blaðið - 05.09.2006, Blaðsíða 26
34 ÞRIÐJUDAGUR 5. SEPTEMBER 2006
blaðið
menntun
menntun@bladid.net
Fjóróungur í menntageiranum
Um fjórðungur allra þeirra sem útskrifuðust frá HÍ árið 1993
vinnur í menntageiranum en 15% þeirra sem útskrifuðust árið
2001 samkvæmt rannsókn félagsvisindastofnunar um gildi og
gagnsemi náms við HÍ.
Kennsla sett í félagslegt og sögulegt samhengi
Bókmenntirnar gæddar lífi
Bókmenntirnar færðar nær nemendum Kristen M. Swenson, enskukennari við Fjölbrautaskólann íÁrmúla, hefur
gripið til óvenjulegra aðferöa til að færa bókmenntaverk nær nemendum.
Útivistartíminn
styttist
Frá og með 1. september mega
börn 12 ára og yngri ekki vera
á almannafæri eftir kl. 20 nema
í fylgd með fullorðnum. Börn á
aldrinum 13-16 ára mega ekki
vera á almannafæri eftir kl. 22.
Mikilvægt er að foreldrar sjái
til þess að útivistartíminn sé
virtur enda liggur ábyrgðin hjá
þeim. FSeglur um útivistartíma
eru settar til að vernda börn en
reynslan hefur sýnt að ef þau eru
á ferli eftir leyfilegan útivistar-
tíma eiga þau frekar á hættu að
verða fyrir áreiti.
Enn fremur eykst hættan á að
börn fari of seint að sofa ef þau
eru úti fram eftir kvöldi og fái
því ekki nægan nætursvefn. Van-
svefta börn og unglingar geta
ekki einbeitt sér sem skyldi að
náminu auk þess sem það getur
haft áhrif á almenna líðan þeirra.
Undanþága er veitt frá reglum
um útivistartíma varðandi 13-16
ára börnin þar sem kveðið er
á um að þau megi vera lengur
úti ef þau eru á heimferð frá
viðurkenndri skóla-, íþrótta- eða
æskulýðssamkomu.
Leitað til
almennings
Nefnd sem vinnur að heildarend-
urskoðun laga um grunnskóla
óskar eftir ábendingum og
athugasemdum frá almenningi
um hvaða meginsjónarmið ætti
að hafa að leiðarljósi við endur-
skoðun laganna og hver framtíð-
arsýn eigi að vera í málefnum
grunnskólans. Guðni Olgeirsson,
starfsmaður nefndarinnar, tekur
á móti ábendingum fyrir lok sept-
ember og er netfang hans gudni.
olgeirsson@mrn.stjr.is.
Þann 11. nóvember næstkom-
andi stendur nefndin fyrir
málþingi um framtíðarsýn í
málefnum grunnskólans. Stefnt
er að því að nefndin Ijúki störfum
í byrjun næsta árs.
Kristen Mary Swenson,
enskukennari við Fjöl-
brautaskólann í Ármúla,
hefur ásamt samkenn-
ara sínum, Dóru Ósk
Halldórsdóttur, reynt eftir megni
að gæða bókmenntakennslu lífi og
fá nemendur til að setja verkin sem
þeir lesa í víðara samhengi. Hún
hefur meðal annars fengið blús-
tónlistarmenn til að koma í tíma
í tengslum við lestur á bókinni To
Kill a Mockingbird eftir bandaríska
rithöfundinn Harper Lee sem ger-
ist í Suðurríkjum Bandaríkjanna á
millistríðsárunum.
„Þeir kynna blústónlistina og sögu
hennar, hvernig hún varð til, hvern-
ig hún tengist nútímatónlist og svo
framvegis,” segir Kristen um tónlist-
armennina. „Þeir fara meðal ann-
ars í umfjöllunarefni blúslaganna. í
fyrra var ég með samkeppni þar sem
nemendur sömdu blústexta. Tónlist-
armennirnir völdu úr besta textann,
sömdu lag við hann og fluttu nýja
lagið,“ segir Kristen.
Tónlist tengd náminu
Uppátækið hefur mælst vel fyrir
bæði hjá nemendunum og blúsurun-
um sem vilja ólmir fræða þá um tón-
listina. „Nemendur kunna að meta
þegar svona er gert fyrir þau og öðl-
ast dýpri skilning á verkunum og
gleyma þeim ekki. Það er fyrir öllu,“
segir Kirsten og hlær.
„Ég hitti nú í sumar nemanda sem
var hjá mér fyrir tveimur árum og
sagðist aldrei gleyma þessari bók.
Nálægðin er svo mikil. Tónlistar-
mennirnir spila við hliðina á nem-
endunum sem gerir þetta allt svo
raunverulegt og tilfinningaþrung-
ið,“ segir Kristen sem telur að það sé
örugglega hægt að tengja tónlist við
fleiri námsgreinar. „Ég sé fyrir mér
að það sé hægt að tengja tónlist við
margar greinar, jafnvel stærðfræði."
Bókmenntir settar í samhengi
Kristen hefur einnig bryddað
upp á nýjungum í tengslum við
fleiri bókmenntaverk. „Þegar við
vorum að kenna A Streetcar Na-
med Desire (Sporvagninn Girnd)
eftir Tennessee Williams fórum
við í leikhúsið og töluðum síðan
við leikarana og leikstjórann eftir
sýningu sem var mjög fróðlegt. Við
reynum að gera þessar bókmenntir
raunverulegar og setja þær í eitt-
hvert samhengi, sögulegt eða fé-
lagslegt, þannig að nemendur geti
skilið þær betur.“
Kristen sem kemur frá Bandaríkj-
unum segist hafa kynnst svipuðum
aðferðum þegar hún var í skóla og
sem unglingur hefði sér fundist
áhugaverðustu tímarnir vera þeir
þar sem námsefnið var tengt við
raunveruleikann. Hún lætur nem-
endur sína meðal annars vinna
hópverkefni þar sem þeir taka fyrir
ákveðin viðfangsefni sem tengjast
bókmenntaverkinu svo sem mann-
réttindabaráttu svartra í Bandaríkj-
unum, Martin Luther King, krepp-
una miklu og Ku Klux Klan.
Kynþáttahatur á (slandi
„Mér finnst það þess virði að nem-
endur viti um hvað þrælahald sner-
ist og hvernig líf þessa fólks hafi
verið. Mér finnst það eiga svo mikið
erindi við þau núna þó að þau búi á
íslandi árið 2006,“ segir Kristen og
tekur dæmi af nemendum sem áttu
að vera með framsögu um Ku Klux
Klan í fyrra.
„Þá fundu þau íslenska heima-
síðu um yfirráð hvíta kynstofnsins
(white supremacy) og þau urðu svo
hissa á að þetta væri til á íslandi.
Þau héldu að þetta væri eitthvað
sem hefði verið til í gamla daga
og gerðu sér ekki grein fyrir að
þetta væri til í dag og svona nálægt
þeim.“
Ku Klux Klan Nemendur Kristenar
kynna sér meðal annars félagslegt
og sögulegt samhengi verkanna
sem þeir eru að lesa og geta jafnvei
tengt þau eigin samtíö.
RIMLARÚM
HJÁ OKKUR FÁIÐ ÞIÐ MIKIÐ ÚRVAL AF RIMLÁRÚMUM
Skeifunni 8 - s. 568 2200 - Smáralind - s. 534 2200
www.babysam.is
Tónlistarnámskeið
fyrir fötluð börn
Hreyfiland hyggst bjóða upp á tón-
listarnámskeið fyrir börn sem eiga
við fötlun að stríða. Námskeiðið
stendur í sex vikur og hefst 16. sept-
ember. Námskeiðið er ætlað börn-
um á aldrinum 1-7 ára sem eru með
Downs-heilkennið eða einhverfu.
Rósa Jóhannesdóttir tónlistarmað-
ur kennir á námskeiðinu en hún er
með sérmenntun í tónlist frá Noregi.
„Það er í sjálfu sér beitt svipuðum
aðferðum og við kennslu annarra
barna nema hvað þetta er meira ein-
staklingsmiðað og kennslan fer eftir
getu og þroska hvers og eins. Á ekki
það sama við alla,“ segir Rósa.
„Uppistaðan að þessu námskeiði er
efni eftir Helgu Rut Guðmundsdótt-
Downs-heilkenni Tónlistarnám-
skeiðið er ætlað börnum með
Downs-heilkenni eða einhverfu.
ur sem er doktor í þessum fræðum
og hún notast við gamlar þulur og
þjóðlög þannig að þetta er byggt á
íslenskum grunni.“
Rósa segir að námskeiðið þjálfi
hreyfiþroska og hugsun barnanna.
Sérstök áhersla er lögð á samspil
forledra og barna því að þeir eru
best til þess fallnir að stuðla að
jákvæðum tónlistarþroska barna
sinna. „Þeir geta þá líka haldið
áfram að vinna með börnunum
og syngja með þeim þegar heim
er komið. Börnin verða svo ánægð
þegar þau heyra lögin þegar heim
er komið þar sem það minnir þau á
tímana,“ segir Rósa
Foreldrar eða aðstoðarfólk koma
með börnunum í tímana og lögð er
áhersla á að börnin upplifi jákvæða
stund með þeim og öðrum þátttak-
endum.