Árbók VFÍ - 01.01.1991, Qupperneq 29

Skýrsla stjórnar 27
en þá voru undirritaðir samningar við Félag ráðgjafaverkfræðinga. Félag ráðgjafaverk-
fræðinga sagði síðan launalið þessa samnings upp 15 dögum síðar, eins og flestir hafa
orðið varir við í fjölmiðlum. Á þessari stundu er alveg óljóst hvert framhald viðræðna við
Félag ráðgjafaverkfræðinga verður.
Samninganefnd Stéttarfélagsins við ríki hefur ekki síðan ’87 gert heildarsamning við
ríkið. Ástæðan fyrir því er algjört viljaleysi ríkisins. Samninganefndin fékk þó 3 fundi
með samninganefnd ríkisins á liðnu ári en lítt miðaði ísamkomulagsátt. Samninganefnd-
in sat einnig á liðnu ári um 12 samráðsfundi með Samráðsnefnd ríkisins. Á þessurn
samráðsfundum voru smærri ágreiningsmál rædd og sum leyst. Þannig náðist á árinu
samkomulag við ríkið um Starfsmenntunarsjóð Stéttarfélags verkfræðinga og einnig um
vörslu og ávöxtun orlofslauna ríkisverkfræðinga. Ef til vill þarf Stéttarfélagið að bíða
eitthvað lengur eftir að ríkið sé tilbúið að koma á móts við kröfur okkar.
15.4 Kjarakönnun
Kjarakönnun var gerð í byrjun ársins 1989. Var könnunin gerð sem áður í samvinnu við
Félagsvísindastofnun HÍ. Náði könnunin til allra verkfræðinga. Vegna reynslu af fyrri
könnunum gekk vinnan við kjarakönnunina hratt og vel fyrir sig. Var gefinn út vandaður
bæklingur í maí mánuði með niðurstöðum og sendur til allra sem spurðir voru. Það var og
er stefna stjórnar Stéttarfélagsins að gefa út kjarakönnun á hverju ári til upplýsingar fyrir
verkfræðinga. Kjarakönnunin var og er einnig grundvöllur að Viðmiðunarlaunatöflu
félagsins. Hafa ber hugfast að til þess að hægt sé að framkvæma kjarakönnunina þá verða
menn að senda inn svör viö könnuninni.
15.5 Fréttabréf
Stjórn Stéttarfélagsins lét skrásetja Fréttabréf félagsins opinberlega og lækkaði dreifing-
arkostnaðurinn við hvert blað þá niður í um fjórðung af því er áður var. Þá skilgreindi
stjórnin nýtt embætti innan stjórnar, sem er útgáfustjóri. Skal útgáfustjórinn bera ábyrgð
á Fréttabréfinu, útgáfu þess og öflun efnis í það. Tilgangur.Fréttabréfins er að vera
fréttamiðill félagsins og er það því öllum opið. Virðast ákvarðanir stjórnar varðandi
Fréttabréfið hafa verið réttar, því útgáfan hefur líklega aldrei verið þróttmeiri. Voru
gefin út alls 6 Fréttabréf á liðnu starfsári.
15.6 Viðmiðunarlaunatafla
Okkar félagar fá greidd laun eftir ýmsum samningum gerðum af Stéttarfélaginu eða
samkvæmt ákvörðun ráðherra eða eftir samningum sem einstakir verkfræðingar hafa
sjálfir gert. Til þess að upplýsa félaga okkar um hvaða laun verkfræðingum voru almennt
greidd þá gaf stjórnin út Viðmiðunarlaunatöflu. Viðmiðunarlaunataflan var unnin upp úr
niðurstöðum hinnar árlegu Kjarakönnunar og einnig út frá tveimur skyndikönnunum
sem gerðar voru og hvor náði til um 5% félagsmanna. Viðmiðunarlaunataflan tekur því
mið af launaþróun á hverjum tíma. Viðmiðunarlaunataflan er og verður gefin út 4 sinnum
á ári.
15.7 Bæklingur um viðmiðunarlaunatöflu
Til að gera félögum okkar enn betur grein fyrir markmiði og grundvelli Viðmiðunar-
launatöflunnar þá gaf stjórnin út vandaðan bækling um Viðmiðunarlaun. Það voru
gleðilegar fréttir að ýmsir félagar hafa samið við sinn vinnuveitanda um launagreiðslur
samkvæmt Viðmiðunarlaunatöflu Stéttarfélagsins. Sýnir það að Viðmiðunarlaunataflan
er að vinna sér sess sem viðmiðun fyrir laun verkfræðinga. Ábyrgð stjórnarinnar á útgáfu
Viömiðunarlaunatöflunar er því mikil.