Árbók VFÍ - 01.01.1991, Page 30

28 Árbók VFÍ 1989/90
15.8 Form fyrir ráðningarsamning
Ráðningarsamningar eru mikilvægir fyrir alla launþega. Ráðningarsamningur er til að
tryggja rétt launþega og menn tryggja ekki eftir á. Til að aðstoða okkar félaga í að gera
slíka samninga hefur stjórnin útbúið nýtt form ráðningasamnings. Þar koma fram helstu
atriði er launþegar þurfa að hafa í huga þegar ráðningarsamningur er gerður.
15.9 Atvinnuleysisbætur
Á síðustu tveim árum hefur stjórnin vakið athygli á að verkfræðingar fá ekki greiddar
atvinnuleysisbætur samkvæmt lögum. Var haft samband við alþingismenn úr verkfræð-
ingastétt af því tilefni og þeim bent á óréttlætið. Tóku þeir vel í að aðstoða við að breyta
þessum ólögum. Einnig hefur stjórnin haft samband við önnur hagsmunafélög háskóla-
manna sem falla undir sömu lög til að fá meiri þrýsting á um breytingar. Er nú svo komið
að Heilbrigðis- og tryggingarmálaráðherra hefur nú frumvarp undir höndum sem á að
leiðrétta þetta. Á síðasta fundi sem fulltrúar stjórnar Stéttarfélagsins áttu með ráðherra
sagði hann að hann myndi leggja frumvarpið fyrir þingið allra næstu daga. Var það
reyndar þriðji fundur okkar með ráðherra út af þessu máli. Stjórnin mun þurfa að fylgja
þessu mjög svo mikilvæga máli enn frekar eftir.
15.10 Norrænt samstarf
Stéttarfélagið hélt sambandi við stéttarfélög verkfræðinga á Norðurlöndunum. Stjórnin
sendi því fulltrúa á hina árlegu ráðstefnu um kjaramál stéttarfélaga Norðurlandanna. Á
þessari ráðstefnu var m.a. fjallað sérstaklega um sameiginlegan vinnumarkað verkfræð-
inga í Efnahagsbandalagi Evrópu. Það er Ijóst að Stéttarfélag verkfræðinga hefur lært
margt af systurfélögum sínum á Norðurlöndunum einkum hvað varðar uppbyggingu og
skipulag félagsins.
15.11 Stuðningur við BHMR
Á vorinu ’89 átti BHMR í langvinnu verkfalli. Það var ákvörðun stjórnar að Stéttarfélag-
ið styddi BHMR í verkfallinu. Stjórnin beindi því þeim tilmælum til stjórnar Vinnudeilu-
sjóðs að hann styrkti verkfallssjóð BHMR, sem stjórn Vinnudeilusjóðs varð við. Var
þetta gert tvívegis. Einnig styrktu ríkisverkfræðingar sérstaklega verkfallssjóð BHMR.
Ástæðan fyrir þessum stuðningi var m.a. að ríkisverkfræðingar þáðu laun eftir taxta
BHMR samkvæmt skipun ráðherra, þannig að barátta BHMR fyrir hærri launum kom
stórum hluta af okkar félagsmönnum til góða, þrátt fyrir að Stéttarfélagið tók á engan
hátt þátt í verkfallinu.
15.12 Lokaorð
Stutt er síðan verkfræðingar á frjálsum markaði sameinuðust verkfræðingum hjá ríki í
einu félagi, Stéttarfélagi verkfræðinga. Segja má því að félagið sé ungt félag og greinilegt
er að vöxtur er í félaginu. Talsvert starf bíður því stjórnar við uppbyggingu og mótun
félagsins og við að sinna þeim verkefnum sem hún hefur nú þegar tekið að sér.
Ég vil þakka öllum þeim sem hafa gefið kost á sér í störf á vegum félagsins öll góð
verk í þess þágu. Sérstaklega vil ég svo þakka stjórn og samninganefndum velunnin störf
og góða samvinnu á liðnu ári.
Steinar Jónsson
formaður SV 1989-1990