Bændablaðið - 25.02.2010, Blaðsíða 14

14 Bændablaðið | fimmtudagur 25. febrúar 2010
ÞEGAR BENSÍNIÐ er nýdottið í 200
krónur lítrinn er ekkert eðlilegra en
að maður fari að líta í kring um sig
eftir sparneytnum bíl.
Suzuki bílar hf. í Skeifunni 17
hafa verið duglegir að auglýsa með
rödd Sveppa að Suzuki sé skyn-
samlegur kostur. Ég fór í umboðið
og hugðist reyna að fá smájeppa til
að prufukeyra, en ég greip í tómt.
Því miður allir uppseldir í augna-
blikinu, sagði Þorbergur sölustjóri,
en bauð mér að prufa sannkallaðan
smábíl.
Ég tók í stuttan reynsluakstur
Suzuki Splash, sem er með aðeins
1000 rúmsentimetra vél og bein-
skiptur. Fyrirfram gefnar hug-
myndir mínar um bílinn reyndust
í flestum atriðum rangar miðað við
það sem kom í ljós við prufuakst-
urinn. Ég hugðist troða mér inn í
bílinn, en þess þurfti ekki því að í
honum er ótrúlegt pláss og mikið
rými fyrir ökumann og farþega.
Útsýni úr bílstjórasætinu er hreint
frábært því það er nánast ekkert
sem skyggir á. Ég rak augun í bíla-
stæðaklukku hægra megin í fram-
rúðunni og hefur þessi bíll vottun
upp á að menga svo lítið að hann
hefur leyfi til að vera í bílastæðum
miðborgar Reykjavíkur í allt að tvo
tíma án þess að greitt sé fyrir.
Þá var bara að gangsetja þenn-
an 1000cc mótor, sem á að skila 65
hestöflum. Þegar ég var að kynnast
bílnum á fyrstu metrunum fundust
mér þessi 65 hestöfl vera ansi lítil
og bíllinn latur af stað, en þegar
ég var kominn á Miklubrautina og
hraðinn orðinn meiri en 50 km á
klst. urðu þessi hestöfl ótrúlega stór
og virkuðu vel. Eftir innkaupaferð í
Bónus með fjölskyldunni sá ég að
farangursrýmið er ekki nema fyrir
rúmlega 4 innkaupapoka, en með
tæknilegu hugviti er pláss fyrir
meira og ef ekki eru farþegar aftur
í bílnum er hægt að leggja aftur-
sætin niður og þá myndast ótrúlega
mikið pláss. Ég ákvað að renna í
Straumsvík og til baka, svona rétt
til að finna hvernig bíllinn væri á
90 km hraða á Reykjanesbrautinni.
Þegar ég var þvert á álverið í
Straumsvík á 90 sagði eyðslumæl-
irinn í bílnum að bíllinn væri að
eyða aðeins 4,7 lítrum á hundr-
aðið. Ég beygði að listamiðstöð-
inni við Straum og ók malarveginn
að Óttarsstöðum. Á malarveginum
kom bíllinn mér verulega á óvart,
en flestir bílar sem eru svona stutt-
ir eru ekkert sérstaklega skemmti-
legir á möl og oft lausir að aftan,
en Splash var hreinlega límdur við
veginn og minnti þetta mig á orð
eins rallíkappa sem sagði rallíbílinn
sinn vera svo góðan á lausri möl að
hann væri eins og tyggjó í teppi.
Þó tel ég að sniðugt væri að vera
með aurhlífar að framan, sem tækju
megnið af smásteinunum, en eins
og bíllinn er núna heyrist töluvert
inn í hann þegar smágrjótið smellur
upp undir bílinn.
Á leiðinni heim leit ég aftur á
eyðslumælinn þegar ég ók fram hjá
álverinu, en nú var örlítill mótvind-
ur og sýndi eyðslumælirinn mér að
ég væri að eyða 4,7 til 4,9 á hundr-
aðið.
Eftir reynsluaksturinn tók ég
saman meðaltal úr aksturstölvunni
í bílnum og var niðurstaðan að ég
hafði eytt að meðaltali 7,2 lítrum á
hundraðið og megnið af akstrinum
var innanbæjarsnatt, en í sölubækl-
ingi er sagt að meðaleyðsla sé 5
lítrar á hundraðið. Ekki ætla ég að
rengja það, en á köldum vetrardegi
er ekki óeðlilegt að sú eyðsla auk-
ist um allt að 30%. Verðið á bein-
skiptum 1000cc Suzuki Splash er
2.490.000, einnig er boðið upp á
sjálfskiptan 1200cc Splash með 86
hestafla 16 ventla vél og er verðið á
honum 2.780.000.
Tól og tæki
Hjörtur skoðar
sparneytinn smábíl
Frá Frumkvöðla- og tækniþróunarsetrinu
á Hvanneyri
Vantar þig pening?
LANGFLESTIR SEM hafa samband við Sprota, frumkvöðla- og tækniþró-
unarsetrið á Hvanneyri, eru frumkvöðlar í eðli sínu og hafa einhverja
áhugaverða viðskiptahugmynd og/eða hugmynd að tækniþróun sem
hentar fyrir íslenskar aðstæður. En ert þú frumkvöðull? Þetta er að
mörgu leyti frekar erfið spurning og því er þarft að útskýra hvað í því
felst að kallast frumkvöðull. Í raun er það svo að frumkvöðull er ein-
faldlega sá sem t.d. stofnar fyrirtæki til þess að hrinda í framkvæmd
viðskiptahugmynd. Sá aðili þarf ekki aðeins að vera tilbúinn til þess að
taka fjárhagslega áhættu, heldur einnig að vera tilbúinn að fórna tíma
sínum fyrir hugmyndina. Reynslan sýnir að frumkvöðull getur þurft
að verja þónokkrum tíma í uppbyggingu á sprotafyrirtæki sínu og taka
þar með fjárhagslega áhættu í leiðinni til þess að uppskera, en takist að
komast yfir þann þröskuld er málið oftast í afar góðum farvegi.
Frumkvöðlar geta náð sér í fjármagn mjög víða, en til þess að fjár-
sterkir aðilar séu tilbúnir að leggja fram fé til hugmyndar, t.d. lán
eða hlutafé (þ.e. ekki styrki), þarf viðskiptahugmyndin oftast að vera
komin í framkvæmd að einhverju leyti. Það getur hinsvegar reynst
nokkuð torvelt að brúa bilið frá fæðingu hugmyndar að upphafi fram-
leiðslu og þar koma frumkvöðlasetrin að góðum notum og létta veru-
lega allt ferlið. Á frumkvöðlasetrum fæst fagleg aðstoð, aðstoð við það
að sækja um styrki, sækja um upphafslán o.s.frv.
Ef þú lumar á viðskiptahugmynd eða langar að gera eitthvað nýtt
og spennandi gæti starfsemi frumkvöðlasetra því hentað þér. Þú þarft
enga sérstaka menntun til þess að sækja um aðstoð, eingöngu hugmynd
að verkefni. Ótrúlega margir luma á góðum hugmyndum og fram-
tíðarsýn, en oft vantar bara hvatningu til að láta hugmyndina verða
að veruleika. Í faglegu umhverfi er þetta mun auðveldara, en það er
einmitt markmið frumkvöðlasetra Nýsköpunarmiðstöðvar Íslands, þ.e.
að skapa frumkvöðlum þekkingarumhverfi, aðstöðu og umgjörð til að
vinna að nýsköpun sinni og veita þeim faglega þjónustu og stuðning
við framgang hugmynda sinna.
Ef þú ert með hugmynd í maganum, ekki hafa hana þar áfram!
Hafðu samband og komdu hugmyndinni í framkvæmd. Þú gætir legið
á frábæru viðskiptatækifæri sem getur gefið vel af sér fyrir þig og þína.
Frumkvöðla- og tækniþróunarsetrinu Sprota, Hvanneyri
Snorri Sigurðsson
Hjörtur L. Jónsson
hlj@bondi.is
Vélar og tæki
Endurfjármögnun byggingar
jarðgerðarstöðvar Moltu ehf. í
Eyjafirði er nú lokið með sam-
stilltu átaki eigenda fyrirtækisins
annars vegar og Íslandsbanka
og hins finnska seljanda vélbún-
aðarins hins vegar. Sveitarfélögin
í Eyjafirði eru meirihlutaeigend-
ur í Moltu og auk fulltrúa þeirra
sitja nú í stjórn fyrirtækisins full-
trúar fyrirtækjanna Norðlenska,
Tækifæris og Preseco, sem er
framleiðandi og seljandi vélbún-
aðarins.
Verksmiðjan framleiðir moltu
úr um 10.000 tonnum af lífrænum
úrgangi á ári. Fram að þessu hefur
sláturúrgangur verið uppistaðan í
hráefni hennar en á þessu ári mun
m.a. lífrænn heimilisúrgangur bæt-
ast þar við eftir því sem söfnun
hans fer í gang hjá sveitarfélög-
unum í Eyjafirði. Í upphafi árs-
ins 2008 hófst bygging jarðgerð-
arstöðvar Moltu ehf. fyrir slát-
urúrgang og annan lífrænan úrgang
á Þveráreyrum í Eyjafirði. Við upp-
haf framkvæmdanna hafði verið
gengið frá fjármögnun hennar til
fulls og þar var eiginfjárhlutfall
áætlað hærra en oftast er í slíkum
tilfellum, til að unnt væri að bregð-
ast við ófyrirséðum kostnaði. Við
hrun íslensku krónunnar á árinu
2008 breyttust forsendur mjög til
hins verra og þegar framkvæmd-
um var lokið í ágúst 2009 og starf-
semin komin í gang var ljóst að
endurfjármagna þyrfti talsverðan
hluta framkvæmdakostnaðarins.
Með undirritun lánasamninga við
Íslandsbanka er fjármögnun verk-
efnisins nú lokið.
Jarðgerðarstöðin á Þveráreyrum
er ein af grunnstoðum þess að
meðhöndlun úrgangs í Eyjafirði
uppfylli allar nútíma kröfur og
mikil samstaða er hjá öllum við-
komandi aðilum um að halda áfram
að gera alla meðhöndlun úrgangs í
héraðinu þannig úr garði að til fyr-
irmyndar verði. MÞÞ
Endurfjármögnun jarðgerð-
arstöðvarinnar Moltu lokið
Skrifað var undir lánasamninga við Íslandsbanka í jarðargerðarstöð Moltu.
F.v. Eiður Guðmundsson framkvæmdastjóri Moltu, Rúnar Þór Sigur-
steinsson viðskiptastjóri hjá Íslandsbanka, Hermann Jón Tómasson, for-
maður stjórnar Flokkunar og Guðmundur Sigvaldason, formaður stjórn ar
Moltu.
Suzuki Splash 1000cc
beinskiptur – niðurstaða:
Jákvæðir punktar:
Mjög sparneytinn bíll, góður á möl, útsýni gott til allra
átta, heyrist nánast ekkert í vélinni inn í bílinn. Ég
mæli með þessum bíl fyrir þá sem keyra langar vega-
lengdir daglega til vinnu, sérstaklega vegna eyðslu og
þess að bíllinn er þægilegur í akstri. Umhverfisvænn
og fær að launum frí bílastæði í miðbæ Reykjavíkur.
Neikvæðir punktar:
Óöryggistilfinning inni í litlum bílum hefur lengi plag-
að mig (í þessum bíl var það aðallega fyrst, en ekki
mikið þegar ég skilaði bílnum). Bíllinn er latur af stað
fyrstu metrana, en þess ber að geta að vélin er ekki
nema 1000cc, en með því að reyna að snúa vélinni
ekki undir 2500 snúninga er bíllinn ótrúlega spræk-
ur. Ég mundi vilja sjá aurhlífar fyrir aftan framdekk-
in bæði til að hlífa bílnum við sóðaskap og til að taka
smágrjót á malarvegum. Ef farþegar eru í aftursætum
er lítið pláss fyrir farangur.
Helstu upplýsingar:
Lengd mm 3715
Breidd mm 1680
Hæð undir lægsta
punkt mm 1470
Þyngd kg 1030
Slagrými cc. 996
Hestöfl 65
Þjöppuhlutfall 11,0
Hámarksafköst
(kw/rpm) 48/6000
Hámarks snúnings-
vægi (Nm/rpm) 90/4800
Eldsneytistankur (lítrar) 45
Farangursgeymslan er ekki stór.