blaðið - 10.02.2006, Blaðsíða 26

26 I FERÐALÖG
FIMMTUDAGUR 10. FEBRÚAR 2006 blaðið
Skemmtiíerðaskip eru
skemmtilegur valkostur
Panama, Bahamas, Mexíkóflói eða Miðjarðarhaf: Hvern langar ekki að sigla um heimsins höfá dýrindis skemmtiferðaskipi?
Nú á tuttugustu og fyrstu öldinni
hafa valkostir eyjarskeggja á
Fróni breyst mikið þegar kemur
að ferðalögum til framandi slóða.
Netið hefur gerbylt tilveru okkar
á flestum sviðum og þar eru fríin
engin undantekning. Það þarf
ekki nema einn músarsmell og þá
ertu búinn að bóka þig og þína til
útlanda. Á Netinu er fullt af ferða-
skrifstofum sem selja ferðir um
öll heimsins höf á verðum sem
flestir ættu að ráða við. Sérstak-
lega í dag þegar gengi dollarans er
ney tendum í hag.
Einn af þessum valkostum er að
fara í skemmtisiglingu á flottu skipi.
Slíkar ferðir eiga sér langa sögu eins
og flestir vita. Hér á íslandi var sigl-
ing með Gullfossi lengi vel með því
flottasta sem fólk gat hugsað sér og
hver man ekki eftir skipinu Titanic
sem sökk og varð með því ógleyman-
legt í hugum okkar flestra.
Skemmtiferðaskip eru misjöfn
líkt og hótel og að sama skapi fá
liliX
þau stjörnur út frá þjónustunni sem
boðið er upp á. Áður en lagt er í hann
má lesa sér til um allt sem viðkemur
skipinu á Netinu. Ekki aðeins á síð-
unum sem ferðaskrifstofurnar gefa
upp heldur einnig á neytendasíðum.
FRÍ með stórum stöfum
Þegar skemmtisigling er undirbúin
er mjög mikilvægt að velja sér skip
sem manni lýst vel á og reyna að láta
það fara hönd í hönd með áfanga-
stöðunum til að ferðalagið verði
sem ánægjulegast. Þannig væri leið-
inlegt að bóka sér til dæmis ferð um
Havaí eyjar en njóta sín ekki um
borð vegna ósættis við umhverfið
eða þjónustuna.
Úlfar Árnasson, „tölvukarl“ og
Ágústa Rut Sigurgeirsdóttir starfs-
maður Orkuveitunnar skelltu sér í
Mánudaginn 13. febrúar
Viðtöl • Sushi • Trufflur og margt fleira
Auglýsendur, upplýsingar veita:
Kolbnín Ragnarsdóttir • Sími 5i'o 3722 • Gsm 848 0231 • kolla@bladid.net
Ellert Ágúst Pálsson • Sími 510 3746 • Gsm 869 9903 • elli@bladid.net
Bjarni Danlelsson • Sími 510 3725 • Gsm 856 4299 • bjami@bladid.net
siglingu síðastliðið sumar og voru
mjög sátt. Ferðinni var heitið um
vestari hluta karabíska hafsins;
Jamaica og Cayman eyja, en lagt var
upp frá Miami.
Ulfar hafði verið staddur á
ráðstefnu í Orlando og ákvað að
ljúka þeirri ferð með því að fara í
siglingu.
„Mig langaði að fara í FRÍ með
stórum stöfum svo ég tók upp sí-
mann og hringdi í fyrirtæki sem
heitir Travelocity, en það er ein af
stærstu ferðaskrifstofum Bandaríkj-
anna,“ segir Úlfar þegar blaðamaður
slær á þráðinn.
„Þar fékk ég samband við tengilið
sem sér um að bóka fólk í siglingar.
Sá var maður að nafni Joe Garrison
og hann sat einfaldlega heima hjá
sér í Arisona með kjöltutölvuna inni
í stofu. Við skipulögðum ferðalagið
í gegnum simann. Hann benti mér
á að fara á vefsíðuna www.carnival.
com og saman skoðuðum við val-
kosti sem enduðu á því að ég valdi
þessa fimm daga siglingu í Karabía
hafinu með skipinu Inmagination.
Joe sá svo um að kaupa útbúa mið-
ana; prenta þá og koma þeim til
skila. Þegar ég var kominn á hótelið
í Miami hringdi ég í simanúmer sem
hann hafði gefið mér upp og innan
24 tíma fékk ég miðana senda með
hraðpósti á hótelið. Þetta var alger-
lega 100% þjónusta.“
Einfalt og auðvelt
Úlfar segir ferðalagið hafa verið af-
slappandi og auðvelt á allann hátt
„Það kom lítil rúta og sótti okkur
á hótelið en þaðan var farið með
okkur að skipi. Þegar þangað var
komið hófst innritunarferli svipað
og þegar farið er í flugvél, nema bara
tíu sinnum lengra þar sem verið er
að tékka inn um þúsund manns.
„Porterar" á höfninni sjá svo um
að koma töskunum í skipið en þær
sækir maður aftur svona sirka við
herbergið sem gist er í.“
Eins og flestir sem vinna í tölvu-
geiranum vinnur Úlfar að meðaltali
mun fleiri vinnustundir en þessar
hefðbundu níu til fimm. Þetta
kallar á góða hvíld milli tarna og
hann segist hvergi hafa upplifað
eins mikla slökun og um borð í
skemmtiferðaskipi.
„ Ef fólk vinnur undir mikilli
pressu og langar til að fara í slökunar-
ferð þá er þetta besta leið sem ég hef
kynnst til þessa og ég mæli eindregið
með þessu. Megintilgangur svona
ferðar er til að hvíla sig og því
finnst mér persónulega ekki mjög
spennandi að vilja endalaust vera að
hoppa land og æða um. í skipinu er
enginn sími, engir bílar, ekkert fólk
sem er að gera annað en að slaka á
og svo er svo dýrt að nota internetið
að nánast allir sleppa því, fyrir utan
það hvað það er hæggengt. Þegar
það var stoppað í landi þá stóð
stoppið aldrei meira yfir en einn
dag. Þ.e.a.s. það var lagt að höfn
um morguninn og siglt af stað aftur
um kvöldmatarleytið. Sumir kusu
að fara í gönguferð með fararstjóra
en aðrir fóru ekki mjög langt frá
skipinu. Það er hreinlega ekki
annað hægt en að vera rólegur við
svona aðstæður."
Dýrindis hlaðborð
Ferðir með skemmtiferðaskipum
geta verið í mörgum verðflokkum
sem greinast þá eftir árstíðum og
hvert verið er að sigla. Siglingar
um Evrópu eru til dæmis oftar
en ekki dýrari en siglingar frá
Bandaríkjunum og svo er heilmikill
verðmunur á herbergjunum. Hægt
er að fá þau á mjög lágu verði en líka
háu, eftir því hvar þau eru staðsett í
skipinu og hvort þau eru gluggalaus,
með kýrauga eða svölum.
„ Satt best að segja er þetta ódýrasta
en jafnframt besta frí sem ég hef
farið í. Verðið sem við greiddum var
í kringum 8200 krónur á mann á dag
og innifalið í því var gisting og allur
matur allan sólarhringinn -og þetta
var ekkert venjuleg veisla! Á kvöldin
var hægt að velja um annaðhvort
hlaðborð eða sjöréttaðan kvöldverð
, l
með fullri þjónustu. Á miðnætti
opnaði svo miðnæturhlaðborð sem
var búið líkt og von væri á hópi úr
hungursneyð. Það var gersamlega
boðið upp á allt sem hugann og
magann girnist," segir Úlfar og
glöggt má heyra á málróminum að
þetta hlaðborð skákaði þúsundfalt
öllum þorrahlaðborðum.
óþarfi að taka upp veskið
„Fyrir auka þjónustu, eins og
til dæmis nudd, snyrtingu,
skoðurnarferðir o.fl er líka hægt
að borga fyrirfram, en það má að
sjálfssögðu líka borga á staðnum ef
maður kýs. Þjórfé má einnig borga
fyrirfram svo að maður sleppi
við að þurfa að vera að hugsa út í
það. Sjálfur kaus ég að halda mig
við fríðindin um borð sem voru
ríkuleg og tók því ekki veskið úr
vasanum allann tímann. Þarna eru
heitir pottar, líkamsræktarsalur,
stórar útisundlaugar, innilaug,
skemmtiatriði á kvöldin og fleira og
fleira svo það er vonlaust að láta sér
leiðast.“
Ertu með einhverjar sérstakar
ábendingar til þeirra sem hafa í
hyggju að skella sér í svona ferðalag?
„Já, það er mjög mikilvægt að
ferðalangar geri sér grein fyrir
því að þegar það fer í siglingu frá
USA þá er í raun að fara til annars
lands í leiðinni. Þetta gerir það að
verkum að það verður mjög svo
þýðingarmikið að vegabréfsáritanir
séu í lagi.
Svo er gaman að bæta því við
að það má aldrei, undir nokkrum
kringumstæðum kalla skipið bát.
Það er alltaf hún (“she”) eða bara
skipið. Ef maður kallar skipið bát
þá virkar maður eins og kjáni..,“
segir tölvumaðurinn sjóaði Úlfar
Árnasson að lokum.
Vefsíöurnar sem Úlfar talar um eru
travelocity.com og carnival.com
margret@bladid.net
Húsgagna
Bæjarlind 14-16, Kópavogi
LINDIN
10.000 MÖGULEIKAR - fyrirfólkmeð
sjálfstæðan smekk
Þú velur sófa
Þú velur stól
Þú velur áklæði
Þú velur lit
Þú hannar
Bara gaman
Xavira Sessalong + 3 púðar
Áklæði frá kr 48.000
Leður frá kr 77.000
Cube sófasett 2.5+1+1+4 púðar
Áklæði frá kr 104.000
Leðurfrá kr 172.000