Neytendablaðið - 01.04.2003, Blaðsíða 9

Frá
kvörtunar-
þjónustunni
Gjaldþrot flækir málin
í haust óskaði Brim hf. (áður Heimilis-
tæki hf.) eftir gjaldþrotaskiptum. Öllum
verslunum í eigu fyrirtækisins var lokað
en það voru verslanirnar Euronics (Smára-
lind), Taktur (Ármúla), Heimilistæki (Sæ-
túni) og Heimskringlan (Kringlunni).
Fjölmargir neytendur höfðu áhyggjur
vegna gjaldþrotsins og settu sig í sam-
band við Leiðbeininga- og kvörtunar-
þjónustu Neytendasamtakanna. Spurn-
ingin sem brann á allra vörum var þessi:
Hvað verður um ábyrgðina þegar verslun
lokar vegna gjaldþrots?
Almennt er svarið við spurningunni að
gjaldþrot veldur því að fyrirtæki getur
ekki staðið við skuldbindingar sínar,
hvorki ábyrgðarskuldbindingar né aðrar
skuldbindingar.
Vegna aukinnar neytendaverndar í lög-
um og samkeppni milli fyrirtækja þarf
gjaldþrot fyrirtækis þó ekki að þýða að
öll sund séu lokuð fyrir neytandann. Af
þeim sökum tók Leiðbeininga- og kvört-
unarþjónustan strax til við að kanna
hvort eitthvað væri hægt að gera fyrir
neytendur sem keypt hefðu gallaðar vör-
ur af framangreindum verslunum. Tvennt
kom í Ijós: 1) Kaupalög mæla fyrir um að
í neytendakaupum geti kaupandi undir
vissum kringumstæðum gert gallakröfu á
fyrri söluaðila; 2) Vörur sem fluttar höfðu
verið inn í gegnum Euronics í Noregi og
seldar í Euronics á íslandi voru með al-
þjóðlegri ábyrgð Euronics-keðjunnar.
Við svo búið töldu Neytendasamtökin
góðar vonir til að sum mál mundu leys-
ast en því rniður reyndust Ijón í veginum.
Annars vegar kom í Ijós að Heimilistæki
hf. höfðu flutt inn tæki af flestum vöru-
merkjum og því var ekki um neina fyrri
söluaðila að ræða. Hins vegar neitaði
Euronics í Noregi að viðurkenna ábyrgð
sína nema hver neytandi legði fram kvitt-
un frá Euronics á íslandi fyrir innflutningn-
Starfsfólk leiðbeininga- og kvörtunarþjónustu Neytendasamtakanna, frá vinstri: Brynhildur
Pétursdóttir starfsmaður Neytendasamtakanna á Akureyri, Ingibjörg Magnúsdóttir fulltrúi, Ceir
Mareisson lögfræðingur, Sesselja Asgeirsdóttir fulltrúi og Ólöf Embla Einarsdóttir lögfræðingur
og stjórnandi leiðbeininga- og kvörtunarþjónustunnar.
um frá Noregi. Þær kvittanir reyndist of
dýrt og tímafrekt að finna hjá þrotabúinu
auk þess sem áætlað var að um 90%
kvittananna væru týndar. Þess má geta í
framhjáhlaupi að Neytendasamtökin eru
afar ósátt við kröfur Euronics í Noregi
og til stendur að láta reyna á málið fyrir
kvörtunarnefnd í Noregi í gegnum Evr-
ópsku neytendaaðstoðina á íslandi.
Ráöleggingar Neytendasamtakanna
Þegar hér var komið sögu brugðu Neyt-
endasamtökin á það ráð að ráðleggja
neytendum að setja sig í samband við
núverandi umboðsaðila síns vörumerkis
á íslandi og biðja hann um nafn á tengilið
hjá framleiðanda. Svo virðist sem þessi
leið gefist best því samkvæmt upplýs-
ingum Neytendasamtakanna hefur einn
framleiðandi (Electrolux í Noregi) greitt
fyrir ábyrgðarviðgerð á ísskáp eftir þess-
ari leið og í tveimur öðrum tilvikum ætl-
uðu neytendur að hafa beint samband
við framleiðendurna, Whirlpool og Phil-
ips. Viðkomandi framleiðendur virðast
síðan hafa haft samband við núverandi
umboðsaðila, Heimilistæki ehf., því
Heimilistæki annast nú ábyrgðarviðgerð-
ir á Whirlpool- og Philips-tækjum sem
keyptir höfðu verið hjá hinu gjaldþrota
fyrirtæki.
Hér eru ráðleggingar Neytendasamtak-
anna til eigenda gallaðra tækja eftir vöru-
merkjum:
1. Eftirfarandi merki seldu innlendir
aðilar Heimilistækjum hf. og er hægt
að hafa beint samband við þá:
a. Linkur: Sony og Panasonic
b. Radíónaust: Samsung og Seg
c. Pfaff: Braun og Candy
d. Íslandssími eða íslensk fjarskipti
vegna síma
e. Radíóverkstæði Reykjavíkur: Thomson
2. Hafa samband við umboðsaðila
á íslandi um nafn á tengilið: Hitatchi,
JVC, Crundig, United, Sangem, El
ram, Kenwood, Sharp, Delongi,
Asco, AEG, Crönje, Bose, Brevill,
Elna, Philco og Bauknet.
3. Fara beint á verkstæði Heimilistækja
ehf: Whirlpool og Philips
4. Senda tengilið framleiðanda tölvu
póst: Electrolux
(netfang: marit.teigen@electrolux.no)
Græna kortiÖ
í febrúar barst Neytendasamtökunum
kvörtun frá félagsmanni vegna vill-
andi kynningar á Græna kortinu sem
Strætó bs. gefur út. Um langt skeið
hefur Cræna kortið verið kynnt sem
„30 daga kort" en stimplun kortsins
hefur hins vegar miðast við mánað-
artímabil. Mismunandi dagafjöldi
mánaðanna leiðir svo til þess að
gildistími kortsins sveiflast frá 28 dög-
um í 31 dag. Vegna málsins sendu
Neytendasamtökin stjórn Strætó bs.
ábendingu og var strax brugðist við
af hálfu fyrirtækisins. Kynning Græna
kortsins verður því framvegis með
þeim hætti að um mánaðarkort sé að
ræða og er réttara að mati Neytenda-
samtakanna.
NEYTENDABLAÐIÐ 1.TBL. 2003 9