Unga Ísland - 01.12.1948, Page 25
Guðmundur Kambcm:
H. C. Andersen og ísland
Guðmundur Kamban, eitt af dásamlegustu skáldum, sem
ísland hefur átt á síðari öldum, féll fyrir óhappaskoti í lok
styrjaldarinnar. Hann hafði dvalið árum saman í Danmörku
og víðar erlendis, og öll stríðsárin gat hann ekkert samband
haft við föðurland sitt, sem hann unni svo mjög. En hann
vann því af heilum hug. Á fyrstu stríðsárunum samdi hann
margar ritgerðir um menn og málefni, og bók með þeim
kom út hjá Gyldendal 1941. Hét hún „Kvalitetsmennesket" —
(Hæfileikamaðurinn). Ritgerðin, sem hér fer á eftir um
danska æfintýraskáldið H. C. Andersen og ísland, er tekin
úr þessari ágætu bók.
Lísa er að læra, hún er stúdent. Annars er hún hvorki
fugl né fiskur, hvorki medicus né magister. Hún er eml
ekki ákveðin í því, hvað hún ætlar að taka fyrir. Fyrir mér
er hún aðeins ímynd danskrar vinstúlku minnar, frá því
að hún var bam. Og þrátt fyrir það þó að í dag sé 2.
apríl, fæðingardagur H. C- Andersens í 135. sinn í bók-
menntasögu Dana, sé ég ekkert athugavert við það þó við
leikum okkur — og það er fagur sumardagur. Við Lísa höf-
um mikið hugmyndaflug. Þó að við löbbum í hægðum
okkar um Austurgötu, teljum við okkur samt sem áður trú
um, að við séum að fara upp hæðardragið fyrir vestan
Reykjavík og að við höldum síðan suður á við, niður til
sjávar.
„Bráðum ferð þú til Kaupmannahafnar og lætur innrita
þig í háskólann, Lísa mín. Ertu búin að taka nokkra ákvörð-
un?“