Litli Bergþór - 01.12.2008, Side 17
hCajrutr (),
r/v
kvaddur með söng í Skálholtskirkju
Kórar, einsöngvarar og stjórnandi í Skálholtkirkju. Ljósmynd: Bragi L. Hauksson.
Þann 27. september 2008 voru haldnir eftir-
minnilegir kveðjutónleikar í Skálholtskirkju
fyrir fullu húsi. Þar kvaddi Hilmar Örn
Agnarsson, organisti og kórstjóri í Skálholti
s.l. tvo áratugi, kóra sína: Barna- og
Kammerkór Biskupstungna, Skálholtskórinn
og Kammerkór Suðurlands sem og íbúa upp-
sveitanna.
Sigrún Hjálmtýsdóttir og Hrólfur
Sæmundsson sungu einsöng á tónleikunum og
má geta þess, að Diddú tók kveðjustund í
Skálholti með vini sínum, Hilmari Erni, fram
yfir söng á alþjóðlegum fundi í New York á
sama tíma. Einnig sungu Margét Stefánsdóttir
úr Kammerkór Suðurlands, Henrietta Ósk
Gunnarsdóttir úr Skálholtskórnum og Selma
Ólafsdóttir, áður í Barna- og Kammerkór Bisk.
einsöng með kórunum. Undirleikarar voru
Hjörleifur Valsson konsertmeistari, á fiðlu,
Birgir Bragason á kontrabassa, Pamila
DeSensi á flautu, Jóhann I. Stefánsson á
trompet, Gunnar Þórðarson á gítar, Hjörtur
Hjartarson og félagar í hljómsveitinni
Kollsha á ýmis hljóðfæri, að ógleymdum
organistunum Hauki Guðlaugssyni,
Steingrími Þórhallssyni og Guðjóni
Halldóri Óskarssyni.
í lok tónleikanna gengu kórarnir syngj-
andi út úr kirkjunni og á eftir þeim
hljóðfæraleikararnir spilandi á hljóðfæri
sín. Söngurinn sem fylgdi tónleika-
gestum út í haustsvalann var írska bænin
(þýð. Bjarna S. Konráðssonar)
Megi gæfan þig geyma,
megi Guð þér færa sigurlag,
megi sól lýsa þína leið,
megi ljós þitt skína sérhvern dag.
Og bænar bið ég þér að ávalt geymi,
þig Guð í hendi sér.
sú hljómsveit sá síðan um fjörið þetta
kvöld á Klettinum fram á rauða nótt. Auk
Hilmars Amar era í hljómsveitinni Keli
hennar Diddúar á trommur, (Þorkell
Jóelsson hornaleikari Sinfóníuhljómsveitari
nnar), Hermann G. Jónsson gítar og söng-
ur, Karl Hallgrímsson mandólín og söngur,
Örlygur Benediktsson á ýntis blásturshljóð-
færi og söngur og síðan allir aðrir tiltækir
hljóðfæraleikarar og söngvarar á staðnum.
En mottó hljómsveitarinnar hefur ávallt
verið að láta alla spreyta sig sem vilja
koma fram og syngja og spila með hljóm-
sveitinni!
Það setti svo skemmtilegan endapunkt
á samkomuna, þegar gestir Klettsins voru að tygja sig
til heimferðar um þrjúleytið um nóttina, þá kom
brúðurin Día, (Kristín Haraldsdóttir, fyrrverandi
kórstúlka í Kór Menntaskólans að Laugarvatni og síðar
í Skálholtskórnum) svífandi inn á gólfið á Klettinum í
sínum hvíta brúðarkjól og tjulli til að knúsa kórstjórann
sinn gamla, hann Hilmar. En hún var á leið heim úr
brúðkaupsveislunni sinni í Aratungu þetta sama kvöld!
Hilmar Om að stjóma.
Ljósmynd: Bragi L. Hauksson.
Þegar út á tröppumar kom, héldu kórarnir áfram að
syngja bænina aftur og aftur og hljóðfæraleikararnir að
spila, meðan gestirnir gengu út úr kirkjunni, og er vart
hægt að hugsa sér fallegri kveðjustund. Þessir endir var
ekki undirbúinn á neinn hátt, en gerðist af sjálfu sér.
Þegar kórfélagar höfðu borið kórpalla og aukastóla
út úr kirkjunni og gengið frá, héldu allir á Klettinn
ásamt gestum, þar sem nýir vertar, þau Steinunn
Bjamadóttir og Kjartan Jóhannsson, tóku á móti fólkinu
með gómsætum mat. Ræður voru fluttar, þar sem
slegið var á létta strengi, og Hilmari færðar þakkir fyrir
sitt fjölþætta kóra- og tónlistarstarf hér í Tungunum og
reyndar á Suðurlandi öllu.
Eitt af því sem Hilmar Örn hefur tekið sér fyrir hend-
ur er bassaleikur í hljómsveitinni „Blek og byttur“, en
Menn voru almennt sammála um að það hefðu ein-
hverjir töfrar hvílt yfir þessum degi. Óvenju stór og
litsterkur regnbogi sást yfir Skálholtsstað rétt fyrir tón-
leikana, um það leyti sem giftingarathöfninni var að
ljúka, tónleikarnir voru áhrifaríkir og töfrarnir héldu
síðan áfram á Klettinum. Tákn um velþóknun æðri
máttarvalda?
Það fannst okkur allavega, sem tókum þátt í þessum
tónleikum og við þökkum fyrir það. Og við þökkum
fyrir að hafa fengið tækifæri til þess að njóta starfs-
krafta Hilmars Arnar þessi 17 ár sem honum voru gefin
hér í Skálholti.
Geirþrúður Sighvatsdóttir
17 Litli Bergþór