blaðið - 05.09.2006, Blaðsíða 12
12 ÞRIÐJUDAGUR 5. SEPTEMBER 2006
blaftiö
UTAN ÚR HEIMI
Mikil aukning ólöglegra innflytjenda
Um þrettán hundruð ólöglegir innflytjendur frá Afríku komu á land á
Kanaríeyjum um helgina. Um tuttugu þúsund ólöglegir innflytjendur
hafa reynt að komast til Spánar gegnum eyjarnar á þessu ári eða um
fjórum sinnum fleiri en í fyrra. Talið er að þrjú til sex þúsund manns
ifi farist á leið sinni yfir Miðjarðarhafið frá norðurströnd Afríku.
EKSanP:
Vinna við nýja stjórnarskrá hefst
Herforingjastjórnin í Búrma hefur lýst því yfir að stjórnlaga-
þing sem hefur það verkefni að setja landinu nýja stjórnarskrá
muni taka aftur til starfa í október. Landið hefur ekki haft
stjórnarskrá síðan herforingjastjórnin tók við völdum en hún á
að vera fyrsti liðurinn í því að endurreisa lýðræði í landinu.
Atlantis fer á loft á morgun
Geimskutlan Atlantis mun fara á loft á
morgun. Skjóta átti geimfarinu á loft í
síðustu viku en skotinu var seinkað vegna
veðurs. För Atlantis er heitið til Alþjóðlegu
geimstöðvarinnar.
Bush Bandaríkjaforseti:
Bandaríkjamenn of
háðir erlendri olíu
George Bush, forseti
Bandaríkjanna, sagði í
gær að hagkerfið stæði
traustum fótum, hag-
vöxtur væri traustur og
störfum fjölgaði. Hann
varaði hinsvegar við hætt-
unni sem felst í því hversu
háðir Bandaríkjamenn__________
væru innfluttri olíu.
Forsetinn sagði vandamálið fel-
ast í því að Bandaríkjamenn væru
tilneyddir að flytja inn olíu frá
ríkjum sem væru andstæð þeim
gildum sem stjórnvöld í
Washington stæðu fyrir.
Stjórnvöld þyrftu því
að þróa nýja orkugjafa
og leggja aukna áherslu
á notkun kjarnorku við
orkuframleiðslu. Forsetinn
sagði einnig að Bandaríkja-
menn muni halda áfram að
berjast fyrir frjálsum við-
skiptum í heiminum en sagði slík
viðskipti ekki geta farið fram þegar
reglurnar séu ósanngjarnar og öll
ríki sitji ekki við sama borð.
Myndbirting:
Athugasemd
frá Blaðinu
Með frétt um nýbyggingar á
höfuðborgarsvæðinu sem birtist
í Blaðinu síðastliðinn laugardag
fylgdi mynd af hálfbyggðu húsi.
Vegna mistaka gleymdist að taka
fram að umrætt hús tengdist ekki
fréttinni.
ER
MAGINN
VANDAMÁL?
Silicol hjálpar!
Fæst í öllum apótekum
VIGTARMENN
Námskeið til löggildingar vigtarmanna
verður haldið á Neytendastofu Borgartúni 21
dagana 18., 19. og 20. sept. nk
Endurmenntunarnámskeið
25. september
Allarnánari upplýsingarog skráning þátttakenda
á Neytendastofu sími 510-1100
og á heimasíðunni
www.ls.is/mælifræði/vigtarmenn/námskeið.
NEYTENDASTOFA
J ijtúuu íiliukiiulijiþj uO uy jtl jaa mnUiicir, iiifíjr yluuu
&uuÍyUiÍU!jiifliut£ir
Bandaríkjamenn sjá áfram um varnir íslands:
Eftir Trausta Hafsteinsson
trauti@bladid.net
„Við lögðum á það áherslu að hér væru
sýnilegar varnir og ég tel að forsendur
þess varnarsamnings sem gilti séu
brostnar. Fyrri samningur gerði ráð
fyrir hagsmunum beggja aðila. Mér
fannst að segja ætti upp varnarsamn-
ingnum þegar í stað eftir að Banda-
ríkjaher tilkynnti skyndilega brottför
sina með þessum hætti,” sagði Davið
Oddsson seðlabankastjóri í viðtali í
Kastljósinu á sunnudagskvöld.
Aðspurður sagði Davíð að vinátta
sin við George W. Bush hafi orðið til
þess að sýnilegar varnir voru mun
lengur hér á landi heldur en varnar-
málaráðuneyti Bandaríkjanna stefndi
að. Hann sagði að Bandaríkjaforseti
hafi sagt þáverandi forsæt-
isráðherra, Davíð Oddsson,
vera vin sinn og láta ætti
hann í friði.
„Bandaríkin hafa verið
okkur mjög traustur banda
maður fram .
til þessa og
við höfum byggt
okkar öryggi á samvinnu við þá.
Án Bandaríkjanna er NATO lítils
virði”
Við munum verja ykkur
Viðræður við rikisstjórn Bandaríkj-
anna um framlengingu á varnarsamn-
ingi við ísland standa enn yfír og
mikil leynd hvílir yfir gangi viðræðn-
anna. Herinn hefur lagt fram óform-
lega áætlun um hvernig vörnum lands-
ins verður háttað en ljóst er að um
verður að ræða varnir úr fjarlægð þar
sem sýnilegar varnir eru ekki lengur
til staðar hér á landi.
„Bandaríkjamenn skuldbinda sig til
að sjá um varnir landsins og þær eru
hluti af varnaráætlun Bandaríkjahers.
Meira get ég ekki tjáð mig um málið,”
segir Friðþór Eydal, upplýsingafull-
trúi varnarliðsins.
Öryggismálin eru leyndarmál
Halldór Blöndal, formaður utanrík-
ismálanefndar, segir málið ekki vera
flókið og að óformlegar viðræður við
Bandaríkjamenn séu í gangi.
„Varnarsamningnum við Banda-
ríkjamenn hefur ekki verið sagt upp
og því er hann í gildi. Það eru margs-
konar hættur sem steðja að samfé-
lögum nútímans og því verðum við að
tryggja öryggi okkar. Liður í því er að
styrkja lögregluna og leggja áherslu á
aðra þætti til að bregðast við hættum
sem að steðja. Það er því bæði verið að
Atlantshafssamningur
NATO
Undirritaöur 4. apríl 1949
5. grein
„Aðilar eru sammála um, að vopnuð árás
á einn þeirra eða fleiri í Evrópu eða
Norður-Ameriku skuli talin árás á þá
alla; fyrir því eru þeir sammála um, ef
slík vopnuð árás verður gerð, að þá muni
hver þeirra í samræmi við rétt þann til
eigin varnar og sameiginlegrar, sem
viðurkenndur er í 51. grein sáttmála
Sameinuðu þjóðanna, aðstoða aðila
þann eða þá, sem á er ráðizt, með því
að gera þegar í stað hver um sig og
ásamt hinum aðilunum þær ráðstafanir,
sem hann telur nauðsynlegar, og er þar
með talin beiting vopnavalds, til þess
að koma aftur á og varðveita öryggi
Norður- Atlantshafssvæðisins.”
Yfir þessu
hvílir
hernaðarleynd.
Halldór Blöndal
Formaður utanrikis-
málanofndar
Meira get ég
ekki tjáð mig
um málið.
Friðþór Eydal
Upplýsingafulltrúi
varnarliðsins
Mér fannst
að segja ætti
upp varnar-
samningnum.
Davið Oddsson
Soðlabankastjóri
I þágu almenn-
ings að þekkja
til hvaða við-
bragða sé gripið.
Össur Skarphéðinsson
Pingmaflur
Samfylkingarinnar
huga að varnarmálum út á við og inn
á við,” segir Halldór.
„Það er verið að huga að nýrri
varnaráætlun og þessir þættir allir
koma fram á formlegum fundi sem
haldinn verður í lok september. Yfir
þessu hvílir hernaðarleynd; eðli
málsins samkvæmt eru sum atriði í
þessu leyndarmál og það þjónar ekki
almannahagsmunum að gefa slíkt
út. Það sem gerist á fundum utanrik-
ismálanefndar og lýtur að öryggis-
málum þjóðarinnar er leyndarmál og
verður ekki gert heyrumkunnugt.”
Þurfum ekkert að óttast
Össur Skarphéðinsson, þingmaður
Samfylkingarinnar, segir varnir lands-
ins litið breyttar þrátt fyrir að sýni-
legar varnir Bandaríkahers séu farnar
úr landi.
„Ég ber engan kvíðboga fyrir
vörnum Islands þó hinar sjáan-
legu varnir Bandaríkjahers séu
farnar, þoturnar voru hvort eð
er vopnlausar og höfðu ekki
leyfi til aðgerða ef neyðar-
1 ástand hefði skapast. Miðað
við ástandið í okkar heims-
hluta og hversu öflug okkar lögregla
er orðin þá þurfum við ekki að óttast
um okkar stöðu,” segir Össur.
„Ef hernaðarleg ógn skyldi steðja
að þá njótum við skjólsins sem felst í
5. grein varnarsamnings Atlantshafs-
bandalagsins og í krafti þeirrar varnar-
hlífar myndu öflugar herþjóðir koma
okkur til varnar, þar á meðal Banda-
ríkjamenn sem eru aðilar að samn-
ingnum. í þeirri grein segir að árás á
eina þjóð bandalagsins jafngildi árás á
þær allar. Eftir hryðjuverkaárásirnar í
Madríd var ákvæðið endurskilgreint
og eftir það fellur hættan á hryðju-
verkum líka þarna undir."
Róar almening að þekkja
varnir landsins
Össur telur ekki rétt að fullkomin
leynd hvili yfir varnaráætlun
Bandaríkjahers því almenningur
þurfi að þekkja breiðar línur þess
fyrirkomulags.
„í fyrsta lagi erallsendis óvíst hvernig
framhald verður á tvíhliða varnar-
samningi við Bandaríkin. í öðru lagi
tel ég að það sé í þágu almennings að
þekkja til hvaða viðbragða sé gripið
við tilteknar aðstæður. Það hlýtur að
auka öryggisvitund almennings og
myndi veita fólki traust á varnarsam-
starfi við Bandarikin. Það myndi án
efa róa fólk að hafa nasasjón af þvi til
hvaða aðgerða yrði gripið og hverjir
myndu gera það til að tryggja sem
best öryggi þess.”