blaðið - 10.02.2006, Blaðsíða 20
20 I VIÐTAL
FÖSTUDAGUR 10. FEBRÚAR 2006 blaöiö
Hvað segja tölurnar um þig?
Benedikt Lefleur kennir Islendingum að leita aö tölugildi tilverunnar með aöferðum númerólógíunnar sem byggir á kennisetningum Pýþagórasar. BlaSiö/StemarHugi
1 Listasetri Lafleurs úti á Granda er
fengist við leyndardóma talnanna að
hætti Pýþagórasar á laugardögum.
Eigandi listasetursins, Benedikt
Lafleur, kennir þar fólki að þekkja
tölurnar í tilverunni og hvernig þær
geta nýst fólki til aukins skilnings á
hinu daglega lífi. Talnaspeki hefur
verið stunduð um aldir og á margt
skylt með stjörnuspeki og víða fer
notkun þessara fornu fræða saman.
Hvað er talnaspeki?
„Ég kalla þetta nú númerólógíu til
aðgreiningar frá annarri talnaspeki.
Numerológían á rætur að rekja til
Pýþagorasar sem sagði að allt væri
byggt á tölugildum. Númerólógían
felur það í sér að maður finnur tölu-
gildin á bak við bókstafina eftir því
hvernig þeir raðast niður í hinu
alþjóðlega stafrófi. Svo eru til alls
kyns kenningar sem segja að tölur
leynist við ýmsar staðsetningar eins
og pýramídana eða slikt en ég fer
ekkert út í það. Hægt er að reikna
fæðingartölu fólks og svo nafnatöl-
una og heildartalan er svo fengin
með því að leggja fæðingar og nafna-
töluna saman. Sumir hafa svo meist-
aratölur en það hafa alls ekki allir.“
Hefur íslenska stafrófið þá aðrar
tölur?
„Já það hefur sína sérstöðu sem
ber að taka tillit til en ég hef oft á
tíðum notast við alþjóðlega stafrófið
og breytt þá íslensku sérstöfunum í
átt að því en ég hef líka unnið með
sérstöðuna svo það er hægt að vinna
með bæði. Til dæmis hef ég lagt A og
Á að jöfnu og D og Ð en svo er hægt
að bæta við Þ, Æ og Ö. Þetta skýri ég
nú betur á námskeiðinu. Þar kenni
ég fólki grundvallaratriðin í núm-
erólógíunni, tölugildi bókstafanna
og eiginleika talnanna. Eftir fyrsta
tíma getur fólk beytt númerólógí-
unni á sitt næsta umhverfi, nafnið
sitt o.s.frv.“
Hvað segja þessar tölur okkur sem
leynast á bak við fœðingardag minn
og nafn?
„Hver tala gefur frá sér ákveðna
orku. Af því að við notum nafnið svo
mikið þá mætti ætla að þessi orka
hafi einhverja þýðingu fyrir okkur.
Auðvitað hljómar þetta furðulega
en þegar maður fer að skoða þessar
tölur og eiginleika þeirra þá sér
maður einhvern veginn einstakling-
inn svo ljóslifandi fyrir sér og það
kemur alveg heim og saraan við það
hvernig einstaklingurinn er. Það er
hægt að sýna ýmis dæmi um það.
Eg tók til dæmis upp nafnið Le-
fleur þegar ég dvaldist i París. Ég fór
þangað til að gefa mig að listinni og
svo þegar ég beitti númerólógíunni á
nafnið löngu seinna þá sá ég að það
nafn hafði tölugildið 3 sem er lista-
talan. Það sem gerist þegar ég tók
upp þetta nafn er að þegar ég bæti
því við Benedikt Sigurðsson þá fæ
ég út heildartöluna þrjá að auki. Það
er eins og að við að taka upp þetta
nafn þá breytist minn farvegur og
mitt líf. Á þessum tíma, þegar ég
tók nafnið upp, hafði ég hins vegar
enga hugmynd um númerólógíu eða
merkingu hennar.“
Hvernig nýtist númerólógíanfólki?
„Númerólógían færir okkur auk-
inn skilning á persónuleika okkar,
þannig að við lærum að þekkja sjálf
okkur betur. Hún getur líka brugðið
ljósi á það sem við köllum tilviljanir
og getur útskýrt okkar lífshlaup og
þær þversagnir sem búa innra með
okkur. Það sem mér þykir þó mikil-
vægast og það sem hún hefur kennt
mér sjálfur er að hún hefur hjálpað
mér að draga úr fordómum. Manni
getur verið í nöp við fólk eins og til
dæmis stjórnmálamenn en tölurnar
hjálpa manni að útskýra ýmislegt
um einst. Tölurnar eru hlutlausar
og í eðli sínu eru þær góðar. Þær
hafa þó bæði jákvæðar og neikvæðar
hliðar en þær eru neikvæðar ef við
upplifum ekki tölurnar til fulln-
ustu. Einnig ef sama talan kemur
oft upp þá getur það myndað nei-
kvæða spennu. Þessi eiginleiki sem
hver tala hefur er þá orðinn of mik-
ill. Til dæmis hefur Davíð Oddsson,
sem hefur margar meistaratölur og
getur í raun gert allt, hefur mikið
af tölunni 4 í kring um sig. Hann er
Bubbi Morthens,
enda gífurlega vinnusamur og þraut-
seigur en það þýðir líka það að hann
á mjög auðvelt með að fara fram úr
sér og einangrast og það gæti auð-
veldlega bitnað á heilsu hans.“
Merking tölunnar 13
Benedikt segir tölur allt í kring um
okkur og margar þeirra séu frægar af
endemum. Til dæmis talan þrettán
sem gjarna er kennd við óhöpp og
slysfarir.
„Talan þrettán er fjarri þvi að
vera óhappatala en hún er erfið og
krefst mikils af manni en gefur líka
mikinn þroska. Það er litið á hana
sem óhappatölu af því að hún er
svo krefjandi. Hún er tala umbreyt-
inga, samansett úr 1 sem táknar
framkvæmdir og 3 sem táknar
sveigjanleika og breytingar. Málið
er svo það að summa þessarar tölu
er 4 og fjarkinn táknar þrautseigju,
vinnusemi og uppbyggingu. En eins
og allar tölur hefur fjarkinn nei-
kvæðar tilhneigingar. Sú neikvæða
tilhneiging sem tengist fjarkanum
er stöðnun.
Á milli þessara talna ássins og
þristins sem er svo undirstaða fjark-
ans er svo gríðarlega mikil togstreita.
Þannig krefst talan þrettán þess af
viðkomandi að hann sé mikið kamel-
ljón og taki endalausum brey tingum.
Ef viðkomandi er ekki tilbúinn til
þess, ef hann breytist ekki heldur
staðnar verða utanaðkomandi öfl
að breyta honum. {því felst það sem
margir hafa túlkað óheppni. Bubbi
Morthens hefur til dæmis mikið af
tölunni þrettán í kringum sig enda
er hann ekta kamelljón og það má
ráða í hans tónlist. Hann getur þetta
því hann hefur gríðarlegt úthald,
hann er vinnusamur og duglegur.
En þetta getur verið mikið álag á til-
finningalífið og það er erfitt að gera
þetta á öllum sviðum. Sigmundur
Ernir Rúnarsson er annar maður
sem er mikið kamelljón. Hann virð-
ist geta þetta líka og takast þetta vel
í tilfinningalífinu líka. Hann virðist
hafa þetta úthald og maður sér þetta
þegar hann er að skipta um starf.
Hann bara svissar um og er kominn
með allt á hreint á mettíma.“
Reiknaðu
fæðingartöl-
una þína:
Að reikna út fæðingatölu sína er
þá gert með þessum hætti, fæð-
ingadagur er lagður saman við
mánuð og fæðingaár:
2+ 3 + 5 + t+9+7+3 =30 = 3
5+ 5 + 20 = 30 = 3
En það má líka gera með
þessum hætti og útkoman á
alltaf að vera hin sama:
23
+ 5
+ 1973
= 2001 = 3 = fæðingatalan
f númólógíunni er þetta alltaf
gert með báðum aðferðum því
hvor aðferð gefur sína túlkun
þó niðurstöðutalan sé alltaf sú
sama.
Forsetinn er maður með
magnaða meistaratölu
Benedikt er gjarnan fenginn til að
greina frægt fólk með númeróló-
gíunni. Eftirfarandi er greining
hans á Ólafi Ragnari Grímssyni
og Dorrit Moussaieff.
„Forsetinn okkar er afar merki-
leg manneskja eins og forveri
hans. Fæðingatala hans er níu,
sem er tala heildarinnar og þjón-
ustu. Hann er að þjóna heildinni
í sínu embætti og það er góður
kostur. Nafnatala hans er svo þrír
en það er tala sköpunar, tjáningar
og samskipta. Við vitum að Ól-
afur er bæði skapandi sem forseti
en ekki síður sem fræðimaður.
Hann á auðvelt með að tjá sig og
hefur verið mjög skapandi sem
stjórnmálamaður og hefur mik-
inn hreyfanleika. Hann hefur ekki
hikað við að skipta til dæmis um
stjórnmálaflokka og annað. Heild-
artalan hans er líka þrír þannig
að hann er mjög skapandi forseti
sem nýtur þess að ferðast og eiga
samskipti við fólk.“
Vinna af metnaði fyrir heildina
Benedikt segir það áberandi við
Ólaf Ragnar hvað hann hafi merki-
lega meistaratölu.
„Meistaratölur eru oft tölur sem
geisla af ákveðinni meðvitund um
köllun. Það er mjög algengt að
frægt fólk hafi meistaratölur. Það
þýðir ekkert endilega að það sé
meistari í því sem það er að gera.
Það þýðir að það hafi tileinkað
sér ákveðna hluti og sé mjög með-
vitað um sína köllun. Það vinnur
oft mjög óeigingjarnt starf í þágu
heildarinnar með mismunandi
áherslum með þvi að vera sjálft í
sviðsljósinu.
Það sem er alveg frábært við
forsetann er að hann hefur tölu
sem ég hef ekki séð hjá neinum
öðrum einstaklingi. Ef sama frum-
BlaliS/Steinar Hugi
Ólafur Ragnar Grímsson hefur mjög
merkilegar tölur, segir Benedikt, sem
lýsa mjög skapandi manni meö ríka
köllunn. Tölur Dorritar Moussaieff, eig-
inkona hans, lýsa konu sem hefur rfkan
metnað fyrir heildina.
leikanum er beitt i greiningu á
tölum forsetans og hann hefur
sjálfur beitt í sínu lífi komumst
við að ákveðninni niðurstöðu. Ef
allar undirtölurnar úr nafninu
eru lagðar saman við níuna í fáum
við hreina snilldartölu 111. Hún
er mjög óhefðbundin en engu að
síður ein fallegasta meistaratala
sem hægt er að hugsa sér. Það
þýðir að hann hefur mjög með-
vitaða köllun um að vera í sviðs-
ljósinu og fremstur í flokki, leiðir
aðra en í þágu heildarinnar. Eigin-
kona hans er í senn metnaðarfull
og auðmjúk. Hún hefur sterka
þjónustulund ásamt ríkum metn-
aði sem lýtur að heildinni og að
þjóna henni. Það er sagt að hún
hafi komið ýmsu góðu til leiðar
fyrir íslendinga í útlöndum. Hún
vinnur mjög vel á bak við tjöldin
og mjög gott fyrir mann eins og
Ólaf að vera með manneskju eins
og hana við hlið sér.