Bændablaðið - 25.02.2010, Blaðsíða 28

28 Bændablaðið | fimmtudagur 25. febrúar 2010
7 1
4 3 9
2
7 9 8 2
6 7
4 3 5 6
4
8 1 3
6 1
8 2 4
3 5 2 6
9 8 1
9
4 5
1
9 8 3
5 7 1 9
6 2 8
1 3 4
9 3
1 2
6 9 8
3 7
6 2 4
4 5
6 9
5 8 6
Sudoku
Galdurinn við Sudoku-þrautirnar er
að setja réttar tölur frá 1-9 í eyðurn-
ar. Sama talan má ekki koma fyrir
tvisvar í línu lárétt og lóð rétt og
heldur ekki innan hvers reits sem
afmarkaður er af sverari lín um.
Þrautirnar eru miserfiðar, sú
sem er lengst til vinstri er léttust og
sú til hægri þyngst en sú í miðjunni
þar á milli.
Hægt er að fræðast nánar um
Sudoku-þrautirnar á vefsíðunni
www.sudoku.com og þar er einn-
ig að finna fleiri þrautir ef þessi
skammtur nægir ekki.
Líf og lyst
Í lok síðasta árs bættist nytsam-
legt rit við safn íslenskra mat-
reiðslubóka þegar Bókafélagið
gaf út bók Rósu Guðbjartsdóttur,
Eldað af lífi og sál. Í bókinni er
að finna fjölmargar uppskriftir
að góðum og girnilegum hvers-
dagsmat sem einfalt og fljótlegt
er að útbúa. Um leið er hugað
að hollustu matarins og næring-
arinnihaldi ásamt því að góð ráð
eru gefin varðandi hráefni og
matseld og flottum hugmyndum
komið á framfæri fyrir veislur.
Mexíkóskt lasagna
500 g nautahakk
5 tortillur, hveitikökur úr pakka
mexíkósk kryddblanda, t.d. taco
seasoning
200–300 g salsa- eða taco-sósa
3–4 tómatar, saxaðir eða 1 dós nið-
ursoðnir
1 rauðlaukur, sneiddur
200 g rifinn ostur
handfylli af nachos-flögum
Aðferð:
Brúnið nautahakkið á pönnu og
bætið kryddblöndunni saman við
ásamt vatni, samkvæmt leiðbeining-
um á pakka. Bætið síðan tómötun-
um saman við. Leggið tortillaköku
í botninn á eldföstu móti og nauta-
hakk þar ofan á. Setjið síðan dálítið
af salsasósu og dreifið osti þar yfir,
ásamt nokkrum rauðlaukshringjum.
Leggið síðan aðra tortillaköku ofan
á, nautahakk, salsasósu, ost og lauk
og endurtakið þar til fimmta hveiti-
kakan er komin á. Stráið þá osti yfir
hana og svolitlu af muldum nachos-
flögum. Setjið í ofninn og bakið við
200 gráður í 20 mínútur. Best finnst
mér að bera einungis ferskt, grænt
salat fram með en mexíkóskt avo-
cado-mauk (guacomole) og sýrður
rjómi fer líka mjög vel með.
Bananabrauð með berjum
2 bananar, maukaðir
100 g púðursykur
2 dl eplamauk, má sleppa og nota þá
meiri ólífuolíu í staðinn
2 egg
220 g hveiti
1 tsk. lyftiduft
1 msk. ólífuolía eða 1 dl (ef eplamauki
er sleppt)
2 msk. mjólk
1 dl rifsber eða bláber, fersk eða frosin
Aðferð:
Stappið banana í stórri skál og hrær-
ið púðursykri saman við með sleif.
Bætið síðan eplamauki og eggjum
saman við. Ef þið notið ekki epla-
mauk, aukið þá magn ólífuolíunnar
eins og að framan greinir. Sigtið
síðan hveiti og lyftiduft saman við
og blandið. Bætið ólífuolíu og mjólk
saman við og loks berjum. Ef þið
notið frosin ber er best að láta þau
þiðna áður en þeim er bætt í deigið.
Hellið deiginu í smurt jólakökuform
og bakið við 180 gráður í 45 mínútur
eða þar til prjónn, sem stungið er í
brauðið, kemur hreinn út.
ehg
Eldað af lífi og sál
MATARKRÓKURINN
Mexíkóskt lasagna er fljótlegt í matreiðslu og hentar vel jafnt fyrir fullorðna
og börn.
Í matreiðslubók Rósu Guðbjarts-
dóttur, Eldað af lífi og sál, eru upp-
skriftir að ljúffengum heimilismat
og einnig fylgja góð ráð sem tengj-
ast matseld.
Ábúendur í Brekkubæ eru
Ásgeir Arngrímsson og Bergrún
Jóhanna Borgfjörð, bæði fædd og
uppalin á Borgarfirði eystra. Þau
hófu búskap í Brekkubæ 1980 þar
hafa þau búið með sauðfé, en sam-
hliða staðið í ferðaþjónustu. Þau
reka farfuglaheimilið Ásbyrgi
og ráku einnig veitingaþjónustu
í félagsheimilinu Fjarðarborg
til ársins 2008. Frá 2008 hafa
þau, ásamt Arngrími syni
sínum, rekið Ferðaþjónustuna
Álfheima þar sem þau hafa
bjóða upp á gistingu í 18 hótel-
herbergjum og veitingaþjónustu
í keðju Ferðaþjónustu bænda.
Þar þjónusta þau einstaklinga
og gönguhópa sem vilja fara
í lúxusgönguferðir og bjóða
einnig upp á mat og trúss fyrir
göngufólk á Víknaslóðum.
Býli?
Brekkubær.
Staðsett í sveit?
Á Borgarfirði eystra.
Ábúendur?
Ásgeir Arngrímsson og Bergrún
Jóhanna Borgfjörð.
Fjölskyldustærð (og gæludýr)?
Börnin eru 4. Arngrímur Viðar
býr á Egilsstöðum með Þóreyju
Sigurðardóttir. Þau eiga 4 börn.
Áskell Heiðar býr á Sauðárkróki,
giftur Völu Báru Valsdóttur. Eiga
þau 3 dætur. Guðmundur Magni
býr á Akureyri með Eyrúnu Huld
Haraldsdóttur, eiga þau son-
inn Marinó. Aldís Fjóla stundar
háskólanám í Reykjavík. Öll koma
þau börnin og barnabörnin eitthvað
nálægt bústörfum og ferðaþjónustu
frá sauðburði og fram á haust.
Stærð jarðar?
Stærð jarðar er um 50 ha auk sam-
liggjandi jarðar sem við eigum.
Afrétt er í Breiðuvík og fleiri
víkum sunnan Borgarfjarðar.
Tegund býlis?
Sauðfjárrækt.
Fjöldi búfjár og tegundir?
Um 500 vetrarfóðraðar kindur.
Hvernig gengur hefðbundinn
vinnudagur fyrir sig á bænum?
Fénu er gefið tvisvar á dag og
ýmislegt dundað þess á milli en svo
fer þessa dagana töluverður tími í
Vetrarólympíuleikana.
Skemmtilegustu/leiðinlegustu
bústörfin?
Öll störf eru skemmtileg ef vel
gengur en fátt toppar þó fjöruga
næturvakt á sauðburði þegar sólin
kemur upp í miðju fjarðarins og
fuglarnir hefja söng upp frá því. Þá
eru göngur og réttir í góðu veðri
alltaf skemmtilegar. En það hefur
lærst fyrir löngu af Pollyönnu að
láta sér ekkert leiðast þó sumt sé
skemmtilegra en annað.
Hvernig sjáið þið búskapinn fyrir
ykkur á jörðinni eftir 5 ár?
Við sjáum búskapinn í svipuðu
horfi næstu árin. Undanfarin ár
höfum við tekið þátt í sölu dilka-
kjöts beint til neytenda í gegnum
vefinn Austurlamb.is og verður
vonandi bara aukning og frekari
þróun í þeirri sölu.
Hvaða skoðun hafið þið á félags-
málum bænda?
Varðandi félagsmál bænda má
nefna að á undanförnum árum hefur
náðst mikill árangur í jákvæðari
ásýnd landbúnaðarins.
Hvernig mun íslenskum land-
búnaði vegna í framtíðinni?
Íslenskum landbúnaði mun vegna
vel án ESB. Í þessum kreppudansi
skilja nú vonandi sem flestir í eitt
skipti fyrir öll mikilvægi þess að
hafa í boði hreinar og vandaðar
afurðir frá íslenskum landbúnaði.
Hvar teljið þið að helstu tæki-
færin séu í útflutningi íslenskra
búvara?
Tækifæri í útflutningi liggja tví-
mælalaust í hreinleika og uppruna
afurða okkar sem á að tryggja hátt
verð fyrir vandaða vöru.
Hvað er alltaf til í ísskápnum?
Í ískápnum er alltaf að finna lýsi,
mjólk, ost, marmelaði og súrt slát-
ur.
Hver er vinsælasti maturinn á
heimilinu?
Vinsælasti maturinn er
Hafragrautur, lýsi og slátur í morg-
unmat og veturgamalt sauðakjöt
bæði reykt og steikt.
Eftirminnilegasta atvikið úr
búskapnum?
Eftirminnilegast í búskapnum
er þegar nýtt fé kom í ný fjárhús
haustið 1990 eftir fjárlaus ár vegna
riðuniðurskurðar.
Brekkubær
Bærinn okkar