Neytendablaðið - 01.04.1998, Síða 9
Umhverfið
Þvotturnn
Þurrkarinn er dýr í rekstri og þvottasnúran gamla er góð efþú
vilt spara.
ið þvoum meira en
nokkru sinni fyrr, en ekki
verður þó allt hreinna. Flest
heimili hafa sína eigin þvotta-
vél og þurrkarar eru æði
margir. Vinnan er miklu létt-
ari en þegar standa þurfti yfir
bala og þvottabretti. Því er
eðlilegt að draga þá ályktun
að tíminn sem notaður er til
þvotta sé einnig miklu minni.
En svo þarf alls ekki að vera.
Með útbreiðslu þvottavélar og
þurrkara hefur þvottamagnið
einfaldlega aukist mjög. Við
þvoum miklu oftar en áður
fyrr og stór hluti af húsverk-
unum er að komast ofan í
botninn á þvottataushrúgunni.
Þvoum á umhverfis-
vænan hátt
Þetta gefur tilefni til að fá
bakþanka vegna umhverfis-
ins. Því meira sem við þvo-
um, þeim mun meira þurfum
við að losa okkur við af efn-
um sem eru íþyngjandi fyrir
umhverfið. Að meðaltali læt-
ur fjölskyldan 15 kg af
þvottaefni í vélina á ári miðað
við að hún sé sett í gang 312
sinnum.
I þvottaefnum eru ýmis
efni sem öll lenda að lokum í
sjónum. Ef við viljum vera
væn við umhverfið látum við
sem minnst enda þar og reyn-
um að hafa það sem umhverf-
isvænast. Það er hinsvegar
erfitt að fá trúverðugar upp-
lýsingar um innihald þvotta-
efna þar sem framleiðendur
vilja ekki upplýsa það af sam-
keppnisástæðum. .
Almennt er þó hægt að
mæla með að nota svokölluð
„kompakt“-þvottaduft sem
eðlilegt er að kalla á íslensku
kjarnaduft. Þessi tegund
þvottadufts er þéttari í sér en
venjulegt þvottaefni, minna
magn þarf í þvottavélina
hverju sinni og því er það um-
hverfisvænna. En þá verður
einnig að gæta þess að nota
það í réttu magni.
Mýkingarefni íþyngja
einnig umhverfinu og því á
aðeins að nota það til að ná
rafmagni þegar gerviefni eru
þvegin. Notkun mýkingarefn-
is getur hinsvegar haft nei-
kvæð áhrif þegar bómullar-
efni eru þvegin, til dæmis
draga handklæði síður til sín
vatn þegar mýkingarefni er
notað. Ekki er síður mikil-
vægt að nota mýkingarefni í
réttu magni.
Þurrkarinn er dýr í rekstri
Samkvæmt áætlun rafveitna
hér á landi fer 28% af raf-
magninu sem heimilið notar í
að keyra þvottavélina og
þurrkarann. Meðalfjölskyldan
notar um það bil 4000 kWh af
rafmagni á ári og greiðir fyrir
það 29.240 kr. auk fasta-
gjalds, 3.162 kr. Af þessari
upphæð fara því 8.187 kr. í
notkun þvottavélar og
þurrkara. Þurrkarinn notar
mun meira rafmagn en
þvottavélin og ef þvegið er í
vélinni það taumagn sem hún
tekur þarf oftar en ekki að
þurrka þvottinn í tvennu lagi í
þurrkaranum, þar sem hann
tekur oftast minna magn.
Samkvæmt útreikningum
frænda okkar í Danmörku má
minnka rafmagnskostnaðinn
hjá heimili sem notar þurrkara
úr rúmlega 8.000 kr. í 2.500
kr. á ári með því að hætta að
nota þurrkarann. Það er því
ljóst að til að minnka raf-
magnsnotkunina er einfaldast
að nota þurrkarann sern
minnst. Þvottasnúran gamla
er því góð ef á að spara.
Stundum er þurrkarinn þó
nauðsynlegur vegna að-
stæðna. Þá er mikilvægt að
þeytivinda þvottinn vel (með
minnst 800 snúningum) og að
fylla þurrkarann eins og hægt
er, en ekki of mikið. Of lítill
þvottur eða of mikill eykur
rafmagnseyðsluna. Að sjálf-
sögðu á það sama við ef
þurrkarinn er látinn ganga
þegar þvotturinn er þurr.
Er þvottatauið skítugt?
Til að draga úr þvottinum og
þar með þvottaefninu er
ástæða til að skoða þvotta-
hrúguna. Sumt af því sem þar
er er alls ekki skítugt og verð-
ur því eins og nýþvegið ef
það er hengt upp á snúruna.
En hvað þá með hreinlæt-
ið? spyr eflaust einhver. Svar-
ið er að sjaldnast eru heil-
brigðisvandamál tengd fötun-
um. Þetta snýst ekki bara uin
hvað við þvoum oft heldur
einnig á hvaða hita. Því hærri
sem hann er, því meiri orku
notum við. Oftast dugar að
þvo við 40 og 60 gráður. í
raun er oftast ónauðsynlegt að
þvo á 90-95 gráðum nema
þegar þvotturinn er ntjög
skítugur eða í honuin eru
blettir sem erfitt er að ná úr.
Það þarf þó öðruhvoru að
nota þetta hátt hitastig til að
koma í veg fyrir að súr lykt
komi af þvottavélinni.
Ráðið er því að fara vand-
lega í gegnum þvottahrúguna
áður en sett er í vélina og að
velja lægri þvottahita. Auk
þess er hægt að spara bæði
vatn og orku með því að fylla
vélina (4—5 kg) áður en hún er
sett í gang og með því að nota
orkusparnaðarkerfi sé það á
vélinni.
NEYTENDABLAÐIÐ - apríl 1998
9