blaðið - 18.03.2006, Blaðsíða 18
18 I VERÖLDIW
LAUGARDAGUR 18. MARS 2006 blaöiö
Rómantiskur dans i
Leikhúskjallaranum
Argentínskur tangó er rómantískur
dans enda gengur hann út á að
par nái að ganga saman, lesa hvort
annað og ná sambandi við tónlist-
ina. Dansinn er bókstaflega stiginn
í argentínskum tangó því hann er
að grunni til göngudans. Þeir sem
þekkja til segja enga tilfinningu
þeirri líkri að dansa argentínskan
tangó í góðum félagsskap. Þeir sem
þekkja ekki til geta kynnst þeirri
tilfinningu í kvöld því þá verður arg-
entínskt tangóball, milonga, í Leik-
húskjallaranum kl. 21.30-02.00.
Á milongu verður leikinn argent-
ínskur tangó frá ýmsum timum en
einstök stemmning skapast þegar
fólk kemur saman og fylgir frábærri
tónlistinni í spuna á dansgólfinu.
Daði Harðarson, tangódansari, segir
að það sé gríðarlegur vöxtur i argent-
ínskum dansi á íslandi og stór hluti
dansara fari reglulega til Argentínu
til að dansa oglæra.
Kaflaskipt diskótek
Tangóballið hefst kl. 21.30 með
opnum byrjendatíma í umsjón Kat-
hrinar Schmucker. Upp úr kl. 22.00
tekur diskótekarinn við og sjálf
Hér má sjá tangóparið Hany Hadaya og
Bryndísi Halldórsdóttur stíga þokkafull-
an dans.
milongan hefst. Síðar um kvöldið
verður gert hlé á dansinum og tang-
óparið Hany Hadaya og Bryndís
Halldórsdóttir sýna tangó, en þau
eru nýkomin heim frá höfuðborg
tangósins, Buenos Aires í Argent-
ínu. Að sýningu þeirra lokinni
heldur milongan áfram til kl. 2.
Samkvæmt Daða er milonga nokk-
urs konar kaflaskipt diskótek en nýj-
ungin í þessu balli er danssýningin
sem Hany og Bryndís verða með um
miðnætti. Danssýningar sem þessar
tilheyra argentínskum dansböllum
og hafa ekki verið áður hér á landi.
Aðgangseyrir á ballið er 1.000 kr. en
500 kr. fyrir námsmenn.
Veisluþjónusta
fyrir öll tilefni
Stendur mikið til? Við tökum að okkur að sjá um veitingar
fyrir hvaða tilefni sem er: Fermingar, brúðkaup, afmæli o.fl.
Við sérhæfum okkur í:
• Brauðtertum
• Snittum
• Smáréttum
Pantanir og nánari upplýsingar
í síma: 425 0322 425 0246(7),
og á netfangið igsveitingar@igs.is
IGSveitingar
ÓTRÚLEGIR FERÐAMOGULEIKAR
Á FRÁBÆRUM VERÐUM
Thailand frá 45.000.-
www.Ferd.is ferd.is
Nánari upplýsingar í síma: 846 2510 Út í hcim mcð Fcrð.is
Tvær nætur og heilan dag vorum við að sigla meðfram ströndum Eistlands.
í borg feðranna
Siglingin frá Helsinki til Trave-
munde (sem er lítil borg við strönd-
ina rétt norður af Lubeck) tók fjöru-
tíu klukkustundir. Tvær nætur
og heilan dag vorum við að sigla
meðfram ströndum Eistlands, Lett-
lands og Lithaugalands á bakborða
og með Svíþjóð hina löngu á stjórn-
borða. Svei mér þá, ef ég svaf ekki
bróðurpartinn af þessum tíma. Var
eiginlega alveg útkeyrð eftir ótal út-
réttingar, pökkun og kveðjusamsæti,
sem stóðu dögum saman, og rændu
mig eðlilegum svefni. Svaf og svaf
við hjalið í kyrrlátum innhafsöldum
Eystrasaltsins.
Saman eða ekki saman
Það voru ekki margir farþegar
um borð i ferjunni á þessum tíma
árs. Tvær eða þrjár fjölskyldur. Ein
þeirra voru hjón með þrjú ljóshærð
börn. Ég komst að því, að þau voru
hollensk á heimleið frá Finnlandi.
Þar, norður á hjara, stundaði mað-
urinn refarækt. Konunni leiddist fá-
breytnin og var að snúa heim með
börnin. Lái henni hver sem vill. En
mér skildist að maðurinn hefði erft
þetta góss og að það gæfi drjúgt af
sér. Svo að nú stóðu þau á nokkurs
konar tímamótum. Áð vera saman
eða ekki saman. Með ófyrirsjáan-
legum afleiðingum. Ég ákvað nú
samt að skipta mér ekkert frekar af
því!
Nema hvað við lögðumst upp að
bryggju eldsnemma á þriðja degi,
ókum út úr skipinu, sem leið lá og
stefndum í suðurátt. Skelfing var
þetta allt auðvelt og einfalt. Við
þurftum ekki einu sinni að fram-
vísa vegabréfum. Bara brosa og
stíga á bensínið. Evrópa er svo lítil,
vegurinn beinn og breiður. Landið
flatt og gróðursælt. Alla vega þarna
norður frá. Menn voru ekki enn
farnir að taka upp sykurrófurnar,
komið fram undir jól. Og svei mér
þá, ef sumir voru ekki bara komnir
í jólaskap.
Hansaborgin heimsótt
í stað þess að sneiða hjá Lubeck
hinni ljúfu ákváðum við að líta þar
inn i leiðinni, fá okkur morgunmat
í miðborginni og heiðra minningu
forfeðra minna, sem einhvern tíma
sprönguðu líklega hér um götur. Það
var áður en þeir tóku þá sérkenni-
legu ákvörðun að yfirgefa evrópska
siðmenningu og halda út í barbaríið
á hjara veraldar.
Eg veit ekki hvað það var sem rak
þennan sextán ára strák, Christian
Gunther Schram, burt úr hinni há-
timbruðu Hansaborg á seinustu
árum átjándu aldar? Var það ævin-
týralöngun eða kannski bara fátækt
og umkomuleysi? Ég veit ekki einu
sinni, hvort hann átti móður á lífi.
Ég veit bara að Christian þessi Gunt-
BRÉFFRÁ
BRYNDÍSI
her fluttist seinna til Islands, settist
að á Skagaströnd og var um tíma
efnaður kaupmaður. Hann var líka
margra barna faðir og þar á meðal
var Wilhelm Frímann, sem fluttist
til Kaupmannahafnar með móður
sinni, þegar hún skildi við þennan
forföður minn. Wilhelm Frímann
hafði meira peningavit en faðirinn,
græddi á tóbaki, eignaðist stórhýsi
í Kaupmannahöfn og var leigusali
Jóns Sigurðssonar og Ingibjargar
konu hans um tíma. Svo langt náði
nú frægð hans í íslandssögunni.
Má muna sinn fífil fegri
Lubeck fékk ekki umflúið eyðilegg-
ingu seinni heimsstyrjaldarinnar
frekar en aðrar þýskar borgir, sem
urðu á vegi Rauða hersins í sókn
hans til Berlínar eða fyrir loft-
árásum bandamanna. Samt stendur
eftir gamall kjarni miðaldaborg-
arinnar til minningar um glæsta
fortíð. Auk þess hafa þeir reynt að
byggja upp aftur í anda hins liðna
og tekist bærilega.
En Lubeck má muna sinn fífil
fegri. Sú var tíð, að hún atti kappi
við Hamborg, og jafnvel Amster-
dam, sem höfuðborg blómlegrar
verslunar og viðskipta milli Vestur-
Evrópu og Eystrasaltsins. Lubeck
var ein helsta borgin í Hansasam-
bandinu, sem var eins konar Evr-
ópusamband þess tíma, og tengdi
saman hafnarborgir eins og Tall-
inn, Aabo (Turku), Stokkhólm, Riga,
Kaupmannahöfn og síðan Hamborg
og Amsterdam við Norðursjóinn.
Hansasambandið teygði arma sína
víðar upp með fljótum Rússlands,
norður með strandlengju Noregs
og jafnvel allt til Islands. I þessum
borgum hlóðst upp mikill versluna-
rauður, löngu fyrir daga iðnbylt-
ingar. Þessa verslunarsögu má lesa
af forhliðum glæsibygginga og út úr
byggingarlist borganna, sem högn-
uðust best í Hansasambandinu. Lu-
beckvar ein þeirra.
Vinabær
Hún er mikil vinaborg Islendinga. Á
hverju ári eru íslenskar kvikmyndir
og kvikmyndaleikstjórar og allt,
sem íslenskt er, vegsamað og hafið
til skýjanna á hinni árlegu kvik-
myndahátíð þeirra. I nokkur ár veitt-
ist mér sá heiður að standa innan
seilingar frægðarljóma Friðriks
Þórs, Hrafns Gunnlaugssonar og
annarra höfuðpaura íslenskrar kvik-
myndagerðar. Ég sat veislur við hlið
borgarstjóra og mætti í viðtöl til að
svara spurningum um töfraeyjuna í
norðri. Á þeim árum, sem ég vann
hjá Kvikmyndasjóði, stóð íslensk
kvikmyndagerð í blóma og vakti að-
dáun og öfund meðal kollega, hvar
sem við komum.
Þennan morgun í byrjun desem-
ber síðastliðinn voru ekki margir
á ferli í miðborginni, hvað þá borg-
arstjórinn, sem kannski hefur ekki
einu sinni verið risinn úr rekkju, þó
að Þjóðverjar séu sagðir árrisulir.
Þær voru ekki einu sinni farnar
að hella upp á í Lubeck. Svo að við
héldum ferðinni áfram kaffilaus.
Stefnan var tekin á Berlín.
Svo að við héldum ferðinni áfram kaffilaus. Stefnan var tekin á Berlín.