Unga Ísland - 01.10.1938, Qupperneq 9
UNGA ÍSLAND
113
Almannagjá.
stór og fögur skógarhvilft suðvestan
í Ármannsfelli. Ef við erum duglegir,
þá getum við gengið inn með fjallinu
að sunnan og á Hofmannaflöt og
Meyjarsæti, það er um klukku tíma
gangur úr Bolabás. — Líka er
skemmtilegt að ganga á Ármannsfell,
þaðan er útsýn fögur, en það er nokk-
uð erfitt og betra að hafa góða skó á
fótum. Nú höfum við farið um mest af
nágrenni Þingvalla, sem markverðast
er. En auk þess, sem nú hefir verið
talið, getum við farið heim á býlin í
hrauninu, Hrauntún og Skógarkot, þó
ekki sé þar nú lengur búið, en búið
var þar fram á síðustu ár.
Auðvitað verðum við að skoða sjálfa
Þingvelli vel og rækilega, en ef þú
hefir komið þar áður, þá geri ég ráð
fyrir að þú vitir hvar Lögberg, Lög-
rétta, Snorrabúð o. fl. er. Einnig þeir
staðir sem það óhamingj usama fólk,
sem hafði gerst brotlegt við lögin á
miðöldunum, var tekið af. — Galdra-
menn brenndir í Brennugjá, þjófar
hengdir við Gálgaklett og konur, er báru
út börn sín, drekkt í Drekkingarhyl.
Nú skal ég minnast á, hvað við sjá-
um af lifandi verum á þessu ferðalagi
okkar. í vatnsgjánum lifir svolítið sil-
ungsafbrigði, 10—15 cm. að lengd,
svart á baki og Ijóst á kvið. Höfuðið
er stórt og augun tiltölulega mjög stór
— vegna þess hvað birtan er lítil í
gjánum — og nefið snubbótt. Heldur
eru þessar dvergbleikjur óásjálegar,
enda eru lífskjör þeirra örðug. Stund-
um hefir urriði gengið í Öxará, eink-