blaðið - 18.03.2006, Blaðsíða 31

blaðið LAUGARDAGUR 18. MARS 2006
VIÐTAL I 31
99..........................................................
„Ég hefekkert á móti því að skoða þá sem hafa borðað kanínufæði í 50 ár og
sjá hvernig þeir líta út. Það kæmi mér ekki á óvart þóttþeir væru bognir."
hann um daginn. Hann rifjaði upp
þessa gömlu daga og sagðist hafa
farið tíu sinnum niður á Eyri og fékk
alltaf sama svarið: „Nei: Komdu
á morgun". Þetta voru fjölskyldu-
menn sem gátu unnið. Þeir fengu
bara útborgað þegar þeir unnu. Á
þessum árum var ekki hægt að skrá
sig atvinnulausan af því að maður
væri orðinn fárveikur af sjónvarpsgl-
ápi. Það er einhver skekkja í þessu
öllu saman því öryrkjum fjölgar í
velmeguninni. Hvað væri gaman að
vita hversu margir þeir voru 1950?
Þeir hefðu átt að vera miklu fleiri en
þeir voru, búandi í kjallaraíbúðum
eða hálfköldum og niðurníddum
bröggum. Þeir fyrirfundust varla.
Nú eru öryrkjar úti um allt.
Allir tala um gamla fólkið og menn
skrifa greinar en enginn tekur upp
skófluna. Fólk virðast hissa á því að
gamalt fólk skuli vera til. Gamalt
fólk fæðist ekki, það er keðjan okkar.
Sumir virðast hafa gleymt þessu og
hugsa: „Ég verð aldrei gamall. Ég
verð alltaf playboy í einkaþotu“.
Það er eins og fólk hafi gleymt að
það á foreldra. Um tíma var ég einn
af þessu fólki. Það breyttist fyrir
rúmum tíu árum þegar ég sat fyrir
framan pabba minn inni í tólf fer-
metra herbergi. Ég gekk inn og hugs-
aði: „Kannski er þetta ágæt aðstaða".
Þá sá ég mann sitja vinstra megin
við föður minn. Eg fékk mér sæti
hægra megin og horfði á þessa tvo
75 ára gömlu menn sem höfðu þurft
að vinna með höndunum hvort sem
var í rigningu eða roki á opnum ára-
bátum. „Er það þetta sem á að bjóða
þeim upp á?“ hugsaði ég. „Að hanga
inn í litlu herbergi og hafa ekki
einu sinni kaffikönnu'. Ég, atvinnu-
rekandi með tæplega 200 manns í
vinnu, hugsaði: „Hvert fer lífeyris-
sjóðurinn?" Þú og ég og fólkið i land-
inu á lífeyrissjóðina. Það er einhver
skekkja í þessu. Við hljótum að fá
ný lög um það hvernig lífeyrissjóðir
eiga að vinna fyrir sitt fólk.
Það er eitthvað mikið að í lífeyris-
sjóðskerfinu og maður sér það sama
í lóðaúthlutunum. Það er verið að
skammta lóðir. Það er eins og við
komumst ekkert frá skömmtunar-
seðlunum. Ríkir menn kaupa lóðir
til að selja láglaunafólkinu. Það er
fyrir neðan virðingu allra að venju-
legt fólk geti ekki fengið lóðir í þessu
landi.“
Peningar hafa aldrei ruglað mig
Þú fórst frá fátœkt til auðs. Skipta
peningarþigmeira málifyrir vikið
eða minna?
„Það má kannski segja að ég hafi
farið betur með peningana vegna
þess að ég ólst upp á tímum þegar
menn voru blankir með gat á vas-
anum. Peningar hafa aldrei ruglað
mig en það er gott að vita af þeim.
Ég er ekki með skæting við menn
þótt þeir séu minni máttar. Ég var
líka minni máttar.“
Heldurðu að það sé hægt að eiga
ofmikið afpeningum?
„Ég veit ekki hvað þeir eru ríkir
þessir karlar, sem eru sagðir eiga
mest. Ég öfunda þá ekki. Mér finnst
ósköp gott að sofa á nóttunni."
Heldurðu að það sé erfitt að sofa
vœrt efmaður á mikla peninga?
„Það er gott að eiga peninga en ég
held að það sé skrýtin tilfinning að
eiga of mikið af þeim. En ég óska
þessum mönnum til hamingju. Þeir
mega eiga eins mikið af milljörðum
og þeir vilja. Þeir geta bara ekki
notað þá alla saman. En eiga þeir
eins mikið af milljörðum og þeir
segja? Ég er ekki viss. Það er ekki
víst að það verði alltaf veisla. Farðu
aðeins aftur í tímann. Hvar eru Silla
og Valda búðirnar? Hvar eru Kidda
búðirnar? Hvar eru Kron búðirnar?
Hvar er kaupfélagsveldið? Allt er
þetta farið.“
Þú rekur sœlgœtisverksmiðju og
Kentucky Fried Chicken. Borð-
arðu framleiðsluna þína?
„Ég borða mikið af henni enda er
ég pattaralegur - og vel á mig kom-
inn. Ég skal keppa við grasæturnar
í öllu en veit ekki hvort þær geta
keppt við mig.
Einhvern tíma heyrði ég að við
værum komin af öpum sem gengu
bognir og átu gras. Nú vilja allir að
við förum aftur í grasið. Við eigum
að borða blandaðan mat, fisk, kjöt,
mjólk, ávexti, kex og sælgæti. Það
er sagt að sykur sé óhollur. En þeir
sem hafa borðað hann í 50 ár lifa
lengst og eru hraustastir. Ég hef ekk-
ert á móti því að skoða þá sem hafa
borðað kanínufæði í 50 ár og sjá
hvernig þeir líta út. Það kæmi mér
ekki á óvart þótt þeir væru bognir.“
Hjartað ræður skoðunum mínum
Ertu pólitískur?
„Ég veit það ekki. Hjartað ræður
skoðunum mínum. Það er bara
þannig."
Hvar stendurðu iflokkakerfinu?
„Ætli ég sé ekki jafnaðarmaður.
Einu sinni var ég kallaður komm-
únisti. Mér er alveg sama hvað fólk
kallar mig.“
Hefurðu trú á
stjórnmálamönnum?
„Ég vil hafa trú á þeim en þeir
virðast vera í litlu sambandi við
fólkið í landinu. Þeir koma til fólks-
ins tveimur dögum fyrir kosningar.
Almenningur bítur ekki á það agn
lengur. Stjórnmálamenn þurfa að
vera sýnilegri. Heimsækja fyrirtæki
og sjá hvað er að gerast og hvað
vantar. Þegar maður sækir um eitt-
hvað þykist enginn þeirra vita neitt:
„Er Helgi í Góu til? Hver er hann?““
Hvernigskap hefurðu?
„Ég get verið hundleiðinlegur af
því að ég er skipstjórinn og þarf að
stjórna og hafa skap. En það segir
sitt að menn hafa starfað hjá mér
í þrjátíu ár. Ég hef reynt að halda í
gott fólk og borga því sómasamlega
því starfsmaðurinn þarf líka að lifa.
Ég hef verið duglegur við vinn-
una og reyni að reka hugguleg fyr-
irtæki. Ég er sköpunarglaður og
heilsuhraustur og ekkert hræddur
við að grípa skófluna. Ég lærði mjög
snemma að ef maður ætlar að fá út-
borgað þá verður maður að vinna.
Og af hverju ætti maður að láta vinn-
una fara í taugarnar á sér?. Maður
verður að hafa gaman af vinnunni
sinni. Hún er svo stór hluti af lífinu.'
Trúirðu á eitthvað?
„Ég er venjulegur maður sem trúi
á hið góða fremur en hitt. Ég held
að maður verði að vera trúaður
þótt maður kunni kannski ekki að
skilgreina trúna. Eitthvað verður
maður að trúa á. Annars er maður
ekki mannlegur.“
kolbrun@bladid.net
INGARTILBOÐ
á rúmum
áöur 42700« / nú 29.900,-
0 áöur 49.000 / nú 38.500,-
0 áöur ST87000 / nú 48.000,-
áður 6ð:SO0 / nú 59.500,-
sjálfstœð fjöðrun
áður '51h60O- verð nú kr 49.600-
ður 68700-0- verð nú kr 58.000-
ður 89^MM>- verð nú kr 79.500-
agormadýna með 240 gormum á hvem
væoaskipt 15 misstíf svæði.
\r í ófhum poka, sem kemur í veg fyrir að einhver
og tryggir afslöppun fyrir hrygginn.
madýna
oMirýstijöfnunarefni á
ð kr. 139.000,-
ð kr. 159.000,-
pbygging á
um.
frá 69.000.-
co
8
c
O
o
GO
o
£
£
HÚSGAGNAVERSLUN
TOSCANA
SMIÐJUVEGI 2, KÓP S:587 6090
HÚSGÖGNIN FÁSTEINNIGIHÚSGAGNAVAL, HÖFN S: 478 2535