Neytendablaðið - 01.04.2003, Blaðsíða 10

Gæðakönnun
á háum
barnastólum
- góðir stólar í boði
Sú kynslóð sem nú er að hverfa fyrir
ætternisstapann átti sér öruggan sess í
fangi foreldra eða ömmu og afa við mat-
arborðið. Þar var líka leitað huggunar í
amstri dagsins þegar verið var að rann-
saka og uppgötva veröldina með öllum
þeim hremmingum sem því fylgdi. Meira
öryggi finnst manni vart finnanlegt.
Svo komu barnastólarnir. Þá þurfti
að finna sem fullkomnast öryggi fyrir
barnið, að það dytti ekki aftur fyrir sig
úr stólnum eða rúllaði til hliðanna eða
klemmdi sig á samsetningu stólanna. Allt
fram á þennan dag er verið að framleiða
og selja stóla sem hafa þessa skavanka
þrátt fyrir margra ára rannsóknir.
í danskri gæðakönnun á háum barnastól-
um voru kannaöir margir stólar. Það sem
kannað var sérstaklega var stöðugleiki
stólanna, skarpir kantar, hættan á að
klemma litla fingur eða að þeir festist
í stólnum, og hreyfanlegir hlutir á stól-
unum. Hvort leiðbeiningar fylgdu á
umbúðunum um uppsetningu stólanna
og á hvaða tungumáli þær væru. Ýmis
fleiri atriði voru tekin með í þessa gæða-
könnun.
Helstu slysin eru þegar barn spyrnir sér
út úr stól og fellur á gólfið og fær höfuð-
högg eða slæm brot. Ekki ætti að skilja
barn eftir í slíkum stólum án beltis. Barn
sem er vanið strax á að hafa belti í stóln-
um er öruggara en barn sem stundum er
haft í belti en stundum ekki.
Af þeim stólum sem í könnuninni voru
eru sex stólar hér á markaði og er
ánægjulegt að geta þess að stólarnir fjór-
ir sem fengu bestu umsögnina eru allir á
markaði hér en aðeins einn þeirra sem
verstu umsögnina fengu fannst á mark-
aði hér.
Bestu útkomu íþessari gæðakönnun fékk
norski TrippTrapp-stóllinn. Hann var tal-
inn veita mesta öryggið og fékk bestu um-
sögnina. Annar stóll sem fékk ögn lakari
umsögn en er þó talinn ágætur gripur var
Dan-stóllinn frá Baby Dan í Danmörku.
Sænski stóllinn Hokus Pokus fékk þriðju
bestu útkomu. Allir eru þessir stólar á
markaði hér en Antilop, sem fékk fjórðu
bestu einkunn, er ekki seldur hér. Frá því
fyrirtæki er hinsvegar hér á markaði stóll
fyrir yngstu börnin, og við væntum þess
að framleiðandi geri sömu kröfur til allra
framleiðsluvara sinna. Sitti-stóllinn lenti
í öðrum flokki en í athugasemdum um
hann segir að þeir stólar skapi enga alvar-
lega hættu og hafi fáa öryggisgalla.
Einn stólanna sem hér eru á markaði fékk
slaka einkun, Prima Pappa-stóllinn. í ein-
kunnagjöfinni var stólunum skipt í fjóra
flokka og Ienti þessi stóll í þriðja flokki.
Stólar í þessum flokki eru alls ekki taldir
hættulegir en gerðar voru athugasemd-
ir við fleiri en tvö öryggisatriði. Prima
Pappa-stóllinn var sá eini í könnuninni
með hjólum.
Neytendasamtökin skoðuðu það úrval
sem hér er af stólum fyrir yngstu kyn-
slóðina Það vakti athygli hvað úrvalið
var mikið. Fluttir eru inn stólar frá
Norðurlöndum og þar með þeir stólar
sem bestu umsögnina fengu, en einnig
stólar frá Þýskalandi, Ítalíu og ísrael, svo
nokkuð sé nefnt. Ekki er Neytendasam-
tökunum kunnugt um gæðakannanir
um þessa stóla og verða foreldrar því
að hafa vakandi auga sjálfir fyrir því
hvað er öruggt fyrir börnin í þessum
efnum. Við vekjum athygli á heimasíðu
Árvekni þar sem finna má kynstrin öll
af upplýsingum um hvað beri að varast
þegar börn eru annarsvegar. Veffangið
er: www.arvekni.is. Einnig minnum við
á að á heimasíðu Neytendasamtakanna,
www.ns.is, er birt markaðskönnum á
þeim barnastólum sem við fundum í
verslununum. Sumir stólarnir eru til í
fleiri verslunum en einni og seldir á mis-
munandi verði.
10 NEYTENDABLAÐIÐ 1.TBL. 2003