blaðið - 04.11.2006, Blaðsíða 14

blaðið
milljóna lán
Þú sparar
milljónir
í vexti og verðbætur með því að stytta lánstímann um 15 ár
í Veltukerfi spara.is (Miðað við 4,9% vexti og 4% verðbólgu)
Byrjaðu að spara strax!
Næstu námskeið 7 & 14 nóvember
i

iiini
^ o ,
Úr mínus í Plús
Námskeiöið sem hefur hjálpað fjölda fólks við að rétta
fjármál heimilisins við á skömmum tíma.
Þú átt nóg af peningum og Ingólfur H. Ingólfsson
Félagsfræðingur ætlar að hjálpa þér að finna þá.
Á námskeiðinu lærir þú að:
•greiða niður skuldir á skömmum tíma
•hafa gaman af því að eyða peningum
•spara og byggja upp sjóði og eignir
Næstu námskeið
7. & 14. nóvember
Takmarkað sætaframboð
Verö: 9.000-
Skráning í síma:
587-2580
spara.is ogá
www.spara.is
14 LAUGARDAGUR 4. NÓVEMBER 2006
íslenskur matur í banda-
rískum lúxusverslunum
Stendur íslenskur landbúnaður í
svipuðum sporum nú og sjávarútveg-
urinn þegar honum var að opnast
leið inn á markaði í Bandaríkjunum
fyrr á árum? Sókn sjávarútvegsins
inn á Bandaríkjamarkað lyfti grettis-
taki í lífskjörum á íslandi, margfald-
aði virði íslenskrar framleiðslu, lagði
grunn að þeirri útflutningsverslun
sem skapað hefur þjóðinni mikla
velsæld á undanförnum áratugum.
Dýravernd og hreinleiki í öndvegi
Þessari spurningu velti ég fyrir
mér eftir að hafa verið á ferð í Banda-
ríkjunum á dögunum. Þar var ég
sem landbúnaðarráðherra að fylgj-
ast með markaðsherferð íslenskra
landbúnaðarvara. Verkefnið Áform
hefur náð merkum samningum við
verslanakeðjuna Whole Foods, sem
rekur 185 verslanir víðs vegar þar í
landi. Whole Foods eru einhverjar
glæsilegustu matvöruverslanir í
viðri veröld. Gerðar eru miklar
kröfur til allra þeirra matvæla sem
þar eru seldar. Hvaðan sem mat-
vælin koma þurfa þau að uppfylla
ákveðna staðla um dýravernd, hrein-
leika náttúru og aðra framleiðslu-
hætti. Aðeins eru seldar vörur sem
framleiddar eru á búum þar sem fjöl-
skyldubúskapur er stundaður. Þetta
eru lúxusverslanir, fyrst og fremst
sóttar af bandarískri miðstétt, efn-
uðu vel menntuðu fólki, sem vill
ekki verksmiðjuframleiddan mat
með gervi- og litarefnum heldur
hreina vöru sem eykur þvi heil-
brigði og þrótt eins og íslenskar land-
búnaðarvörur gera. Áform undir
stjórn Baldvins Jónssonar hafa náð
miklum árangri í þessu samstarfi
við Whole Foods. Með hverju árinu
vex áhugi Bandaríkjamanna á Is-
landi og afurðum íslenskra bænda.
Af hverju er smjörið gult?
Ég kom í eina af verslunum
Whole Foods á sunnudegi þegar
þar stóðu yfir Islandsdagar. Það var
lambakjötslykt í loftinu og okkar
þjóðfrægi kokkur Siggi Hall dró
að sér viðskiptavini og gaf þeim að
smakka lambakjötið, sem fólkið dá-
samaði, og valdi síðan úr borðinu á
eftir. Ekki var síður ánægjulegt að
sjá íslenskar mjólkurvörur og súkku-
laði í fyrirrúmi í þessum versl-
unum og stórkostlegt að fylgjast
með viðbrögðum bandarískra neyt-
enda við íslenska smjörinu. Banda-
ríkjamenn hafa aldrei fyrr séð svo
Ég er ákaflega
bjartsýnn á
framtíð þessa
starfs
Umrœðan
Guðni Ágústsson
gult smjör og vildu vita hvort í því
væri litarefni. Siggi Hall útskýrði
fyrir fólki að guli liturinn kemur
af því að íslenska kýrin gengur
úti og bítur gras á sumrin en étur
mikið hey yfir veturinn, sem er fá-
títt í nútímamjólkurframleiðslu.
Grasið og heyið gefur kúnum ka-
rótín A-vítamín og það efni gefur
smjörinu gula litinn. Ég heyrði
viðskiptavini segja þetta smjör það
fallegasta sem þeir hefðu séð og að
það væri einstaklega gott í bakstur.
Margir Bandaríkjamenn geta nú
borið fram orðið skyr á lýtalausri ís-
lensku enda hafa margir viðskipta-
vinir Whole Foods tekið ástfóstri
við skyrið sem megrunar- og holl-
ustufæði, það er ýmist selt í dósum
eða í lausu máli í sælkeraborði
verslananna. Hér á íslandi kostar
lítil skyrdós um 80 krónur en hjá
Whole Foods fást um 200 krónur
fyrir skyrdósina. Þennan dag var
líka í verslun þessari bandarískur
ostameistari að kynna ostana
Dímon og Höfðingja og var einkum
hrifinn af þeim báðum sem hann
segir einhverja þá bestu sælkera-
osta sem hann hafi smakkað.
ímynd íslands verði nátengd
gæðum og hreinleika
Eftir þessa heimsókn vestur um
haf er ég sannfærðari en nokkru
sinni um að íslendingar eiga mikla
möguleika á að selja afurðir sínar
í verslunum Whole Foods um leið
og vakinn er áhugi fólks fyrir því
að ferðast til landsins fagra í norðri.
Þarna hefur gott starf verið unnið
og miklir möguleikar eru enn
ónýttir á að gera veg íslenskra af-
urða og ferðaþjónustu sem mestan á
markaði fyrir lúxusafurðir í Banda-
ríkjunum. Ef okkur tekst að vinna
á þann veg að ímynd Islands verði
nátengd gæðum og hreinleika á
öllum sviðum er ég ekki í vafa um
að við munum uppskera árangur á
flestum sviðum okkar atvinnulífs.
Ég er ákaflega bjartsýnn á framtíð
þessa starfs. Ég sé fyrir mér að það
muni bera þann ávöxt að byggðirnar
í landinu og íslenskur landbúnaður
standi á styrkari stoðum en áður.
Ánægjulegast af öllu er þó sú mikla
hrifning sem íslenskur landbún-
aður og starfsaðferðir bænda njóta.
Lömb sem fæðast og þroskast í frelsi
undir sól og regni; mjólk úr kúm
sem bíta gras og eru náttúrulega
öðruyísi en risakýrin í verksmiðju-
fjósinu; bændur sem af umhyggju
þekkja hvern grip og beita alúð bónd-
ans sem ann landi sínu og búfé.
Höfundur er landbúnaðarráðherra.
Jafnréttisvottun - skref í rétta átt
Margt bendir til þess að jafnrétt-
isbaráttan á íslandi hafi litlu fengið
áorkað ef litið er til viðvarandi launa-
munar kynjanna. Bilið milli karla
og kvenna stendur óbreytt frá árinu
1994 , launamunur mælist enn um
16%. Nýlegar fréttir af vettvangi
íþróttanna beina enn frekar kast-
ljósum að launamun kynjanna.
Hér þarf bersýnilega að jafna
leikinn og þó fyrr hefði verið. Það
gildir reyndar um allmargt í okkar
auðuga íslenska samfélagi, þar sem
því er haldið fram að allir hafi það
gott að meðaltali en við vitum sem
er að það hallar í vaxandi mæli á þá
efnaminni , t.a.m. hina öldruðu og
þær ungu fjölskyldur sem berjast
Vinna þarf
bugá
launamun
kynjanna
Umrœðan
Jakob Frímann Magnússon
í bökkum við að ná endum saman
í óðaverðbólgu og verðtryggðum
heimsmetavöxtum.
Við hljótum að hafna því að konur
og karlar á íslandi hafi það aðeins
gott að meðaltali.
Ein leið til að ráða bót á viðvar-
andi launamun kynjanna gæti falist
í að veita þeim fyrirtækjum sérstaka
vottun eða viðurkenningu sem
sýnt gætu fram á að laun kvenna
væru sambærileg við laun karla að
teknu tilliti til vinnuálags og fjölda
vinnustunda.
Slík fyrirtæki gætu varðað veg-
inn til þeirra framtíðar sem okkur
er sæmandi.
Höfundur býður sig fram í 3. sæti í
opnu prófkjöri Samfylkingarinnar í
Suðvesturkjördæmi í dag.