Bændablaðið - 19.06.1987, Blaðsíða 9

BISKUPSTUNGUR
Á MYNDBANDI
- Tveggja milljón króna kostnaður að fullu greiddur
Búnaðarfélag Biskupstungna lauk á síðasta ári viða-
miklu verki við að festa bæi og búendur sveitarinnar á
myndband. Félagið hefur nú gefið út þrjár myndbands-
spólur um sveitina en samtals kostar framtak þetta 2
miiljónir og er nú að fullu greitt. Bændablaðið hafði
samband við Ólaf Björnsson frá Úthlíð í Biskupstung-
um til þess að spyrjast fyrir um sölu myndarinnar og við-
tökur en hann sá að stórum hluta um f ramkvæmd verks-
ins.
„Okkur hefur tekist að láta enda
ná saman og erum ekki óánægðir
með þær viðtökur sem myndin hef-
ur fengiðþ sagði Ólafur. „Þetta
kostaði um 2 milljónir og í fjár-
mögnunina hafa komið mjög mörg
fyrirtæki í landbúnaði, ríki og aðil-
ar í sveitinni. Til þessa hefur salan
skilað 200 til 300 þúsundum og við
erum ennþá að selja. Við eigum
ennþá rúmlega 100 spólur í birgð-
um hjá okkur og allt sem við seljum
af þeim kemur Búnaðarfélaginu
beint til tekna.“
Ólafur benti ennfremur á að
framkvæmd alls þessa hefði verið
mjög dýr vegna reynsluleysis. Mynd
sem þessi hefur aldrei verið gerð áð-
ur og til verksins voru fengnir sér-
hæfðir tæknimenn. Farið var út í
það stórvirki að taka myndir af öll-
um búendum í Tungunum, heima á
hverju einasta býli en þau eru rúm-
lega 100 í sveitinni. Úr þessum tök-
um var gerð þriggja tíma löng mynd
þar sem koma fyrir allir bændur
sveitarinnar. Þá var með úrvali úr
löngu myndinni gerð 26 mínútna
mynd sem er fyrst og fremst kynn-
ing á sveitinni fyrir ferðamenn og
þá sem vilja fræðast um búskapar-
hætti í íslenskri sveit. Sú mynd var
sýnd í sjónvarpinu á liðnum vetri.
Hún er til með ensku tali og þýsku
auk íslensku útgáfunnar. Innan
sveitar seldust rúm 100 eintök af
löngu myndinni en styttri myndin
hefur verið seld í bókabúðum í
Reykjavík, minjagripaverslunum
og hjá íslenskum markaði á Kefla-
víkurflugvelli. Þá var seldur sýning-
arréttur að myndum þessum til
sjónvarps og Námsgagnastofnun-
ar. Þriðja mynd Búnaðarfélagsins
var svo 12 mínútna löng og tekin í
Tungnaréttum. Hún hefur ekki enn
verið fjölfölduð á almennan mark-
að en sýningarréttur hennar hefur
þegar verið seldur til Sjónvarpsins.
„Þetta á enn eftir að týnast út“
sagði Ólafur ennfremur. „Ég er viss
um að það er talsvert af bændafólki
utan Biskupstungna sem hefur
áhuga á að kaupa þessa spólu en
það hefur ekki verið gert neitt átak
í slíkri sölu. Við vitum ekki hverjir
það eru sem hafa keypt myndina til
þessa en eitthvað seldist af löngu
spólunni í nágrannasveitum Bisk-
upstungna nú fyrir jólin. Við selj-
um spólurnar núna á 1000 krónur
sem er enginn peningur fyrir
þriggja tíma mynd“
Þegar í gerð þessarar myndar var
Bændakonur mótmæla:
ERII BARA í
HÁLFU STARFI
— samkvæmt útreikningum Búreikn-
inganna
Miklar umræður á síðasta þingi Sambands sunn-
lenskra kvenna um fæðingarorlof bændakvenna
og þá útreikninga Búreiknistofu landbúnaðarins
að reikna bændakonum ekki nema um 900 unnar
vinnustundir á ári, eða sem svarar til um 40% af
fullu starfi. í lok þingsins var þeirri áskorun beint
til Heilbrigðis- og tryggingamálaráðuneytis að
tryggja að bændakonur fái fullt fæðingarorlof.
1 samtali við Bændablaðið
sagði Halla Aðalsteinsdóttir í
Kolsholti, flutningsmaður um-
ræddrar tillögu að eins og mál-
um væri nú háttað þyrftu konur
að vinna meira en 1032 stundir
utan heimilis til þess að fá greitt
fyrir fullt fæðingarorlof en lög-
in gera ráð fyrir að vinna
bændakvenna sé metin sam-
kvæmt búreikningum Búnaðar-
félagsins. í þeim eru heimilis-
störf ekki metin til starfa fyrir
búið og vinna bændakvenna því
ekki meiri en 900 stundir.
„Heimilishald á bændabýli
sem um leið er vinnustaður fjöl-
skyldunnar er auðvitað miklu
meira en heimilishald á venju-
legu heimili í þéttbýli en það
fæst ekki metiðý sagði Halla í
samtali við blaðið. „Til þess að
bóndakona geti fengið fullt
fæðingarorlof og fullar trygg-
ingabætur þarf að senda inn
sérstaka skýrslu um að hún fari
í fjós og vinni útiverk"
Fjörugar umræður urðu um
þetta mál á Sambandsþinginu
sem haldið var í Þjórsárveri dag-
ana 9. og 10. maí. Margar
bændakonur urðu til að gagn-
rýna mat búreiknistofunnar á
störfum sínum og jafnframt var
bent á að mjög fá býli skila inn
búreikningum og töldu sumir
fundarmanna að form þeirra
væri of flókið og þyrfti einföld
unar við.
ráðist var gert ráð fyrir að hana
mætti selja að einhverju leyti á er-
lendri grund til landkynningar enda
hafa Tungurnar að geyma perlur ís-
lenskrar náttúru og sögu, svo sent
Gullfoss, Geysi og Skálholt. Fljót-
lega kom þó í ljós að landkynning-
armarkaður gat ekki skilað neinum
teljandi tekjum. Kom þar fyrst til
að mikið framboð er af allskonar
landkynningarefni en ekki síður
hitt að tíðast vilja erlendar sjón-
varpsstöðvar og ferðaskrifstofur
ekki borga fyrir kynningarefni.
Þrátt fyrir þetta hefur talsvert selst
af myndinni til kynningar og má
þar nefna að flestar íslensku ferða-
skrifstofurnar hafa keypt myndina
og senda hana viðskiptavinum sín-
um víðs vegar urn heim.
-b.
BÆNDUR ATHUGIÐ VÉLAKOSTINN í TÍMA
VIÐ VILJUM LEYSA VANDA ÞINN.
VELKOMINN VERTU VINURINN.
ALHLIÐA RENNISMÍÐI
OG FRÆSIVINNA
NÝSMÍÐI OG VIÐGERÐIR.
fleti, til dæmis vökvatjakksstangir, slit
undan legum og fleiru.
* Gerum við og breytum drifsköftum.
* Viðgerðir á felgum, smáum og stórum.
* Gerum við kambáslegusæti í heddum. * Smíðum og breytum boltum, öxlum,
fóðringum og fleiru.
* Endurbyggjum bensín- og díselvélar.
* Slípum sveifarása, borum blokkir.
* Plönum hedd, blokkir og fleira.
* Réttum af höfuðlegusæti í blokkum.
* Rennum ventla og ventilsæti.
* 25 ára reynsla í málmsprautun á slit-
Nýjasta taekni f Castolín viðgerðum

VELAVERKSTÆÐIÐ EGILL H.F.
SMIÐJUVEGI 9A 200 KÓPAVOGI. SÍMI: 91-44445.