður Þorsteinsson og Sigurður Erlendsson. Á leiðinni
yfir fjallið nutum við leiðsagnar Arnórs Karlssonar og
fleiri staðkunnugra manna, innan og utan sveitar og feng-
um meira að segja upplýst um nöfn á ýmsum svonefndum
Hreppafjöllum.
Þegar að skógarreitnum kom var staldrað við og kunn-
ugir menn rifjuðu upp sögu reitsins og ýmislegt annað
sem tengdist skógræktarstarfi félagsins.
Þá var haldið heim að Vatnsleysu og gerður stuttur
stans þar sem gamla samkomuhúsið stóð. Sigurður bóndi
og fleiri sögðu frá ýmsu skemmtilegu sem tengdist því.
Svo var farið í hina glæsilegu vélaskemmu Guðmundar
og Sigríðar og kvöldinu lokið með höfðinglegu kaffi-
hlaðborði í boði Vesturbæjarfjölskyldunnar.
Þriðja gangan var um Reykholtshverfið, það er að segja
að gengið var frá Aratungu, austur fyrir Norðurbrún,
niður fyrir Gálgakletta, síðan til baka neðan við
Krummakletta og þaðan upp á Reykholtið fyrir ofan
grunnskólann. Þaðan var svo gengið á flötina fyrir ofan
Kistuholtsgötuna, en þar var um árabil íþróttavöllur
Ungmennafélagsins. Svo var sest yfir veitingar í
Aratungu og saga hússins rifjuð upp og fleira spjallað.
Göngustjórar í þessari göngu voru Sveinn Sæland og
Arnór Karlsson, en Sveinn hafði einnig veg og vanda af
skipulagningu allra gönguferðanna.
í þessu kvöldrölti okkar var oft stansað og rifjuð upp
saga byggðar og mannlífs í hverfinu og því haldið til
haga að þama hefur Ungmennafélagið haft sína aðstöðu
síðustu áratugina bæði innan- og utanhúss. í þessari
göngu voru 40 til 50 manns og komu víða að. í kaffísam-
sætinu að göngunni lokinni færði einn úr gönguhópnum,
Nína Pálsdóttir útibússtjóri Landsbankans á Selfossi,
Egill Jónasson, Brynjar Sigurðsson, Sigurjón Sæland og Jens
Pétur Jóhannsson í síldinni.
Ungmennafélaginu veglega peningagjöf í tilefni aldar-
afmælisins. Hafi hún og Landsbankinn sálugi bestu
þakkir fyrir.
Varla þarf að fjölyrða um það að allar þessar göngur
voru í blíðuveðri sumarsins og höldum við að allir sem
þátt tóku hafi verið ánægðir.
Hjá Bergþóri Guðmundar Magnússonar við Geysi.
Nú var að huga að síðasta þætti afmælisdagskrárinnar,
þ.e. dansleik í Aratungu. Síðustu viku ágústmánuðar
birtist eftirfarandi og myndskreytt auglýsing í öllum
héraðsblöðunum.
Aratunga - Aratunga.
Ungmennafélag Biskupstungna á 100 ára
afmæli og þess vegna höldum við
Sveitaball í Aratungu laugardagskvöldið
30. ágúst.
Og það verða sjálfir Veðurguðirnir sem
halda uppi fjörinu.
Húsið verður opnað kl. 23.00 og ballið
stendur til kl. 03.00.
Þetta verður dansleikur sumarsins.
Aldurstakmark 18 ára.
Um þann dansleik er það helst að segja að þar mættu
hátt í 300 manns og skemmtu sér vel. Veðurguðirnir hafa
verið ein vinsælasta hljómsveit landsins í ár og þar innan-
borðs eigum við Tungnamenn helming hljómsveitar-
meðlima, þá Valgeir Þorsteinsson og Eyþór Loftsson.
Hljómsveitin stóð sig frábærlega og keyrði fjörið hvíldar-
laust áfram.
Að lokum.
Við sem höfum skipað þessa afmælisnefnd höfum að
sjálfsögðu ekki unnið ein að öllu því sem gert hefur verið
og væri langt mál að nefna alla sem þar hafa komið við
sögu. Þeim öllum eru hér með færðar bestu þakkir fyrir,
og eiga þær þakkir bæði við um stórt og smátt.
Okkur í afmælisnefndinni hefur bara þótt nokkuð vel til
takast það sem við settum á okkar dagskrá. Svo er auð-
vitað hægt að gera hlutina á allt annan hátt.
F. h. afmœlisnefndar, Gunnar Sverrisson.
Ljósmyndarar: Hrefna Kristinsdóttir, Svava Theodórsdóttir,
Guttormur Bjarnason. Sveinn A. Sœland, Olafur Óskar Egilsson.
9 Litli Bergþór