blaðið - 18.03.2006, Blaðsíða 34

34 I UNGA FÓLKIÐ
LAUGARDAGUR 18. MARS 2006 blaöiö
Bílskúrsböndin leggja
undir sig Loftkastalann
Jakobínarfna sigraði Músíktilraunir á síðasta ári og hefur hróður sveitarinnar borist vfða á þeim tfma. Hún fékk lofsverða umfjöllun í
hinu virta tónlistartímariti Rolling Stone í fyrra og lék í síðustu viku á tónlistarhátíðinni South by Southwest í Austin (Texas.
Búast má við að þakið rifni af Loft-
kastalanum í næstu viku þegar þar
fer fram árleg tónlistarveisla bíl-
skúrsbanda hvaðanæva af landinu.
Músíktilraunir Tónabæjar og Hins
hússins fagna 25 ára afmæli á þessu
ári og er áhuginn síst minni nú en
áður. Að þessu sinni eru 50 hljóm-
sveitir skráðar til leiks og komust
færri að en vildu og eru nokkrar
sveitir á biðlista. Fyrsta undan-
kvöldið af fimm verður á mánudag
og það síðasta föstudaginn 24. mars.
Tvær hljómsveitir komast áfram á
hverju kvöldi sem taka þátt í úrslita-
kvöldinu 30. mars.
Fjölbreytni alls ráðandi í ár
Tilteknar tónlistarstefnur og stílar
hafa í gegnum tíðina sett svip sinn
á Músíktilraunir. í upphafi tíunda
áratugarins var til dæmis dauða-
rokkið alls ráðandi en áratug síðar
höfðu rappararnir tekið öll völd. Þór-
hallur Jónsson, verkefnisstjóri Mús-
íktilrauna, segir að í ár virðist engin
ein tónlistarstefna vera ríkjandi
heldur setji þvert á móti mikil fjöl-
breytni svip sinn á keppnina. „Það
virðist vera eins og það komi fleiri
þungarokksveitir utan af landi en
hér i bænum eru sveitirnar komnar
aðeins meira út í einhvers konar
indie-rokk. Þannig að það er engin
ríkjandi stefna,“ segir hann.
Þórhallur segir að hugsanlega
megi skýra þessa fjölbreytni með
því að tónlistarmennirnir eru
óhræddir við að gera það sem þá
langar til. „Böndin sem hafa sigrað
síðustu ár hafa verið að gera það
sem þeim dettur sjálfum í hug og
það hefur gengið vel hjá þeim. Þá
eru menn ekki að eltast við neinar
bólur heldur gera það sem þeir vilja,“
segir Þórhallur.
Fyrsti áfangi á leið til
frægðar og frama
Músíktilraunir Tónabæjar hafa fyrir
löngu fest sig í sessi sem vettvangur
fyrir unga og efnilega tónlistarmenn
að koma sér á framfæri. Jafnólíkar
hljómsveitir og Greifarnir, Maus,
Mínus og XXX Rottweiler hundar
vöktu fyrst athygli í kjölfar sigurs í
Músíktilraunum.
Hljómsveitir sem hafa farið með
sigur af hólmi í keppninni á undan-
förnum árum hafa flestar náð langt
í tónlistarlífinu hér heima og sumar
hafa jafnvel vakið athygli erlendis.
Mínus, sem vann Músíktilraunir
árið 1999, hefur til dæmis fyrir löngu
unnið sér sess í heimi harðkjarna- og
þungarokkstónlistar. Þá hefur Jakob-
ínarína, sem fór með sigur af hólmi
í fyrra, fengið lofsverða umfjöllun í
hinu virta tónlistartímariti Rolling
Stone og í síðustu viku lék hún á tón-
listarhátíðinni South by Southwest í
Austin í Texas. Þórhallur er ekki frá
því að góður árangur sigurvegara
fyrri ára sé öðrum tónlistarmönnum
mikil hvatning. „Þetta er náttúrlega
heilmikil innspýting. Það er engin
spurning. Það er að vísu óvenjulegt
að það gerist svona hratt eins og í til-
felli Jakobínurínu," segir hann.
Aðgangspassi á öll kvöldin
Boðið er upp á þá nýjung í ár að
fólki gefst kostur á að kaupa að-
gangspassa sem gildir á öll undan-
úrslitakvöldin og veitir forkaupsrétt
á miða á úrslitakvöldið. Passinn
kostar 2.500 krónur og spara menn
því 1.000 krónur með honum en
miði á hvert undankvöld fyrir sig
kostar 700 krónur. Þórhallur býst
við því að slegist verði um miða á
úrslitakvöldið, ekki síst í ljósi þess
að það verði haldið í Lofkastalanum
sem er aðeins minna húsnæði en
Austurbær þar sem þau fóru fram i
fyrra. Aftur á móti bendir hann á að
fleiri komist að á undankvöldin nú
en í fyrra. „Þetta er svolítið stærra
húsnæði en við höfum verið með
á undankvöldunum. Við höfum
verið í Tjarnarbíói síðustu tvö ár.
Við hvetjum því fjölskyldur, vini
og alla til að mæta,“ segir Þórhallur
og bætir við að yfirleitt hafi verið
fullt hús á undankvöldum. „Það
var reyndar einu sinni þannig að
það voru undankvöld sem voru
bara með böndum utan af landi en
þá hafði fólk oft ekki tök á að fylgja
með. Þess vegna reynum við núna
að blanda saman böndum frá Reykja-
vík og utan af landi þannig að við
fáum nógu marga á hvert kvöld.“
Meira lagt í umgjörð
Þórhallur segir að á undanförnum
þremur til fjórum árum hafi verið
meira lagt í umgjörð Músíktilrauna
og keppnin sé haldin á stóru sviði, 1
rúmgóðu húsnæði með öflugu hljóð-
og ljósakerfi og tónlistarmennirnir
kunni vel að meta það. „Við reynum
að draga upp jákvæða mynd af ung-
lingunum með Músíktilraunum.
Okkur finnst eins og það sé alltaf
verið að draga upp neikvæða mynd
af þeim. Þeir sem hafa tekið þátt í
þessu í gegnum tíðina hafa bent á
að hér erum við með 250-300 ung-
menni og það er aldrei neitt vesen.
Hér mæta menn bara og spila og það
ríkir ekkert nema tóm hamingja,"
segir Þórhallur að lokum.
Blaðid/Gúndi
Mínus fór með sigur af hólmi í Músfktilraunum fyrir fáeinum árum og hefur leiðin legið
upp á við hjá sveitinni frá þeim tfma.
TISKA &
SWYRTING
Mánudaginn 20. mars
blaóió
Auglýsendur, upplýsingar veita:
íslenski fjölskyldu
sirkusinn í Verínu
Leikfélag Menntaskólans við Hamra-
hlíð frumsýndi í gær nýtt leikverk
sem heitir Islenski fjölskyldusirk-
usinn í Verinu við Loftkastalann.
Óhætt er að segja að verkið sé unnið
á nokkuð nýstárlegan og óhefðbund-
inn hátt en það var samið af leik-
hópnum með aðstoð Sigrúnar Sólar
Ólafsdóttur leikstjóra. Nemendur
koma að sýningunni frá öllum
hliðum, semja tónlist og flytja hana,
búa til leikmynd og útfæra sirkusat-
riði. í hugleiðingum leikstjórans Sig-
rúnar Sólar kemur fram að persónur
verksins hafi orðið til í hugarheimi
leikenda. „Þær lifnuðu við gegnum
leik og spuna, samtöl um góðsemi
og dyggð, við lestur á Plató og Shake-
speare og við dans og sirkusæfingar.“
Leikararnir ungu sömdu sín atriði
sjálfir, skiptust á skoðunum eða
unnu í hópum. Á milli 50 og 60
manns koma að sýningunni með
einum eða öðrum hætti.
Háðsádeila á nútímasamfélag
I verkinu er skyggnst inn í líf nokk-
urra venjulegra íslenskra fjölskyldna
og kannað hvort hið góða fremur en
hið illa leiði líf þeirra. Margt mis-
jafnt kemur í ljós þegar skyggnst er
Félagar i Leiklistarfélagi Menntaskólans við Hamrahlið frumsýndu í gær verkið Islenski
fjölskydusirkusinn sem þau sömdu f samvinnu við Sigrúnu Sól Ólafsdóttur, leikstjóra.
undiryfirborðiðogvekurverkiðupp fram hannað lífsmynstur þar sem
spurningar um yfirborðsmennsku, allt er slétt og fellt á yfirborðinu en
lesti og bresti mannskepnunnar og óhamingja og ófullnægja kraumar
þá tilhneigingu hennar að troða undirniðri.
öllum ofan í ákveðna kassa, fyrir-