blaðið - 18.10.2006, Blaðsíða 8

8 MIÐVIKUDAGUR 17. OKTÓBER 2006
blaðið
Náðu 300 milljónum
Samkvæmt útreikningum yfirvalda i Bandaríkj-
unum náði íbúafjöldi landsins 300 milljónum um
hádegisbilið í gær. Fyrir þrjátíu og níu árum voru
íbúar 200 milljónir. Utreikningarnir byggjast á
fæðingar- og dánartíðni og á fjölda innflytjenda.
ÍTALÍA
Mannskætt lestarslys
Einn lést og um hundrað slösuðust, þar á meðal
tíu alvarlega, þegar neðanjarðarlest rakst aftan á
aðra kyrrstæða lest í Róm í gærmorgun. Að sögn
heimilda virti ökumaður lestarinnar ekki stöðvun-
armerki þegar hún kom aö lestarstöðinni.
Forseti náðar tilræðismenn
Saparmurat Niyazov, forseti og einráður í Túrkmenistan, lýsti því
yfir í gær að hann hafi náðað átta menn sem reyndu að myrða hann
fyrir fjórum árum. Niyazov, eða „faðir allra Túrkmena’’ eins og hann
kýs að kalla sig, hefur náðað tugi þúsunda sakamanna á valdaferli
sínum og segir hann það til marks um ást sína á þegnum landsins.
Slysatilkynningum í stóriðnaði fækkar stórlega:
Slasaðir látnir vinna
■ Helmingsfækkun tilkynninga ■ Samkeppni um lægstu slysatíðni BOrð gegn orði hjá Norðuráli
Slasaðir starfsmenn Starismenn álfyrirtækjanna kvarta yfirþvíað þurfa að
mæta til vinnu þrátt fyrir slys eða veikindi.
Svíþjóð:
Enn einn
í vanda
Anders Borg, fjármálaráð-
herra Svíþjóðar, hefur í fjölda
ára greitt ungum stúlkum fyrir
að passa börn sín án þess að
greiðslurnar hafi verið gefnar
upp til skatts. Ein stúlkan hefur
nú stigið fram og sagt að hún
hafi gætt barna Borgs tvisvar í
viku, stundum oftar, á tveggja
ára tímabili. Greiðslur fyrir störf
á heimili þarf ekki að gefa upp
til skatts séu þær minni en tíu
þúsund sænskar krónur á ári.
Stúlkan segist hins vegar hafa
fengið á milli þrettán og fimm-
tán þúsund krónur á ári. Borg
hafði áður sagt að hann hafi
reykt marijúana.
Ný ríkisstjórn í Svíþjóð tók
við þann 6. október og hafa tveir
ráðherrar þegar sagt af sér vegna
skattsvika og fyrir að hafa ekki
greitt afnotagjöld að sænska
ríkissjónvarpinu.
Eftir Trausta Hafsteinsson
traustiOþladid.net
„Tilkynningum um slys til okkar
hefur fækkað í gegnum tíðina á
meðan stóriðnaðurinn hefur vaxið
gríðarlega. Tíðni vinnuslysa í
þessum geira er ekki há miðað við
önnur störf,“ segir Kristinn Tómas-
son, yfirlæknir Vinnueftirlits rík-
isins. Á síðastliðnum árum hefur
slysatilkynningum i stóriðnaði til
Vinnueftirlitsins fækkað um ríflega
helming. Starfsmenn úr áliðnaði eru
óánægðir með að þeir séú neyddir til
að mæta til vinnu þrátt fyrir meiðsli
eða veikindi.
Hafsteinn R. Gunnarsson, trún-
aðarmaður starfsmanna Norðuráls,
kannast við þessa umræðu en segist
ekki hafa orðið var við slík tilvik. „Sá
orðrómur gengur meðal almennra
starfsmanna að þeir sem slasast séu
neyddir til vinnu. Yfirmenn fyrirtæk-
isins sverja þetta allt af sér og maður
veit ekki hverju maður á að trúa. Hér
stendur orð gegn orði,“ segir Haf-
steinn. „Mikil samkeppni í áliðnað-
inum hefur leitt til samkeppni um
lægstu slysatíðni.
Gylfi Ingvarsson, trúnaðarmaður
starfsmanna Alcan, tekur undir orð
Hafsteins. „Fyrirtækið leggur mjög
hart að þeim starfsmönnum sem
lenda í slysum að mæta samt í vinnu.
Þannig hefur slysum ekki fækkað
heldur aðeins skráðum tilvikum,“
segir Gylfi.
Settir í léttari störf
Hafsteinn bendir á að þeir sem slas-
ast séu settir í léttari störf hjá fyrirtæk-
inu og almennt sé stefna fyrirtækis-
ins að koma í veg fyrir að starfsmenn
séu fjarverandi. „Starfsmönnum er
boðið út að borða og veitt verðlaun
ef lítið er um fjarvistir. Ef einhver
er fjarverandi á vinnustaðnum þá
eru felldir niður bónusar allra starfs-
manna. Við höfum lengi barist gegn
þessu kerfi,“ segir Hafsteinn.
Ragnar Guðmundsson,
framkvæmdastjóriviðskiptaþróunar
og fjármálasviðs Norðuráls, segir
fyrirtækið vinna markvisst í því að
fækka slysum.
„Árangur eftir markvisst starf í að
fækka slysum hefur verið að skila sér
undanfarin ár. Eftir ráðningar á nýju
starfsfólki síðustu tvö ár samfara
aukinni starfsemi hefur tíðnin
aukist aftur en við munum bregðast
við því með markvissri þjálfun
starfsmanna og stjórnenda,” segir
Ragnar. „Sem betur fer hefur verið
um að ræða minniháttar óhöpp og
hefur í nokkrumtilfellum verið reynt
að finna starfsmönnum önnur störf
innan fyrirtækisins tímabundið.
Við tökum ekki þátt í samkeppni
fyrirtækja um slysatíðni, heldur
leggjum okkur fram um að tilkynna
Vinnueftirliti ríksins um öll tilvik
sem upplýsa ber um.
Jákvætt að fólk fái að vinna
Aðspurður segir Kristinn það já-
kvæða þróun ef fyrirtæki gera fólki
kleift að mæta áfram til starfa þrátt
fyrir veikindi eða meiðsl. „I eðli sínu
er ekki slæmt að fólk mæti í vinnu
þrátt fyrir slys eða veikindi, ef fyrir-
tækið lagar aðstæður að því að hægt
sé að vinna áfram. Frí í vinnu á ekki
að bjóðast nema einstaklingur sé
ófær til vinnu,“ segir Kristinn.

Nýtt
How to Look Good Naked
Geta allar konur litiö vel út naktar? Fylgstu meö Susan í kvöld kl. 22.00 á SKJÁEINUM
SKJÁRE/WA/ næst í gegnum Skjáinn og Digital ísland