Fréttablaðið - 10.02.2012, Page 32

12 • LÍFIÐ 10. FEBRÚAR 2012
Melkorka Árný Kvaran,
íþróttakennari og mat-
vælafræðingur, hefur
haldið úti kerrupúli fyrir
nýbakaðar mæður í Laug-
ardalnum undanfarin þrjú
ár, sama hvernig viðrar.
Vinsældir púlsins hafa
aukist mikið milli ára og
hefur Melkorka því bætt
í flóruna útipúli fyrir alla
þá sem kjósa einkaþjálfun
utandyra.
Hver er þín skýring á aukning-
unni undanfarin ár? Það hefur
átt sér stað mikil vitundarvakn-
ing þegar kemur að hreyfingu og
æ fleiri kjósa að hreyfa sig utan-
dyra. Vel hefur verið haldið á spöð-
unum hjá okkur og ánægður við-
skiptavinur hefur verið besta aug-
lýsingin okkar.
Hefur þú aldrei þurft að hætta
við æfingar vegna veðurs? Það
þarf mikið til að stoppa okkur en jú
við höfum frestað æfingum þegar
það eru stormviðvaranir og mikl-
ar frosthörkur, þá vegna unga-
barnanna. Þeir sem eru í útipúl-
inu hafa hins vegar enga afsökun.
Hvers konar þjálfun fer fram í
útipúli? Útipúl er útivistar- og lík-
amsræktarnámskeið, hugsað fyrir
alla þá sem vilja hreyfa sig utan-
dyra, bæta heilsuna með því að
styrkja sig og auka úthald og þol.
Útipúl er markviss og fagleg þjálf-
un hugsuð fyrir einn, tvo, þrjá eða
fjóra saman í hóp. Útipúl er bæði
fyrir karla og konur og sniðugt
fyrir vinkonur/vini eða hjón/pör að
koma saman.
Hverjir eru helstu kostir útiþjálf-
unar? Ég legg áherslu á aukið þol
og aukinn styrk, vellíðan og gleði
og ef viðkomandi hefur verið eða
er í baráttu við aukakílóin, þá á
undantekningalaust sér stað breyt-
ing á líkamanum til hins betra, sem
eykur vellíðan og sjálfstraust við-
komandi. Mér finnst gríðarlega
mikilvægt að koma því inn hjá fólki
í dag út á hvað líkamsrækt geng-
ur, það er að segja að rækta lík-
amann, en ekki að komast í eitt-
hvert staðlað form eða staðlaða
fatastærð. Hitaeiningar og fitu-
mælingar eru því ekki í forgangi í
minni þjálfun.
Ég held ég geti einnig slegið
því föstu að útipúlið er ódýrasta
einkaþjálfun sem í boði er á land-
inu, enda rekstrarkostnaður lít-
ill. Tímasetningin er samkomulag
milli mín og iðkenda. Ég byrja 6.30
á morgnana og þjálfa til 20.00 á
kvöldin. Það er lítið um meiðsli,
enda vinn ég að mestu með eigin
líkamsþyngd og sníð stakk eftir
vexti hjá hverjum og einum. Súr-
efnið og ferska loftið er líka eitt-
hvað sem auðvelt er að verða
háður!
ÞJÁLFAR ÚTI ALLAN ÁRSINS HRING
Það sem nýbökuð móðir þarf að
hafa í huga:
■ Það þarf styrk til að takast á
við móðurhlutverkið og til að
þola ósamfelldan svefn í margar
nætur, til að vera á tánum allan
sólarhringinn til að sinna kalli og
til að skipta á hundrað bleyjum á
viku.
■ Hreyfing er öllum mikilvæg, jafnt
fyrir líkama og sál. Það að stunda
markvissa hreyfingu hefur marga
góða kosti í för með sér, svo sem
bætt gæði svefns, auðveldari
stjórnun á streitu, bætta melt-
ingu, aukið mótstöðuafl gegn
sjúkdómum, aukna orku, aukið
hlutfall vöðva í líkamanum og
betra sjálfstraust, svo eitthvað
sé nefnt!
■ Útivera! Ég tala oft um súrefni
sem eitt af næringarefnunum þó
svo að það gefi hvorki orku né
næri líkamann á sama hátt og
inntaka á hinum eiginlegu nær-
ingarefnum (kolvetni, prótíni, fitu,
vítamínum, steinefnum og vatni).
Súrefnið er okkur klárlega lífs-
nauðsynlegt og veitir okkur í raun
vellíðan og orku, bara á annan
hátt. Hvaða móðir í fæðingaror-
lofi kannast ekki við það að hafa
vaknað þreytt um morguninn eftir
erfiða nótt og hugsað með sér
að leggja sig síðar um daginn,
farið svo út í göngutúr með vagn-
inn og getur ómögulega lagt sig
þegar inn er komið því hún hefur
fengið súrefni.
■ Félagsskapur! Félagslegi þátt-
urinn er gríðarlega mikilvæg-
ur þegar móðir er í fæðingar-
orlofi. Það er nauðsynlegt að
vera í góðu jafnvægi með því
að rækta líkama og sál. Að vera
í samskiptum við fólk er hluti af
því að næra andann og sam-
band og stuðningsnet við aðrar
mæður sem eru eins þenkjandi
og með svipaðar áherslur í líf-
inu, er ómetanlegt.
Það sem nýbökuð móðir þarf að
hafa í huga þegar hún byrjar að
hreyfa sig:
■ Fá faglega leiðsögn frá þjálf-
ara sem getur leiðbeint með
það hvaða æfingar má gera og
hvað æfingar skal forðast þess-
ar fyrstu vikur/mánuði eftir með-
göngu. Gríðarlega mikilvægt er
að fara ekki of skarpt af stað,
hlusta á líkamann og gera rétt-
ar æfingar sem styrkja svæð-
ið í kringum mjaðmagrind á
meðan grindin gengur saman
og meðan liðbönd/vöðvar ná
fyrri styrk.
■ Mikilvægt er að láta sér ekki
verða kalt og þá sérstaklega
á höndum. Tengsl eru á milli
handkulda og brjóstastíflna.
■ Mikilvægt er að vera í góðum
og rétt búnum æfingafatnaði
og þá sérstaklega góðum æf-
ingatoppi. Brjóstagjafabrjósta-
haldarar veita oft ekki nægilega
góðan stuðning í æfingum.
■ Ekki má gleyma vatninu. Móðir
með barn á brjósti þarf sér-
staklega að gæta vel að vök-
vabúskapnum svo ekki minnki
mjólkur magnið fyrir barnið.
■ Réttur skófatnaður er gríðarlega
mikilvægur. Hann er undirstaða
þess að okkur líði vel á æfing-
unni. Ef skórnir eru orðnir slitnir,
gamlir og lélegir eru meiri líkur á
meiðslum í stoðkerfinu.
■ Ef barnið er með í för á æfing-
unni, þá skal huga vel að því, að
því líði vel, sé rétt klætt og ekki
svangt. Ekki hika við að sinna
barninu ef það verður óvært
meðan á æfingu stendur, það
má taka hlé og halda svo áfram.
Til að móður líði vel eftir með-
göngu, líkamlega og andlega, er
nauðsynlegt að huga að ofan-
greindum atriðum. Það er bæði
móður og barni fyrir bestu að
mömmu líði vel! www.kerrupul.isKringlunni
Green Tea línan inniheldur líkamslínu með andoxunaráhrifum sem styrkja náttúrulegar varnir
húðarinnar. Hressandi og uppliftandi fyrir líkama og sál.
30% afsláttur af Green Tea línunni frá Elizabeth Arden dagana 9. – 15. febrúar.
Grænir og bjartir dagar í snyrtivöruverslun Lyfja & heilsu kringlunni.
Hitaeiningar og
fitu mælingar
eru því ekki
í forgangi í
minni þjálfun