Neytendablaðið - 01.04.2003, Blaðsíða 12

Davíð Oddsson: Sjálfstæðisflokkurinn
mun beita sér fyrir virkri samkeppni á
matvörumarkaði eins og öðrum sviðum
atvinnulífsins.
Halldór Ásgrímsson: Með lögum um
samkeppni og neytendavernd annars
vegar og með lögum um skatta fyrir-
tækja hins vegar getur hið opinbera haft
áhrif þannig að vöruverð lækki.
Steingrímur J. Sigfússon: Við styðjum
eindregið að Neytendasamtökunum séu
lagðir til auknir fjármunir til að sinna
sinni mikilvægu þjónustu.
Formenn stjórnmálaflokkanna taka allir
í megindráttum undir þrjár meginkröf-
ur sem Neytendasamtökin settu fram á
þingi sínu síðastliðið haust um evrópskt
verð á vörum og þjónustu, að fjármála-
viðskipti verði sett á frjálsan markað og
að komið verði á virkri samkeppni á mat-
vörumarkaði. Þetta kemur fram í svörum
formannanna við nokkrum spurningum
um hagsmuni neytenda sem Neytenda-
hlaðið lagði fyrir þá í tilefni kosninganna
til alþingis í maí. Flokkarnir segjast vilja
stuðla að því að neytendum bjóðist sem
hagstæðast verð á vörum og þjónustu og
eru samdóma um að tryggja beri virka
samkeppni á matvörumarkaði.
Guðjón A. Kristjánsson: Sanngjarnt
væri að hið opinbera greiddi þrjá fjórðu
kostnaðar samtakanna vegna hinnar mik-
ilvægu starfsemi þeirra í þágu alþjóðar.
Össur Skarphéðinsson: Það er mikilvægt
að embætti umboðsmanns neytenda
verði sett á stofn og er það stór þáttur í
að efla neytendavernd á íslandi.
Formenn Vinstri hreyfingarinnar - græns
framboð, Frjálslynda flokksins og Sam-
fylkingarinnar telja allir að ríkinu beri
að greiða stærri hluta kostnaðar vegna
rekstrar leiðbeininga- og kvörtunarþjón-
ustu. Guðjón A. Kristjánsson, formaður
Frjálslynda flokksins, telur að ríkinu beri
að greiða þrjá fjórðu hluta þessa kostn-
aðar. Steingrímur ). Sigfússon, formaður
VG, segist styðja það eindregið að Neyt-
endasamtökin fái aukna fjármuni til að
sinna þessari þjónustu. ÖssurSkarphéðins-
son, formaður Samfylkingarinnar, segir
að flokkur hans muni beita sér fyrir því
að þátttaka ríkisins verði aukin verulega
í rekstri og uppbyggingu Neytendasam-
takanna. Halldór Ásgrímsson, formaður
Framsóknarflokksins, segir Neytenda-
samtökin hins vegar geta nokkuð vel
unað við framlagið frá ríkinu en það sé
stefna fiokksins að auka enn framlög til
neytendaverndar á næsta kjörtímabili.
Davíð Oddsson, formaður Sjálfstæðis-
flokksins, gefur ekki afdráttarlaust svar
um hvort auka eigi fjárframlög ríkisins
en telur að styðja beri við þá þróun að
neytendur geti leitað réttar síns hjá úr-
skurðarnefndum.
Svör formannanna við spurningunni um
hvort setja eigi á fót embætti umboðs-
manns neytenda skiptast í tvö horn
og af þeim má marka að forystumenn
stjórnarandstöðunnar eru mun jákvæð-
ari í garð hugmyndarinnar. Steingrímur J.
Sigfússon segist opinn fyrir því að ræða
stofnun slíks embættis en Guðjón A.
Kristjánsson og Össur Skarphéðinsson
svara spurningunni afdráttarlaust játandi.
Halldór Ásgrímsson og Davíð Oddsson
segja flokka sína ekki hafa tekið afstöðu
til þess hvort stofna eigi slíkt embætti.
Neytendablaðið spurði ífjórða lagi um af-
stöðu flokkanna til þriggja lagafrumvarpa
sem Neytendasamtökin hafa lagtáherslu
á að verði að lögum. Um er að ræða frum-
vörp til laga um greiðsluaðlögun, ábyrgðar-
menn og innheimtustarfsemi. í svörum
formannanna birtast enn nokkuð skýr
skil milli stjórnarflokkanna og stjórnar-
andstöðunnar. Guðjón segir öll málin
áhugaverð. Steingrímurteluröll viðfangs-
efnin áhugaverð og segir VG styðja inni-
hald þeirra að miklu leyti. Össur segir
Samfylkinguna munu beita sér fyrir því
að frumvörpin verði að lögum. Halldór
vitnar í samþykkt flokksþings þar sem
segir að setja skuli lög um innheimtu-
starfsemi sem tryggi að þóknun vegna
innheimtuaðgerða sé sanngjörn. Davíð
vísar hins vegar til þess að um sé að ræða
stjórnarandstöðufrumvörp og að ekki sé
þingmeirihluti fyrir þeim nú.
Spurningar Neytendablaðsins til for-
manna stjórnmálaflokkanna fara hér á
eftir. Svörum formannanna við hverri
spurningu er raðað í stafrófsröð eftir heiti
flokkanna.
12 NEYTENDABLAÐIÐ 1 1BL. 2003