blaðið - 16.08.2007, Page 34

34
FIMMTUDAGUR 16. ÁGÚST 2007
blaöió
ORÐLAUSBÍÓ
ordlaus@bladid.net
Um leið og fyrsti tónn var sleginn á hverjum
tónleikum þá datt bara vindurinn niður
þannig að allar hljóðupptökur heppnuðust
vel og það rigndi ekki dropa á meðan.
Magnaðar myndir á Bíódögum
Bíódagar Græna ljóssins hófust
í Regnboganum í gær þegar heim-
ildarmyndin Sicko eftir Michael
Moore var frumsýnd. Hátíðin
stendur í tvær vikur og verða 18
nýjar kvikmyndir frumsýndar.
Myndunum verður skipt í
þrjá flokka; heimurinn, heimild-
armyndir og miðnætti. I heims-
flokknum eru óháðar myndir frá
öllum heimshornum. Heimild-
armyndaflokkurinn skýrir sig
sjálfur en í miðnæturflokknum eru
myndirnar ögrandi, umdeildar og
ekki fyrir viðkvæma. Blaðið bendir
á fjórar áhugaverðar myndir sem
sýndar verða á Bídögum.
1
Sicko Hinn afar æsti
kvikmyndagerðarmaður, Mi-
chael Moore er þekktastur fyrir
heimildarmyndirnar Bowling for
Columbine og Fahrenheit 9/11, en
sú síðarnefnda er aðsóknarmesta
heimildarmynd allra tíma. í
Sicko varpar Moore ljósi á stór-
kostlega galla í bandaríska heil-
brigðiskerfinu í samanburði við
Evrópu og meira að segja Kúbu.
Fuck Orðið sem allir eru byrjaðir
að nota og Danir eiga örugglega
eftir að taka inn í orðabók á næst-
unni. Heimildarmyndin fjallar
um uppruna og áhrif orðsins
„Fuck“ og áhrif þess á samfélagið.
f myndinni er sagt frá ástæðu
þess að orðið er móðgandi í
eyrum margra og sýnt hvaða
gagn má hafa af notkun þess.
Hvað svo sem það þýðir.
2
3
Zoo Maður í Seattle lést árið 2005
eftir náin kynni við hest. í Zoo
er atvikið rannsakað og kvik-
myndagerðarmennirnir komast
að því að til eru heilu hóparnir
sem stunda slíkt athæfi í Banda-
ríkjunum. Gagnrýnandi Variety
var gjörsamlega agndofa yfir
myndinni og segir að þeir sem
vilja ódýra skemmtun verði að
leita annað.
The Bridge Leikstjórinn Eric
Steel fylgdist með Golden Gate-
brúnni í San Francisco í leyni
allt árið 2004. Áður en yfir lauk
hafði hann fest á filmu yfir 30
sjálfsmorð og náð að koma í veg
fyrir nokkur - þegar hann gat
það. f myndinni eru tekin viðtöl
við ættingja og vini hinna látnu
í viðleitni til að skilja hvað rak
fólkið fram af brúnni.
4
Leo fær frið
Leonardo DiCaprio segir að papa-
rassar hafi misst áhuga á honum
eftir að hann fór að beita sér af
fullum krafti í baráttunni gegn
hlýnun jarðar. „Ég held að þeir
hafi svo lítinn áhuga á málefninu
að þeim leiðist hreinlega að sjá
mig og nenni þess vegna ekki að
taka af mér myndir lengur." Leik-
arinn lauk nýlega við gerð heim-
ildarmyndarinnar nth Hour
en myndin fjallar um nayðsyn
þess að jarðarbúar taki höndum
saman og bregðist við þeirri ógn
sem jörðinni stafar af gróðurhúsa-
áhrifunum. „Þetta er líklega eina
leiðin til þess að fá frið. Það er að
verða svolítið málefnalegur."
Sudurlandsbraut 32 • 577 5775
Lækjargata 8 • 577 5774 • Nybylavogur 32-577 5773
Mjög fínir leðursandalar með
innleggjum í stœrðum 41-46 á
kr. 7.550,-
Einlitir góðir leðursandalar með
innleggjum í stœrðum 41-46 á
kr. 7.550,-
Misty, Laugavegi 178
Sími 551 2070
Góð þjónusta - fagleg ráðgjöf
Heimildarmyndin Sigur Rós - heima verður frumsýnd í september
Almættið með í liði
Á síðasta ári hélt Sigur
Rós sjö tónleika um allt
land. Heimildarmynd um
tónleikana er að verða
tilbúin.
Eftir Atla Fannar Bjarkason
atli@bladid.net
„Undanfari myndarinnar er sá
að Sigur Rós hafði lengi dreymt
um að halda tónleika í Ásbyrgi
og lét létt á það reyna í nokkur
skipti. í kringum það spratt upp
sú hugmynd að það væri gaman að
kvikmynda þá tónleika til útgáfu
svo við leituðum til True North til
að halda utan um framleiðsluna,“
segir Kári Sturluson tónleikahald-
ari, en hann vann náið með hljóm-
sveitinni Sigur Rós að tónleikaferð
sveitarinnar um landið á síðasta ári.
Alls spilaði sveitin á sjö tón-
leikum um allt land og var ferðin
kvikmynduð í bak og fyrir. Af því
spratt heimildarmyndin Sigur Rós
- heima sem verður heimsfrumsýnd
á Alþjóðlegu kvikmyndahátíðinni
i Reykjavík, fimmtudaginn 27.
september.
35.000 manns mættu
„Á tveggja vikna tímabili héldum
við ferna útitónleika. Um leið og
fyrsti tónn var sleginn á hverjum
tónleikum þá datt bara vindurinn
niður þannig að allar hljóðupp-
tökur heppnuðust vel og það rigndi
ekki dropa á meðan,“ segir Kári og
tekur fram að þetta var um sumar
á íslandi. „Það er frekar ljóst að
almættið var með okkur í liði.“
Sigur Rós kom fram í Ólafsvík,
Isafirði, Djúpuvík, Hálsi í Öxnadal,
Reykjavík, Snæfelli við Kárahnjúka,
í Ásbyrgi Sigur Rós spilaði á sjö
tónleikum víða um land síðasta sumar.
Blðóið/bther ir,j
SIGURRÓS
► Sigur Rós sló í gegn um all-
an heim með breiðskífunni
Ágætis byrjun.
W. Sveitin hefur síðan gefið út
^ tvær breiðskífur, () og Takk.
Seyðisfirði og Ásbyrgi. Talið er að
um 35.000 manns hafi mætt á tón-
leikana sjö.
Sýnd um allan heim
Kári segir að fá vandamál hafi
komið upp á tónleikunum sjö og
að stress-augnablikin hafi verið fá.
„Það var eitt stress-móment þegar
við héldum tónleikana á Hálsi í
Öxnadal. Tónleikarnir voru úti á
stóru túni og það var þungskýjað
yfir svæðinu. Við vorum með tjald
með okkur, til öryggis. Við vorum
með það tilbúið til að henda yfir
sviðið ef eitthvað skyldi gerast. En
svo æxlaðist það þannig að klukku-
tíma fyrir tónleikana myndaðist
hringur fyrir ofan svæðið. Það voru
engin ský nema alls staðar í kring.'
Sigur Rós - heima fer í
almennar sýningar á íslandi 5. okt-
óber. „Við vonumst að sjálfsögðu
til þess að þeir 35.000 sem mættu á
tónleikana mæti í bíó,“ segir Kári.
„Myndin fer á ýmsar kvikmynda-
hátíðir um allan heim. Hún verður
frumsýnd í London í lok október
og svo koma herlegheitin út á DVD
einhverju síðar.“
Kári segir myndina eiga greiða
leið á stóru kvikmyndahátíðirnar
úti í heimi vegna velgengni Sigur
Rósarumallanheim. „Ibyrjun
næsta árs fer myndin á allar stóru
hátíðirnar eins og
Sundance, Can-
nes, Toronto.
Það er verið
að vinna í
því að koma
henni á sem
flestar hátíðir."
Til heiðurs
The Dude
Kvikmyndahátíð í
Edinborg er helguð
The Big Lebowski
Þúsundir aðdáenda kvikmyndar-
innar The Big Lebowski halda til Ed-
inborgar í næstu viku á hina árlegu
Lebowski Festival. Á hátíðina mæta
gestir á baðsloppnum einum klæða,
spila keilu með drykkinn White
Russian í annarri hendi og gera The
Dude, aðalpersónu myndarinnar,
hátt undir höfði en hann var leik-
inn af Jeff Bridges í myndinni sem
er frá 1998.
Gaurinn er nútímahetja
Nú er svo komið að margir telja
The Big Lebowski til svokallaðra
költmynda og ganga sumir svo langt
að segja aðalpersónuna vera nútíma-
hetju sem sé sjálfri sér samkvæm í
neyslusamfélagi á tímum græðgi og
átaka og því beri að fagna.
Vinsældir myndarinnar hafa auk-
ist jafnt og þétt undanfarin ár og eru
haldnar árlegar hátíðir vestanhafs
og í Bretlandi. Fyrsta Lebowski-festi-
valið var haldið í keilusal í Kentucky
árið 2002, en þangað mættu 150
manns. Ári seinna setti timaritið
SPIN hátíðina í flokk þeirra atburða
sem nauðsynlegt væri að upplifa
og jókst hróður hennar talsvert við
það.
Nánari upplýsingar er að finna á
www.lebowskifest.com.
íslensk hönnun á Laugaveginum
Starkillerí Kjörgarði
Á laugardaginn munu þær Harpa Einarsdóttir
fatahönnuður og Selma Ragnarsdóttir klæðskeri
opna verslun á þriðju hæð í Kjörgarði að Lauga-
vegi 59, en þær hanna fatnað undir merkinu
Starkiller. „Við munum vera með verslun en
vinnustofurnar okkar koma einnig til með að
vera þarna,“ segir Harpa. „Það sem við erum að
selja eru eiginlega svolítið avant garde-föt sem
eru blanda af fínum og hversdagslegum flíkum.
Það má eiginlega segja að þetta sé blanda af
verslununum Nakta apanum og Kron Kron.“
Aðspurð um það á hverju beri mest í haustlinu
Starkiller segir Harpa svarta og hvíta liti vera
áberandi. „Við notum mikið svartan, hvítan og
silfurlitan og notum sterka liti eins og bleikan
og grænan með. Þetta eru allar gerðir af flíkum
sem við erum að hanna, peysur, kjólar, jakkar og
bolir, þannig að það er ágætis úrval.“
Að sögn Hörpu stendur ekki til að selja önnur
merki eins og er. „Búðin er pínulítil og er í raun
eins og showroom. En við leggjum áherslu á
að fólk geti komið til okkar og bæði keypt og
sérpantað föt frá okkur sem eru þá sérstaklega
saumuð fyrir viðkomandi. Versluninni svipar
þannig til Júníforms sem fatahönnuðurinn Birta
Björnsdóttir rekur.“
hilda@bladld.net
Harpa Einarsdóttir fatahönnuður Opnar verslun
á Laugavegi ásamt Selmu Ragnarsdóttur klæðskera.