blaðið - 25.05.2005, Blaðsíða 14

erlent
miðvikudagur, 25. maí 2005 I blaðið
Auglýsingar 510 3744
blaöiö-
Skotið á þingkonu í Bagdad
A.m.k. átta manns létust og 12 særð-
ust í árásum í Bagdad í gær.
Andspyrnumenn skutu á bílalest
íröksku þingkonunnar Salamah al-
Khafaji um hádegisbilið í gær með
þeim afleiðingum að fjórir lífverðir
hennar særðust alvarlega. Al-Khafaji
var á leiðinni ffá Bagdad til Najaf
þegar tilræðið átti sér stað en í maí
2004 lifði hún af tilræði sem banaði
17 ára syni hennar.
Bílsprengja sprakk um svipað lejdi
við stúlknaskóla í Austur-Bagdad.
íbúar við skólann gerðu lögreglu við-
vart um grunsamlegan bíl og í þann
mund sem sprengjuleitarsérfræðing-
ar nálguðust bílinn sprakk hann í
loft upp með þeim afleiðingum að sex
saklausir írakar létu lífið og fjórir
særðust alvarlega.
í miðbæ Bagdad sprakk önnur bíl-
sprengja með þeim afleiðingum að
tveir létust og átta írakar særðust.
Ekki hefur enn tekist að bera kennsl
á líkin, sem eru illa brennd, en ekki
er um líkama tilræðismannanna að
ræða þar sem sprengjan var sprengd
með fjarstýribúnaði.
Á mánudag létust 49 manns í til-
ræðum víða um írak og 130 særðust.
Átök hafa vaxið í landinu undanfar-
ið og hafa nú um 620 manns látist í
átökum síðan 28. apríl.
Hækkar Everest?
24 manna hópur kínverskra fjall-
göngu- og vísindamanna kleif tind
Mount Everest á sunnudag til að end-
urmeta opinberar hæðartölur. Fjall-
ið, sem er það hæsta í veröldinni, er
talið vera 8.848 metrar en kínversk-
ir vísindamenn telja að fjallið sé að
hækka. Síðasta mæling var gerð
1975 en nú notast mælingamennirnir
við hátækni GPS-staðsetningarbún-
að og mæla út frá sex punktum, sem
eykur nákvæmni niðurstöðunnar.
Samkvæmt China Daily liggja fyrstu
gögn mælinganna þegar fyrir en loka-
niðurstöðu er að vænta í ágúst.
Óvenjulegur kennari
Yfirkennarinn Julie Ellison sem býr
í Farmington í Nýju-Mexíkó gerði
sér lítið fyrir á dögunum og mætti
til kennslu klædd sem prinsessa og
kyssti tvo ffoska fyrir ffaman unga
nemendur sína. Hún hafði lofað börn-
unum að kyssa ffosk ef þau bættu
lestur sinn. Þau tvöfólduðu árangur-
inn. „Þetta var ekkert svo slæmt,"
sagði Ellison um froskakossana. „í
fyrra varð ég að kyssa svín.“ Árið
þar áður hafði hún lesið söguna Litli
kjúklingurinn fyrir bekkinn, þakin
súkkulaði og fjöðrum.
Brjósta-
krabbamein
eykst hjá ung-
um konum
Konur undir fertugu eru í aukinni
hættu með að fá bijóstakrabbamein.
Samkvæmt nýrri breskri rannsókn
greindust 14 af hverjum 100.000 kon-
um undir fertugu með brjóstakrabba-
mein árið 1975 en voru orðnar 22
árið 2001.
Ástæður aukningarinnar eru ekki
fullkomlega ljósar en talið er að kon-
ur sem eignast börn seint á ævinni
séu í meiri hættu en þær sem eignast
börn snemma. Sömuleiðis er aukin
drykkja kvenna talin auka hættu
á brjóstakrabbameini og einnig er
nefnt að löng notkun getnaðarvarn-
arpillunnar sé mögulegur áhættu-
þáttur. Einhveijir sérffæðingar vilja
halda því fram að konur sem fljúgi
mikið og borði mikla dýrafitu séu
einnig í meiri hættu en aðrar.
Deilt um hlut-
verk kvenna
í hernum
í Bandaríkjunum eru umræður um
hvort setja eigi lög sem meini konum
í hernum að vera í fremstu víglínu.
Um 20.000 bandarískar konur gegna
herþjónustu í írak og verða æ oftar
þátttakendur í bardögum. Tugir
þeirra hafa látist og hundruð særst.
—
Bandarískur hermaður í írak. I Bandaríkj-
unum eru umræður um það hvort setja
eigi lög sem meini konum í hernum að
vera í fremstu víglínu.
Varnarmálaráðherra Bandaríkj-
anna, Donald Rumsfeld, segir að her-
inn muni taka ájpessu máli en bendir
á að aðstæður í Irak séu óvenjulegar.
„Það eru engar skýrar línur um hvar
bardagar eiga sér stað og hvar ekki.“
Nýleg skoðanakönnun í Bandaríkj-
unum sýnir að 45% landsmanna vilja
að konur taki þátt í beinum átökum
ef þær vilja. Um 16% þátttakenda
sögðu að ekki ætti að leyfa konum að
taka þátt í bardögum.
blaðiö
Útgáfufélag: Ár og dagur ehf. Stjórnarformaður: Sigurður G. Guðjónsson. Ritstjóri:
Karl Garðarsson. Auglýsingastjóri: Steinn Kári Ragnarsson. Ritstjórn og auglýsingar:
Bæjarlind 14-16,201 Kópavogur. Aðalsími: 510-3700. Simbréf á fréttadeild: 510-
3701. Simbréf á auglýsingadeild: 510-3711. Netföng: vbl@vbl.is, frettir@vbl.is,
auglysingar@vbl.is. Prentun: Prentsmiðja Morgunblaðsins. Dreifing: (slandspóstur.
Svindlaði Ágúst Ólafur?
Ágúst Ólafur Ágústsson, lögfræðingur og þingmaður, var kjör-
inn varaformaður Samfylkingarinnar á landsfundi flokksins
um liðna helgi. Ágúst Ólafur sigraði meðframbjóðendur sína,
þá Lúðvík Bergvinsson þingmann og Heimi Má Pétursson,
með miklum mun, hlaut 62 prósent greiddra atkvæða. Ágúst
Ólafur var að vonum ánægður með kjörið, var fus til að veita
fjölmiðlum viðtöl strax og úrslitin lágu fyrir og sagði þá:
Eg tel að flokkurinn hafi sýnt djörfung og þor og ég er ykk-
ur afskaplega þakklátur fyrir þessa útkomu.
Nú virðist varaformaðurinn hins vegar hafa dregið sig úr
kastljósi fjölmiðla, enda komið á daginn að ekki virðist allt
hafa verið með felldu varðandi kjör hans.
I fyrsta lagi er því haldið fram að félagsskapur Ungra jafn-
aðarmanna hafi greitt landsfundargjöld fyrir hátt í 300 ung-
liða og jafnframt heitið þeim bjór og pítsum kysu þeir Ágúst
Ólaf.
I öðru lagi er því haldið fram að hægt hafi verið að leysa út
landsfundargögn skráðra þingfulltrúa og nota atkvæðisrétt
þeirra á landsfundinum að þeim fjarstöddum.
Það má vel vera að það tíðkist hjá stjórnmálaflokkum að
einstök félög innan þeirra greiði landsfundargjöld fyrir félags-
menn sína og að þeim sé heitið einhverjum veitingum, mæti
þeir á fundi og greiði atkvæði með tilteknum hætti. Hitt er
öllu alvarlegra, ef rétt reynist, að á landsfundi Samfylking-
arinnar hafi verið hægt að leysa út kjörgögn skráðra þingfull-
trúa, sem ekki létu sjá sig á fundinum, og kjósa fyrir þá. Kosn-
ingaréttur er persónubundinn og óframseljanlegur réttur.
Misnotkun kosningaréttar er hvarvetna talið kosningasvindl
og kosningar sem svindlað er í eru ógildar, eða í það minnsta
ógildanlegar eins og dæmin sanna, svo sem í Úkraínu nú ný-
verið.
Samfylkingin setur manngildið í öndvegi og vill lýðræðis-
lega stjórn landsins, ef marka má stjórnmálaályktun lands-
fundarins. Forsvarsmenn Samfylkingarinnar státa sig af
því að flokkurinn, einn allra stjórnmálaflokka hér á landi,
tryggi öllum félagsmönnum sínum rétt til að kjósa formann
í póstkosningu, sem er rétt og lofsvert. Þegar kemur að kjöri
varaformanns gegnir allt öðru máli hjá Samfylkingunni; þar
virðast það vera peningarnir sem tala. Sá sem getur og vill
leggjast svo lágt að greiða fyrir landsfundargögnin og nota
sér atkvæðisréttinn, sem þeim fylgir, getur sigrað. Ekkert
eftirlit var með því á landsfundinum í Egilshöll hveijir not-
uðu landsfundarnúmer og lykilorð landsfundarfulltrúa við
kosningu. Sami einstaklingur gat komið og kosið tvisvar,
þrisvar, fjórum eða fimm sinnum, allt eftir því hve mikið af
landsfundargögnum hann, eða félagsskapur á hans vegum,
hafði leyst til sín. í vanþróuðum ríkjum, þar sem kosninga-
svindl er daglegt brauð í kosningum, er reynt að koma í veg
fyrir að einn og sami aðilinn kjósi oft, með því að setja merki
á hendur þeirra sem kosið hafa. Forystumenn Samfylkingar-
innar geta ekki skellt skollaeyrum við þeim orðrómi að Ágúst
Ólafur og stuðningsmenn hans hafi svindlað í varaformanns-
kosningunni. Það breytir engu þótt Ágúst Ólafur hafi fengið
519 atkvæði af þeim 839 sem greidd voru. Leiki minnsti vafi á
að um rétta meðferð kjörgagna og misnotkun kosningaréttar
verður Samfylkingin að þora að láta rannsaka málið svo gera
megi viðeigandi ráðstafanir fyrir næsta landsfund. Geti Sam-
fylkingin ekki rannsakað og upprætt, ef rétt reynist kosninga-
svindl í eigin ranni, getur flokkurinn ekki staðið fyrir neinni
lýðræðissiðbót í íslensku samfélagi.
loftkœling
Verð frá 49.900 án vsk.
ís-húsið 566 6000