blaðið - 14.04.2007, Blaðsíða 8

8 LAUGARDAGUR 14. APRÍL 2007
blaðið
Enga alnæmissmitaða innflytjendur
John Howard, forsætisráðherra Ástralíu, hefur sagt að
banna ætti alnæmissmituðu flóttafólki og innflytjendum
að koma til landsins. Howard var spurður út í málið í
heimsókn sinni til Viktoríu-ríkis þar sem tilfellum alnæm-
issmits hefur fjölgað mikið að undanförnu.
\mmrn
Kjarreldar í Los Angeles
Kjarreldar loga nú nærri auðmannahverfi í Los
Angeles í Kaliforní. Sterkir vindar og þurr gróður-
inn hafa gert slökkviliðsfólki erfitt um vik, en nú
hefur tekist að ná tökum á eldinum. Tæplega 200
þúsund heimili eru rafmagnslaus vegna þrunans.
Bylting í undirbúningi
Rússar hafa hvatt bresk stjórnvöld til að framselja rússneska
milljarðamæringinn Boris Berezovsky eftir að hann lét hafa
eftir sér í blaðaviðtali að hann væri að undirbúa byltingu í Rúss-
landi til að koma Vladimir Pútín Rússlandsforseta frá völdum.
Hann hefur búið í Bretlandi sem flóttamaður undanfarin ár.
Noregur:
Sjómenn
taldir af
Fimmtán ára drengur og
faðir hans eru meðal þeirra
fimm sem taldir eru af eftir að
dráttarskipið Bourbon Dolphin
hvolfdi undan ströndum Hjalt-
landseyja á fimmtudagskvöld.
Björgunarmönnum tókst að
bjarga sjö manns úr sjónum, en
lík þriggja manna hafa þegar
fúndist. Áhöfnina skipuðu fjór-
tán Norðmenn og einn Dani.
Ekki er vitað hvað hvað olli
því að skipið hvolfdi, en það
var rétt um eins árs gamalt.
Skipið var á siglingu skammt frá
olíuborpalli þegar slysið varð.
Sérstakur fundur íraksþings vegna sprengingar:
Al Qaeda lýsir yfir ábyrgð
■ Fámennt vegna ferðabanns ■ Þrír starfsmenn þingsins yfirheyrðir
Eftir Atla ísleifsson
atlii@bladid.net
Þingmenn íraksþings komu saman
til sérstaks fundar í gær þar sem
þeir fordæmdu sprengjutilræðið
inni á einni kaffistofu þinghúss-
ins á fimmtudag. Fáir þingmenn
mættu til fundarins vegna útgöngu-
banns, en þingmennirnir sögðu
tilræðið einungis sameina þá og
auka staðfestu þeirra í baráttunni
gegn hryðjuverkamönnum í land-
inu. Uppreisnarhópur í tengslum
við hryðjuverkasamtökin A1 Qaeda
lýsti yfir ábyrgð á sprengingunni í
tilkynningu sem birtist á netinu í
gær.
Einn þingmaður lést og 22 særð-
ust í árásinni, en fyrri upplýsingar
frá Bandaríkjaher hermdu að átta
hefðu látist í árásinni, þar af þrír
þingmenn. Fundur gærdagsins
hófst rúmlega klukkustund á eftir
áætlun og byrjaði Mahmoud Mash-
hadani, forseti þingsins, að lesa
kafla upp úr Kóraninum. Eftir það
fluttu nokkrir starfsbræður ræður
þar sem þeir minntust Moham-
med Awadh, þingmannsins sem
lést. Innanríkisráðherra landsins
var einn þeirra sem sótti fundinn
og sagði hann að vegna ódæðisins
sé nauðsynlegt að taka alla öryggis-
gæslu svæðisins til endurskoðunar.
Ráðuneytið hefur nú tekið yfir ör-
yggisgæslu þinghússins úr höndum
einkafyrirtækis.
Þrír starfsmenn kaffistofunnar
og nokkrir öryggisverðir eru í haldi
lögreglu og hafa verið yfirheyrðir
vegna sprengingarinnar, en hafa
ekki verið ákærðir. Lögregla telur
að sá sem kom með sprengiefnin
inn í kaffistofuna hafi látist í árás-
inni. Þinghúsið er á græna svæðinu
og ein mest varða í borginni. Sjálfs-
vígssprengjumaðurinn hefði þurft
að komast í gegnum líkamsleit á
nokkrum varðstöðvum, og stendur
rannsókn nú yfir þar sem kannáð er
hvort hann hafi fengið aðstoð við að
komast inn í sjálft þinghúsið. Leitað
er á flestum við inngang þinghúss-
ins, en ráðherrar, nokkrir embættis-
menn og lífverðir þeirra geta komist
hjá slíkum leitum. Bandarískar her-
sveitir og íraskar öryggissveitir hafa
hert öryggisgæslu verulega í kjölfar
sprengjutilræðis fimmtudagsins.
Tilkynning birtist á netinu þar
sem hópur tengdur hryðjuverkasam-
tökunum A1 Qaeda lýsir yfir ábyrgð
á sprengingunni. „Riddari ríkis
íslam komst inn á græna svæðið,
tímabundnar höfuðstöðvar músa
heiðingjaþingsins, og sprengdi þar
sjálfan sig í loft upp innan um meist-
ara heiðingjanna." Nuri al-Maliki,
forsætisráðherra íraks, hét því í gær
að þeir sem ábyrgð báru á tilræðinu
yrðu sóttir til saka.
r\ristDjorg POrisdóttir
Mosfellsbæ
Hlini Melsteð Jðngeirsson
Hafnarfirði
ólafur Ágúst Ingason
Qarðabx
Una María Óskarsdóttii
Kópavogi
Frambjóðendur í Suðvesturkjördæmi
Samúel örn Erlingsson
Kópavogi
Sív Friðleifsdóttir
Seltjarnarnesi
framsokn.is
Framsóknarflokkurinn opnar
í dag 4 kosningaskrifstofur
í Suðvesturkjördæmi.
ÍMosfellsbæ
Háholti 14, sími 896 6462.
Opnað kl. 10.30. Kaffiveitingar.
■ ÍGarðabæ
Kirkjulundi 19, sími 565 6061.
Opnað kl. 14.00. Kaffiveitingar.
■ ÍHafnarfirði
Dalshrauni 5, sími 5551819.
Opnað kl. 15.00. Kaffiveitingar.
■ ÍKópavogi
Digranesvegi 12, sími 5541300.
Opnað kl. 17.00. Léttar veitingar.
Gott tækifæri til að koma sjónarmiðum á framfæri
við frambjóðendur. Allir velkomnir.
Árangur áfram - ekkert stopp
m
2007
f) Framsókn