blaðið - 04.02.2006, Blaðsíða 23

blaðið LAUGARDAGUR 4. FEBRÚAR 2006
VIÐTAL I 23
CHELSEA - LIVERPOOL
SUNNUDAGUR 5. FEBRÚAR KL. 16.00
ICELANDAIR f
1
FKIÁLSI
TRYGGÐU ÞER ASKRIFT
í SÍMA 800 7000, Á WWW.ENSKI.IS
EÐAI NÆSTU VERSLUN SIMANS.
EfíSHÍ #
B O LT I N Nj^
Hver erfyrirmyndin íþínu lífi?
„Pabbi, ekki spurning. Hann er
einn sá besti söngvari sem ég hef
hlustað á og hef ég nú hlustað á þá
bestu. Ég er voðalega heppinn með
það að geta alltaf leitað til hans.“
Hefur hann getað leiðbeint þér í
tónlistinm?
„Já, hann leiðbeinir mér og hefur
alltaf gert það þó svo að ég hafi alltaf
verið með annan kennara. Við erum
alveg bestu vinir og ég lít mikið upp
er ekki þessi ævintýraöskubuska
sem við þekkjum úr Grimms ævin-
týrunum heldur allt öðruvísi útgáfa.
Það er t.d. enginn töfraskór, heldur
armband, eða reyndar hanski í
okkar tilfelli, og í stað vondu stjúp-
unnar er vondur stjúpi. Þetta verður
mjög skemmtilegt og tilvalið fyrir
alla fjölskylduna."
í popphljómsveit í gaggó
Faðir þinn, Garðar Cortes, er tón-
listarmaður mikill og eflaust hefur
tónlistin skipað stóran sess í lífi fjöl-
skyldunnar. Rann þér blóðið til skyld-
unnaraðfara út í tónlistina?
„Ég ákvað þetta bara algjörlega
sjálfur þegar ég var 18 ára. Það var
enginn sem þvingaði mig út í þetta,
þó svo að ég hafi verið alinn upp
við mikla tónlist. Ég hafði ekkert
sungið nema bara raulað eins og
allir af áhugamennsku. Frá blautu
barnsbeini hefur söngurinn vakið
áhuga minn, en þetta spannaði allt
frá poppi og rokki yfir í klassíkina.
Ég var einmitt í popphljómsveit í
gaggó eins og svo margir strákar, en
það var aldrei fyrir mig.“
til hans sem tónlistarmanns," segir
hann og bætir við að gaman sé að
fá að syngja með föður sínum. „Við
höfum sungið saman og það er al-
veg frábært - nú síðast í Grafarvogs-
kirkju á tónleikunum mínum og það
heppnaðist bara mjög vel.“
Nú hafa íslenskir óperusöngvarar
haslað sér völl erlendis. Stöndum við
vel að vígi miðað við aðrarþjóðir?
„Já, mjög vel. Það eru íslendingar
að syngja út um allt og við erum að
gera það gott held ég - í raun alltaf
betra og betra. Ég sjálfur þyki mjög
ungur ennþá og það eru margir um
bitann í þessari klassík úti í hinum
stóra heimi svo að maður þarf að
halda vel á spilunum. Ég er t.d. með
umboðsmann í London sem útvegar
mér hlutverk og sér um mín mál,“
segir Garðar, en vill engar vonir
gera sér varðandi framann.
„Þeir sem hafa náð hvað lengst af
íslenskum óperusöngvurum eru
Kristinn Sigmundsson og Kristján
Jóhannsson. Ég er ekkert að binda
neinar vonir við að ná þeirra stöðu
- maður bara gerir sitt besta og hitt
kemur í ljós.“
Þrátt fyrir fagra rödd og góða
tækni í tónlist lætur Garðar hjá líða
að gaula allan daginn heima fyrir.
„Eg er ekkert syngjandi í sturtunni
eða svoleiðis. Ég syng í raun mjög
lítið heima fyrir enda fæ ég mína út-
rás á æfingum og sýningum.“
Telur sig ekki kynþokkafullan
Aspurður um stjörnufans á íslandi
segist Garðar gefa lítið út á slíkt.
Hann vill ekki meina að einn né
neinn sé frægur og nefnir þar helst
smæð þjóðarinnar.
Nú er óperusöngur ekki algengur á ís-
landi og enn síður hjá 18 ára strákum.
Það kann því að vekja undrun
margra að Garðar hafi valið þetta
svið, en hann segir ekkert annað
hafa komið tilgreina.
„Ég var alltaf að hlusta á plöturnar
hans pabba og heilu óperurnar eig-
inlega. Það kom ekkert annað til
greina, annað en e.t.v. leiklistin.
En í þessu tvinnar maður auðvitað
saman leik og söng þannig að þetta
hentaði vel. En auðvitað er þetta
kannski svolítið sérstakt af 18 ára
strák. Yfirleitt eru þeir komnir vel
yfir tvítugt þegar þeir byrja - sér-
staklega vegna þess að við elskurnar
erum svolítið seinþroska og röddin
líka. En ég er mjög sáttur með þessa
ákvörðun mína þá.“
Þú myndir sem sagt ekki stíga á svið
með Sálinni hans Jóns míns og taka
nokkra vel valda slagara?
„Nei, ég myndi nú örugglega
klúðra því,“ segir hann og skellir
upp úr. „Það eru alltaf einhverjir
sem eru betri en maður sjálfur á
ákveðnum sviðum og við vitum að
enginn toppar Stebba Hilmars í því
sem hann gerir.“
Hvernig tónlist hlustarþú helst á?
„Ég hef rosalega breiðan smekk í
þessum efnum og get hlustað á allt
milli himins og jarðar. Þó svo að ég
kunni best við mig við að syngja og
hlusta mest á óperu þá hlusta ég á
allt annað líka og hef gaman af.“
Undrandi á velgengninni
Söngur Garðars hefur fallið vel í land-
ann, en fyrsta einsöngsplata hans
var sú mest selda í fyrra. Hann seg-
ist undrandi á þessum viðbrögðum.
„Ég er auðvitað ánægður með
plötuna. Það má líta á velgengnina
sem bónus sem ég er ofsalega þakk-
látur fyrir. Ég er mjög gagnrýninn
á sjálfan mig og allt sem ég geri er
með því hugarfari að ég hefði getað
gert betur. Svo segir fólk við mig
að þetta sé æðislegt og þá bregður
mér dálítið, þó ég sé auðvitað mjög
ánægður," segir hann hógvær, og
bætir við að margar góðar plötur
hafi litið dagsins Ijós og frábærir
listamenn hafi gefið út efni.
„Það var svo mikið af góðum
plötum í boði fyrir jólin og frá-
bærum listamönnum. Ég bjóst þess
vegna ekkert við þessu.“
„Úti í heimi eru alltaf einhverjir
frægari en aðrir og það er eins hérna
á ísíandi. Ég held samt persónulega
að það sé auðveldara að vera frægur
á íslandi þar sem þetta er lítil þjóð
og allir þekkja alla. Mér finnst bara
allir vera eins,“ segir hann auk þess
að bæta við að hann finni ekki fyrir
aukinni frægð hjá sjálfum sér.
Nafn þitt ber oft á góma í umrœðum
um kynþokkafulla karlmenn. Hvað
segirðu um þetta lof margra um útlit
þitt?
„Ég segi bara ekki neitt um þetta
- veit eiginlega ekki hvað ég á að
segja. Maður kannski tekur ekkert
illa í þetta og í rauninni er þetta
bara dálítið skemmtilegt. Reyndar
er kannski ekki mikið að marka
þetta og ég lít ekkert á mig sem kyn-
þokkafullan. Það eru miklu fleiri
fallegir karlmenn þarna úti en þeir
sem nefndir eru í svona umræðum
og kosningum. Eflaust eru þeir til-
nefndir sem eru áberandi hverju
sinni svo þetta er ekkert til að hoppa
hæð sína yfir.“
Hvað með framtíðina, stefnirðu á
stóra hluti í tónlistinni?
„Framtíðina horfi ég björtum
augum. Hvað varðar tónlistina þá
stefni ég auðvitað á að gera eins vel
og ég get, en það þarf að forgangsraða
hlutunum rétt í lífinu. Fjölskyldan er
náttúrlega efst á baugi enda stoðar
lítið að vera í góðri og skemmtilegri
vinnu en hafa ekkert að koma heim
til,“ segir söngvarinn hógværi að
lokum áður en hann heldur á æfingu
á Öskubusku í Islensku óperunni.
halldora@bladid. net

STÓRLEIKUR í BEINNI!