blaðið - 14.04.2007, Side 43

blaðið
LAUGARDAGUR 14. APRÍL 2007 43
Árlegt Stórsveitamaraþon Stórsveitar Reykjavikur
Sveifla í Ráðhúsinu
Lúðrablástur í Ráðhúsi Stórsveita-1
maraþon verður þreytt í dag.
Stórsveit Reykjavíkur
stendur fyrir árlegu
Stórsveitamaraþoni
sínu í Ráðhúsi Reykja-
víkur í dag milli kl. 14
og 17. Þetta er í ellefta
skipti sem maraþonið
er haldið og að vanda býður sveitin
til sín yngri stórsveitum úr tónlistar-
skólum landsins og leikur hver sveit
í um hálftíma. Reynsluboltarnir og
gestgjafarnir í Stórsveit Reykjavíkur
hefja leikinn á slaginu 14 og fylgja
hinar sveitirnar fimm í kjölfarið.
Sigurður Flosason saxófónleikari í
Stórsveit Reykjavíkur segir að mara-
þonið sé haldið til að þjappa þeim
krökkum saman sem eru í sveitun-
um jafnframt því að efla þessa starf-
semi og vekja athygli á henni.
„Okkur fannst sniðug hugmynd að
tengja saman þessa ungu krakka á
mismunandi aldri sem eru í þessum
skólaböndum. Það gerum við bæði til
þess að þau heyrðu í okkur og hvert
öðru og hittu hvert annað,“ segir Sig-
urður sem telur það mjög mikilvægt
fyrir hljóðfæraleikarana ungu.
Allarfínará sinn hátt
Stórsveit Reykjavíkur er á öðru
plani en hinar sveitirnar enda skip-
uð atvinnutónlistarmönnum. Hinar
sveitirnar koma frá mismunandi
tónlistarskólum og eru hljóðfæra-
leikararnir misgamlir og komnir
mislangt í sínu námi.
„Þær eru allar fínar hver á sinn
hátt og hljóðfæraleikararnir eru
orðnir mjög góðir í þeim sem eru
lengst komnar og svo er efnilegt fólk
í þeim öllum. Maður hefur séð fólk
fara úr einni sveit upp í þá næstu
og svo er það jafnvel komið í okkar
raðir nokkrum árum síðar,“ segir
Sigurður sem mun án efa hafa auga
með ungu hæfileikafólki í dag.
Ekki hefðbundnir tónleikar
Efnisskrá Stórsveitamaraþonsins
verður fjölbreytt að sögn Sigurðar.
Miðað við reynslu fyrri ára má búast
við fjölmenni í Ráðhúsinu.
„Það er náttúrlega mikið af ungu
fólki sem er að spila og fullt af að-
standendum sem koma með því og
svo er þetta bara opið fyrir gesti og
gangandi. Þetta er ekki hugsað sem
hefðbundnir tónleikar þar sem fólk
þarf að sitja í sætinu heldur getur
fólk staðið upp og komið og farið
þegar það vill enda langar kannski
engan til að sitja stanslaust í þrjá
klukkutíma,“ segir Sigurður.
Dagskrá Stórsveitamaraþons
í Ráðhúsi Reykjavíkur:
Kl. 14:00 Stórsveit Reykjavíkur,
stjórnandi Össur Geirsson
Kl. 14:30 Stórsveit Tónlistarskóla
Reykjanesbæjar, stjórnandi Karen
Sturlaugsson
Kl. 15:00 Stórsveit Tónlistarskólans
á Seltjarnarnesi, stjórnandi Kári Ein-
arsson
Kl. 15:30 Stórsveit Tónlistarskólans
á Akureyri, Stjórnandi Edvard Fred-
riksen
Kl. 16:00 Stórsveit Tónlistarskóla
Hafnarfjarðar, stjórnandi Stefán
Ómar Jakobsson
Kl. 16:30 Stórsveit Tónlistarskóla
FÍH, stjórnandi Edvard Fredriksen
UM HELGINA
Djass í Landnámssetri
Tríó Reynis Sigurðssonar flytur
djassskotnar útsetningar á
lögum eftir innlend og erlend
tónskáld í Landnámssetrinu í
Borgarnesi á morgun, sunnudag,
kl. 20:30. Auk Reynis sem spilar
á víbrafón skipa þeir Jón Páll
Bjarnason gítarleikari og Gunnar
Hrafnsson bassaleikari tríóið.
Gleðisveitir á Akureyri
Hljómsveitirnar Ljótu hálfvitarnir,
Hundur í óskilum og Túpílak-
arnir troða
upp á Græna
hattinum á Ak-
ureyri í kvöld.
Búast má við
gríni og glensi
enda sveit-
irnar ekki þekktar fyrir annað.
Skemmtunin hefst kl. 22 og er
miðaverð 1500 krónur.
Útgáfugleði Skáta
Hljómsveitin Skátar fagnar
útgáfu nýjustu plötu sinnar á
Barnum í kvöld kl. 20. Hljóm-
sveitin mun þó ekki sjálf koma
fram heldur munu vinasveitir
hennar Jan Mayen og Reykjavík!
spila lög hennar í útgáfugleðinni.
Aðgangur er ókeypis.

Adria-hjólhýsi
Gæði, þægindi og sniðugar lausnir
einkenna þessi glæsilegu hjóthýsi.
Öll með Alde vatns- og
miðstöðvarhitun. Mest seldu
hjólhýsi á Norðurlöndum.
Líttu inn að Fiskislóð 1, sýnum allt það
nýjasta ogflottasta í hjólhýsum um
helgina. Kynntu þér það sem ei að
gerast í þessum efnum og mundu að
við tökum gamta vagninn upp í nýjan.
Ellingsen
Fiskislóð 1 • Sími 580 8500
Opið mánud.-föstud. 8-18, laugard. 10-16 og sunnud. 12-16
fullt hus œvintýra
r'p&l "1
/LL! “ j
Í_lJjvC-ÍA^. j C V--|
[ ; Í ^

ŒÖlWjífet—i0 w
1} -lí 'Ol 1|| 'ÍfeJ . i w 1 ]
. ...iiwfe-. i " ■V-j 11
f§?40 u í~ =U