blaðið - 26.09.2006, Blaðsíða 16

16 ÞRIÐJUDAGUR 26. SEPTEMBER 2006
blaöiö
Danmörk:
Óeirðir í Kaup-
mannahöfn
Mikil mótmæli brutust út á
Nörrebro í Kaupmannahöfn á
sunnudag og handtók lögreglan
268 ungmenni í kjölfarið.
Um þúsund ungmenni
höfðu komið saman til að
mótmæla úrskurði dómstóls.
Hústökufólki hafði verið gert
að yfirgefa byggingu í miðborg
Kaupmannahafnar og afhenda
húsnæðið kristnum söfnuði
sem keypti húsið fyrir fimm
árum og hefur reynt að láta
bera fólkið út síðan án árangurs.
Þegar mótmælendur neituðu
að fylgja fyrirmælum lögreglu
leysti lögreglan hópinn upp. Þá
æstust mótmælendur og brutu
rúður í verslunum, köstuðu
steinum og flöskum að lögreglu
og kveiktu bál. Fimm mótmæl-
endanna verða ákærðir fyrir að
hafa ráðist á lögreglumann.
Áfengissala:
Drekkum
meira
Sala á áfengi jókst um rúm
27% í síðastliðnum ágústmánuði
miðað við sama mánuð í fyrra
samkvæmt samantekt Rann-
sóknaseturs verslunarinnar á
vísitölu dagvöru. Sé miðað við
júlímánuð jókst salan um 4,4%.
Skýringin á þessari hækkun
er fyrst og fremst rakin til þess
hversu seint verslunarmanna-
helgin var á ferðinni miðað við
fyrri ár. Áhrifa hennar gætti því
ekki í júlímánuði og skekkir það
allan samanburð.
Lögregla:
Alvarlega
slösuð
Ekið var á 18 ára gamla,
skoska stúlku þegar hún var að
hjóla austur Kirkjugarðsstíg.
Svo virðist sem stúlkan hafi
ekið inn í hlið bíls sem kom úr
gagnstæðri átt. Hún var flutt á
slysadeild og fór beint í aðgerð
vegna höfuðáverka.
Lögreglan er að vinna í því að
ná í vandamenn hér á landi og í
Skotlandi.
Líða fyrir deilu
ríkis og sveitarfélaga
Fjöldi fatlaöra barna og
unglinga eru í vanda
vegna deilu um hver
skuli greiða fyrir þjónus-
tuna og hversu mikiö.
Ríki og sveitarfélög deila um kostnað:
Börn og ungmenni
pikkföst í kerfinu
■ Óljós ábyrgö ■ Foreldrar langþreyttir á áhugaleysi hins opinbera.
■ Börnin og foreldrar líöa fyrir deilu ríkis og sveitarfélaga
„Ég sit uppi með það að tólf ára gömul
dóttir mín þarf að bera ábyrgð á 17
ára gömlum bróður sínum á daginn,“
sagði Hrafnhildur Kjartansdóttir
flugfreyja í samtali við Blaðið í síð-
ustu viku.
Hrafnhildur glímir, ásamt
mörgum öðrum foreldrum fatl-
aðra barna og ungmenna, við
þann vanda að ekki er boðið upp á
lengda viðveru eftir að skóla lýkur
á daginn. Ríki og sveitarfélög virð-
ast ekki vera á eitt sátt um hvar
ábyrgðin á þessum málaflokki
hvílir og hver á að borga. Sveitar-
félögin benda á ríkið og ríkið á
sveitarfélögin. 1 millitíðinni þurfa
foreldrar að reiða sig á hvers konar
skammtímalausnir og vonast til
þess að ættingjar og vinir geti
hlaupið undir bagga með pössun.
„í þessari stöðu verður yfirleitt
annað foreldrið að minnka við sig
vinnu og jafnvel hætta,“ sagði Jar-
þrúður Þórhallsdóttir, foreldraráð-
gjafi hjá Sjónarhóli.
Vill að sveitar-
félögin taki
málið að sér
Jarþrúður Þórhalls-
dóttir, foreldraráðgjafi
hjá Sjónarhóli
Slitu sig frá verkefninu
Vandamálið er tvískipt og snýr ann-
ars vegar að fötluðum ungmennum á
aldrinum 16 til 20 ára og hins vegar
að fötluðum börnum á aldrinum 10
til 16 ára. Svæðisskrifstofa Reykja-
ness hóf árið 2001 að bjóða upp á
lengda viðveru fyrir fötluð ungmenni
á framhaldsskólaaldri. Þetta var til-
raunaverkefni sem Svæðisskrifstofan
hélt utan um í samvinnu við sveitar-
félögin og aðrar svæðisskrifstofur á
suðvesturhorninu.
Sveitarfélögin greiddu fyrir sína
einstaklinga með þeirri undantekn-
ingu að Reykjavík tók ekki þátt í
kostnaði vegna verkefnisins. í því til-
viki var það ríkið sem greiddi.
Vísa alllr hver á
annan og englnn
tekurábyrgð
Hrafnhildur
Kjartansdóttir, móðir
fatlaðs drengs
Verkefnið hélst óbreytt fram á sið-
asta vor en þá ákvað Svæðisskrifstofa
Reykjaness að slíta sig frá því og var
aðstöðunni í Miðbergi í Breiðholti
lokað. Töldu menn þar í ljósi breyttra
áherslna og aukinna umsókna rétt-
ara að verkefnið yrði eftirlátið sveit-
arfélögum. Var meðal annars bent
á að um tómstundaþjónustu væri að
ræða sem undir eðlilegum kringum-
stæðum heyrði undir sveitarfélög en
ekki ríki.
I kjölfarið var erindi sent til borg-
aryfirvalda og sveitarfélaga þar sem
þess var óskað að þau tækju verkefnið
að sér. Málið hefur nú beðið umfjöll-
unar hjá velferðarsviði Reykjavíkur-
borgar í fjóra mánuði en engin niður-
staða liggur fyrir. Um 20 ungmenni
fá því hvergi inni eftir að skóla lýkur.
Sigríður Jónsdóttir, staðgengill sviðs-
stjóra velferðarsviðs, sagði í samtali
við Blaðið að málið væri í skoðun og
von væri á niðurstöðu innan skamms.
„Eftir að þetta erindi kom inn á borð
til mín hefur verið sett af stað ferli til
að skoða þetta. Það þarf allt að vera í
samræmi við fjárhagsáætlun og við
ætlum okkur að lenda þessu.“
Daglegar útréttingar
Á meðan fjallað er um málið hjá
Reykjavíkurborg þurfa foreldrar að
finna skammtímalausnir fyrir ung-
mennin sem flest eru ófær um sjá um
sig sjálf. Móðir fatlaðrar stúlku sem
ekki vildi koma fram undir nafni sagð-
ist vera orðin langþrey tt á aðgerða- og
skilningsleysi yfirvalda. Margoft
hafi hún leitað svara hjá borgaryfir-
völdum en alltaf komið að lokuðum
dyrum. Sjálf vinnur hún til klukkan
fimm á daginn en stúlkan lýkur skóla
upp úr hádegi. Því þarf hún nánast
Bill Clinton svarar fyrir sig:
Fyrirskipaði aftöku bin Ladens
Bill Clinton, fyrrverandi forseti
Bandaríkjanna, svaraði gagnrýnis-
röddum úr röðum repúblikana í við-
tali við Fox-sjónvarpsstöðina. Hann
sagðist hafa gert meira til þess að
handsama og drepa Osama bin La-
den, leiðtoga Al-Kaeda-hryðjuverka-
netsins, en allir stjórnmálamenn á
hægri vængnum til samans.
Ciinton hefur sætt töluverðri
gagnrýni fyrir að hafa ekki brugðist
við af nægri festu við hættunni sem
stafaði af bin Laden og Al-Kaeda
í forsetatíð sinni. Clinton sagðist
hafa skipað bandarísku leyniþjón-
ustunni, CIA, að drepa bin Laden
eftir að Al-Kaeda gerði sprengju-
árás á herskipið USS Cole árið 2000
og steypa stjórn talibana af stalli.
Hinsvegar hafi leyniþjónustan
ekki framfylgt skipuninni þar sem
Bandaríkjamenn gátu ekki fengið
hernaðaraðstöðu I Úsbekistan og
CIA og Alríkislögreglan gátu ekki
Á ferð á flugi Sór af sér aögeröa-
leysi gagnvart Al-Kaeda.
sannað að bin Laden stæði að baki
árásinni.
Fréttamaðurinn Chris Wallace
tók viðtalið við Clinton en forsendur
þess voru að forsetinn fyrrverandi
myndi ræða um umhverfisverndun-
armál. Clinton brást hinn versti við
þegar fréttamaðurinn tók að spyrja
hann um hvers vegna hann gerði
ekki meira til þess að berjast gegn
Al-Kaeda í forsetatíð sinni. í við-
talinu sakaði Clinton Wallace um
að vera útsendara repúblikana og
ganga erinda þeirra.