blaðið - 10.02.2006, Blaðsíða 8
FIMMTUDAGUR 10. FEBRÚAR 2006 blaöið
8 I ERLENDAE FRÉTTIR
Slagsmál í
þingsal
Mbl.is | Slagsmál brutust út í úkra-
ínska þinginu í Kíev í gærmorgun
áður en Viktor Jústsénkó, forseti,
átti að ávarpa þingheim. Þingmenn
kommúnista ætluðu að hengja
upp borða þar sem Jútsénkó var
gagnrýndur fyrir að svíkja kosninga-
loforð. Stuðningsmenn forsetans
reyndu að koma í veg fyrir að
borðinn yrði hengdur upp og var
hnefum beitt. Enginn slasaðist
alvarlega í átökunum en þó þurfti
að flytja þingmanninn Mykola
Martynenko á slysadeild eftir að
hann hafði fengið högg á andlitið.
Átök brutust út f þingsal f Kíev í Úkraínu
f gær skömmu áöur en Viktor Jústsénkó
átti að flytja ávarp.
Vilja verða óháðir olíu
Svíar stefna að því að vera orðnir
algerlega óháðir olíu innan 15
ára án þess þó að reisa ný kjarn-
orkuver. Að tilrauninni stendur
nefnd sem í eiga sæti iðnrekendur,
vísindamenn, bílaframleiðendur,
bændur ásamt fleirum. Svíar
hyggjast skipta öllu jarðefnaelds-
neyti út fyrir endurnýjanlega
orkugjafa áður en loftslagsbreyt-
ingar valda tjóni á hafkerfum og
aukinn skortur á olíu leiðir til
verðhækkunar.
Mona Sahlin, umhverfismálaráð-
herra Svíþjóðar, sagði í viðtali við
breska dagblaðið The Guardian, að
mögulegt væri að landið yrði ekki
lengur háð olíu árið 2020.
„Það verða alltaf til betri kostir en
olía sem þýðir að ekkert heimili á að
þurfa á olíu að halda til upphitunar
og enginn ökumaður ætti að þurfa
að nota eingöngu bensín," sagði
Sahlin.
Olíukreppan á áttunda ára-
tugnum kom illa niðri á Svíum sem
fá nú meirihluta þeirrar raforku
sem þeir nota frá kjarnorkuverum
og vatnsaflsvirkjunum. Árið 2003
komu 26% þeirrar orku sem notuð
var í landinu frá endurnýtanlegum
orkugjöfum en meðaltalið í ríkjum
Evrópusambandsins var aðeins 6%.
Olíunefndin mun gefa þinginu
skýrslu innan nokkurra mánaða.
Talsmaður sænska orkumálaráðu-
neytisins sagðist vonast til þess að
nefndin myndi mæla með frekari
þróun á lífrænu eldsneyti sem unnið
væri úr skógum landsins. Einnig er
búist við að nefndin muni leggja
áherslu á aðra endurnýjanlega orku-
gjafa svo sem vind- og vatnsorku.
Blóðug trúarhátíð sjítamúslíma
Átök brutust út á helstu trúarhátíð sjítamúslíma ígœr. Sprengja varð að minnsta kosti 22
aðfjörtjóni íPakistan og nokkrirféllu í Afganistan íátökum súnnt- og sjítamúslíma.
Að minnsta kosti 22 fórust þegar
sprengja sprakk í hópi manna
sem var að halda upp á Ashura,
helstu trúarhátíð sjítamúslíma í
bænum Hangu í norðvesturhluta
Pakistans í gær. Samskipti súnní-
og sjítamúslíma hafa verið stirð
í Pakistan í gegnum tíðina. Þátt-
takendur á hátíðinni brugðust við
með því að leggja eld að bílum og
verslunum og þurfti að kalla út
hersveitir til að skakka leikinn.
Sprengingin átti sér stað á mark-
aði í þá mund er hundruð manna
gengu í röð frá helstu sjítamosku
bæjarins. Árásir hafa oft sett mark
sitt á hátíðina en sjítamúslímar eru í
minnihluta í Pakistan.
I borginni Herat í Afganistan kom
einnig til átaka á milli sjíta- og súnní
múslíma á meðan á Áshura-hátíð-
arhöldum stóð. Að minnsta kosti
fjórir létu lífið, rúmlega 50 særðust
og kveikt var í moskum. Háttsettur
lögregluforingi sagði að íslamskir
öfgamenn væru grunaðir um að
hafa hvatt til ofbeldisins. Óeirðirnar
í gær komu í kjölfar óeirða um allt
land vegna umdeildra skopmynda
af Múhameð spámanni en n létu
lífið í þeim.
Óeirðirnar brutust út eftir að
súnnímúslímar grýttu sjítamosku.
Slíkar árásir eru sjaldgæfar í Afgan-
istan þar sem ekki hefur ríkt mikil
spenna á milli hópanna tveggja.
Sjítamúslímar svöruðu fyrir sig
Alblóðugir sjítamúslímar taka þátt í Ashura-hátíð í Kerbala í (rak. Margir sjítamúslímár'
minntust píslarvættis barnabarns Múhameðs spámanns viða um heim í gær með því að
særa sjálfa sig til blóðs en sums staðar brutust út átök miili þeirra og súnnímúslíma.
með því að ráðast á súnnímúslíma í
flóttamannabúðum og síðan bárust
átökin út um alla borgina.
Minnast píslarvættis barna-
barns spámannsins
Ashura-hátíðin er haldin til að minn-
ast píslarvættis Imam Hussein,
barnabarns Múhameðs spámanns
en sá atburður leiddi til klofnings
múslíma í sjíta og súnníta. Á hátíð-
inni berja margir sjítamúslímar sig
til blóðs með svipum eða stinga sig
með hnífum til að minnast þjáninga
Husseins.
Sérstök hætta var talin á að átök
brytust út á hátíðinni vegna skop-
myndamálsins sem valdið hefur
mikilli reiðiöldu meðal múslíma á
undanförnum dögum. Mikill við-
búnaður var í mörgum borgum af
ótta við uppþot meðal annars í Te-
heran í Iran.
Hafnaði skop-
myndum af Kristi
Jótlandspósturinn neitaði að
birta skopmyndir af Jesú Kristi
fyrir þremur árum af þeirri
ástæðu að þær kynnu að fara
fyrir brjóstið á lesendum auk
þess sem þær væru ekki fyndnar.
Skopmyndateiknarinn Christof-
fer Zieler sendi Jótlandspóstinum
röð skopmynda sem fjölluðu um
upprisu Krists í apríl árið 2003.
Jens Kaiser, ritstjóri sunnudagsút-
gáfu Jótlandspóstsins, sagðist ekki
telja að lesendur myndu hafa gaman
af myndunum auk þess sem þær
myndu vekja harkaleg viðbrögð og
því vildi hann ekki birta þær. „Ég
lít á þessar skopmyndir sem græsku-
laust grín eins sem afi minn sem er
kristinn myndi hafa gaman af,“ sagði
Zieler í viðtali við breska dagblaðið
The Guardian og bætti við að hann
hefði sýnt þær nokkrum prestum
sem hefðu þótt þær fyndnar.
Ólík mál
Kaiser sagði aftur á móti að fárán-
legt væri að draga þetta mál upp
núna og að það ætti ekkert sameig-
inlegt með skopmyndunum af Mú-
hameð spámanni sem hafa vakið
reiðiöldu víða um heim. „í tilfelli
Múhameðs-teikninganna báðum
við teiknarana um að gera þær. Ég
bað ekki um þessar teikningar. I þvi
liggur munurinn," sagði hann og
bætti við að hann hefði ekki talið að
skopmyndirnar væru fyndnar.
Leikstjóri
sviðsetur
eigin jarðarför
Peter Halasz, þekktur ungverskur
leikstjóri sem haldinn er ban-
vænu krabbameini, hyggst liggja
í opinni líkkistu í viku til að
geta upplifað eigin jarðarför.
Kistunni verður komið fyrir í lista •
safni í höfuðborginni Búdapest í lok
vikunnar. „Ég er forvitinn að komast
að því hvernig útför er hinum
megin frá,“ sagði Halasz í viðtali við
Breska ríkisútvarpið. „Ég vil geta
séð framan i vini mína og hlustað á
útfararræðurnar og lokakveðjurnar.
Halasz á von á fjölmenni í útför-
ina þar sem hann þekki marga og
fólk sé forvitið að eðlisfari. Fólki
er frjálst að segja það sem það vill
og ekki verður reynt að stjórna
uppákomunni um of þó að hefð-
bundnum útfararsiðum verði fylgt.
Peter Halasz er frægur í leikhúslífi
Ungverja og hefur starfað sem leik-
stjóri síðan á sjöunda áratugnum
þó að hann hafi varið stórum hluta
ferils síns í útlegð í Bandaríkjunum.
FERMINGARVEISLUSÝNINGIN hafin!