blaðið - 21.07.2006, Blaðsíða 11

blaöið FÖSTUDAGUR 21. JÚLÍ 2006
FRÉTTIR I 11
Reykjavíkurborg:
■ Mótorkrossarar spóla Áhugamenn á torfæruhjólum
vilja nýta sökkvandi land á Kárahnjúkum til þess að
leika sér þar, það sem eftir er af sumrinu.

séð hvernig það ætti að koma að sök
að þeir leiki sér í lónstæðinu, fyrst
því verður sökkt innan skamms.
„Þetta er náttúrlega bara skamm-
tímalausn og það þarf að finna frek-
ari lausn á þessum vanda,“ segir Guð-
mundur og bætir við hlæjandi að
einhvers staðar þurfi vondir að vera.
Til þess að fá að nýta lónstæðið
verður að fá samþykki lögreglustjór-
ans í sveitinni og landeigenda að
sögn Óskars Bjartmarz, yfirlögreglu-
þjóns á Seyðisfirði. Hann segir að
allur utanvegaakstur sé ólöglegur en
að sjálfsögðu verði þetta tekið til at-
hugunar verði hugmyndinni komið
á framfæri.
Prestsetrasjóður á allnokkuð
land sem fer undir vatn þegar lónið
verður tekið til notkunar. Formaður
Prestsetrasjóðs, Bjarni Grímsson,
segir að málið verði skoðað og tekið
til meðferðar berist það til þeirra.
Þeir hafi hins vegar enga sérstaka
skoðun á því.
valur@bladid.net
Alþjóðamál
íranir fylgdust með eld-
flaugatilraunum N-Kóreu
I leit að kaupendum? Kim Jong II leiðtogi Norður-Kóreu
Christoper Hill, aðstoðarutanrík-
isráðherra Bandaríkjanna og sér-
stakur erindreki þeirra í Asíu vegna
málefna Norður-Kóreu, fullyrti í
gær að klerkastjórnin í íran hafi
átt fulltrúa á staðnum þegar stjórn-
völd í Pjongjang gerðu tilraunir á
langdrægri eldflaugþann fjórða júlí.
Þetta kom fram þegar Hill fundaði
með öldungadeildarþingmönnum
í Washington D.C. Er þetta í fyrsta
sinn sem talsmaður stjórnvalda
í Bandaríkjunum viðurkennir op-
inberlega að íranir og Norður-Kór-
eumenn eigi í samstarfi. Hill sagði
að slíkar fréttir yllu stjórnvöldum
miklum áhyggjum.
Bæði Iranir og Norður-Kóreu-
menn eru undir vökulu auga alþjóða-
samfélagsins vegna þróunar á gjör-
eyðingarvopnum og langdrægum
eldflaugum í trássi við alþjóðalög.
Norður-Kóreumenn eru komnir
lengra en Iranir og er talið að stjórn-
völd í Pjongjang ráði yfir nokkrum
kjarnorkusprengjum og eru komin
vel á veg með þróun langdrægra eld-
flauga. Þar sem stjórnin er nánast
algjörlega einangruð frá umheim-
inum er talið líklegt að hún leitist
við að selja öðrum þjóðum tækni-
upplýsingar og vopn.
Þarf að stokka
upp strætó
■ Tapar milljón á dag ■ Stjórnsýsluúttekt klár
í september ■ Vilja ekki skerða þjónustu
Strætó bs. hefur ákveðið að ráðast
í stjórnsýsluúttekt á fyrirtækinu og á
hún að liggja fyrir í september. Stjórn-
arformaður og framkvæmdastjóri
Strætó sendu borgarráði minnisblað
um rekstur fyrirtækisins og kemur
þar fram, að þegar á vordögum hafi
verið ljóst, að í óefni stefndi. Björn
Ingi Hrafnsson, formaður borgar-
ráðs, telur að stokka þurfi Strætó upp,
en vill bíða stjórnsýsluúttektarinnar
áður en menn fari að ráðgera slíkt.
Komið hefur á daginn að mikið
rekstartap var hjá Strætó í vetur og
lætur nærri að tapið hafi numið
milljón krónum á dag. I minnisblað-
inu kemur fram að þeir erfiðleikar
hafi verið stjórninni lengi ljósir.
„Legið hefur fyrir síðan síðari hluta
árs 2005 að rekstrarkostnaður færi
fram úr áætlunum með auknum
akstri og að tekjuvænting í far-
gjöldum stæði ekki. Kostnaðarauki
féll til eftir upptöku nýja kerfisins og
væntingar um skjóta aukningu far-
gjaldatekna gengu ekki eftir.“ A hinn
bóginn virðist sem látið hafi vera að
taka á vandanum þar til eftir sveitar-
stjórnakosningar í vor.
Björn
Ingi Hrafnsson, formaður borgar-
ráðs, segir að auðvitað hefði það átt
að koma fram í kosningabaráttunni.
Það breyti þó ekki vandanum, sem
menn standi frammi fyrir og ljóst
að borgaryfirvöld þurfi að grípa til
ráðstafana. Af sinni hálfu sé þjón-
ustuskerðing ekki lausnin og í bráð-
ina þurfi að sjá til þess að fyrirtækið
nýtist með viðunandi hætti. „En eins
og staðan er má vera ljóst að það þarf
að stokka upp í rekstrinum og gera
viðamiklar breytingar og þess vegna
þurfum við stjórnsýsluúttektina.
Fyrr getum við ekki gert okkur fulla
grein fyrir stöðu þess eða kostum til
úrlausnar.“
Dagur B. Eggertsson, oddviti Sam-
fylkingarinnar í borgarstjórn, sendi
frá sér yfirlýsingu í gær. Þar sagði að
á fundi borgarráðs hefði komið fram,
að stóran hluta fjárhagsvanda Strætó
bs. mætti rekja til þess að nágranna-
sveitarfélög Reykjavíkur hefðu svik-
ist um að greiða framlög í samræmi
við launahækkanir vegna nýgerðra
kjarasamninga.
Ásgeir Eiríksson, framkvæmda-
stjóri Strætó bs„ svaraði þessu og
sagði þessa fullyrðingu
Dags beinlínis ranga.
Öll aðildarsveitarfé-
lög hefðu að fullu
staðið við skuldbind-
ingar sínar sam-
kvæmt samþykktri
fjárhagsáætlun
byggðasamlagsins
og ekkert aðildar-
sveitarfélaganna
hefði svikist um að
greiða ff amlög í sam-
ræmi við launahækk-
0 anirvegnanýgerðra
kjarasamninga.
Hxf&v f
Fullelduðu kjúklingabitarnir frá Matfugli á grillið, í ofninn eða á pönnuna.
Með hverjum bakka fylgir Léttsósa frá Salathúsinu.
- Á grillið i örfáar mínútur og maturinn er til!