Fréttabréf Ættfræðifélagsins - 01.11.2005, Blaðsíða 20
Fréttabréf Ættfræðifélagsins í nóvember 2005
a) Menn telja að tengingin milli 6. og 7. ættliðs sé
ekki örugg.
b) Ég tel fullvíst að Jón Haraldsson prestur í
Björgvin (NR 11) hafi verið kominn af Haraldi
Sæmundssyni í Odda (NR 19) og þá mjög lík-
lega í gegnum Jón Haraldsson á Arbæ (NR 15).
Hins vegar er ekki hægt að fullyrða að það sé í
beinan karllegg, þótt ég telji það líklegra en að
það sé í gegnum kvenliði.
c) A fyrri öldum voru menn oft nokkuð fullorðnir
þegar þeir giftust- og þá stundum miklu yngri
konum. Þess vegna kynni ættlið NR 17 að vera
ofaukið og ennfremur gætu ættliðimir á milli
Jóns Haraldssonar í Björgvin (NR 11) og Jóns
Haraldssonar á Árbæ (NR 15) að vera einum
færri og væri þá Jón í Björgvin hugsanlega
fæddur 30 árum fyrr, þ.e. 1450.
d) Ég hef ekki aðgang að „Norska fombréfa-
safninu“ (Diplomatarium Norvegicum), sem til
er á prenti í Landsbókasafni og Árnastofnun, en
fróðlegt væri að vita hvort Jón Haraldsson
prestur í Björgvin finnst þar, en ekki er líklegt
að faðir hans eða afi séu þar nefndir enda voru
þeir íslenskir menn.
e) Ef endanlega sannaðist að Hannes Hafstein
hefði verið kominn í beinan karllegg af Odda-
verjum, þá er það stórkostlegt til þess að vita, að
sá maðurinn sem fyrstur gegndi merku embætti
(fyrsti innlendi ráðherrann) á ferli þjóðarinnar
til algers fullveldis, skuli vera þannig beinn
afkomandi þeirrar höfðingjaættarinnar íslensku,
sem Hákon Noregskonungur leit á sem helsta
þröskuld á leið sinni til valda á Islandi - þeirrar
ættar sem veitti vopnaða andstöðu gegn tagl-
hnýtingum og leppum erlenda valdsins í lok
Sturlungaaldar.
DNA-rannsókn
Til eru jarðneskar leifar Páls Skálholtsbiskups (d.
1211) bróður Sæmundar í Odda NR 20. Nú spyr ég,
er hægt að taka sýni úr beinum Páls til DNA-
rannsókna til samanburðar við núlifandi fólk sem er
í karllegg af Hafsteinættinni til að sanna eða afsanna
að það sé í beinan karllegg af Oddaverjum? Að vísu
telja menn óvissa tengingu á milli ættliða NR 6 og
NR 7 en þá mætti fá DNA-sýni úr færeyskum mönn-
um sem eru í beinan karllegg af Heine Hafreka (NR
10) til að fá úr þessu skorið varðandi ættliðina NR
12-18. Sé þetta gerlegt, þá mætti um leið taka til
rannsókna/ úrskurðunar örfáa aðra karlleggi
(íslenska), sem menn hafa með (hæpnum?) tilgátum
viljað rekja beint til Oddaverja. Þessu vil ég sérstak-
lega beina til Kára Stefánssonar og fyrirtækisins
„íslenskrar erfðagreiningar.“
S
Asmundur Uni á Akranesi
Eftir nokkuð langt hlé á skrifum mínum í Fréttabréf
Ættfræðifélagsins, sendi ég þennan pistil í von um að
hann gjaldi þess ekki að vera ekki á tölvutæku formi
og verði birtur á síðum Fréttabréfsins. Auðvitað von-
ast ég sem fyrst eftir góðum úrlausnum í blaðinu, á
vanda þeim sem við blasir, svo aðrir geti notið
upplýsinganna með mér. Ég veit að snillingar og
fróðleiksbrunnar eru á hverju strái innan Ættfræði-
félagsins og leysa hvern þann vanda sem upp kemur
hjá þeim sem lítt eru í stakk búnir til að afla sér
fróðleiks varðandi ættfræði.
Tilefnið er þetta:
Egill Guðmundsson hét maður f. 1789. Ekki er
mér kunnugt um hvenær hann dó. Hann bjó á Þóru-
stöðum á Vatnsleysuströnd en þar mun þá hafa verið
tvíbýli eða margbýlt. Kona hans var Guðrún
Magnúsdóttir f. 1789. Dánarár hennar er mér heldur
ekki kunnugt.
í bókinni Mannlíf og mannvirki á Vatnsleysu-
strönd á bls. 305 og 311 er sagt að kona Egils
Guðmundssonar heiti Ólöf, ekkert meir, og dóttir
þeirra heiti Margrét, gift Hjálmari sem býr í Reykja-
vík. í manntali 1845 í Reykjavíkursókn, bls. 457, er
aðeins ein Margrét Egilsdóttir 33 ára, samkvæmt því
f. 1812, gift Ingjaldi Ingjaldssyni 34 ára bónda í
skrifar Ættfræðifélaginu:
Haga. Enginn Hjálmar er skráður í Reykjavíkursókn
í því manntali.
Var þessi Egill Guðmundsson bóndi á Þóru-
stöðum tvígiftur eða var þessi Ólöf hjákona hans eða
var Guðrún það? Hvað er rétt í þessu? Eða er þetta
eintómt rugl?
Það sama gildir um Margréti Egilsdóttur, sem
mun hafa verið fædd í Móakoti, var hún tvígift eða
ekki og átti hún afkomendur? Er ég að rugla saman
persónum? Hvar get ég fengið gleggri upplýsingar
um þetta fólk? Gott væri að fá svar eins fljótt og
auðið er.
Og svo önnur spurning:
Snorri Þórðarson hét maður f. 1825, d. hvenær?
Hann var bóndi í Steinsholti. Kona hans hét Margrét
Einarsdóttir f. 22. júní 1830 d. 8. mars 1910. Hvað
hétu foreldrar Snorra og hvenær fæddust þau og
dóu?
Með bestu kveðjum og von urn skjóta og góða
afgreiðslu.
Ásmundur Uni Guðmundsson
Suðurgötu 124, 300 Akranesi.
http://www.vortex.is/aett
20
aett@vortex.is