Fréttablaðið - 02.04.2012, Blaðsíða 14

14 2. apríl 2012 MÁNUDAGUR
FRÁ DEGI TIL DAGS
greinar@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
Hvað geta þau sem tala ekki kennt okkur? Hvað sjá þau sem eru hug-
fangin af smáatriðunum? Hvernig upp-
lifa þau sem hringsnúast lífið?
Hvernig miðla þau sem berg-
mála til okkar hinna?
Á Degi einhverfunnar bein-
um við sjónum okkar og athygli
að því sem hin einhverfu geta
kennt okkur um fjölbreytileika
lífsins. Álagið sem er fylgi-
fiskur þess að eiga einhverft
barn getur valdið því að við
horfum fram hjá gjöfunum sem
sá einhverfi gefur og ljómanum
sem hann varpar í kringum
sig. Alltof oft vill umhverfið
þvinga alla í sama mót og þau
sem passa ekki inn í væntingar
um það sem þykir „eðlilegt“ eru
jafnvel álitin byrði og ógæfa.
En barninu sem er ein-
hverft fylgir ekki ógæfa heldur
gæfa. Það er vissulega öðru-
vísi, það gengur ekki í takt, það um-
turnar væntingum um eðlilegan þroska og
áreynslulaust uppeldi. Til að geta notið og
glaðst yfir slíku barni þurfum við að tengja
upp á nýtt og vera opin fyrir hinu óvænta.
Fjölskyldur einhverfra barna á Íslandi
standa ekki einar. Það er okkar
reynsla að stuðningsnet leik-
skóla, félagsþjónustu og heil-
brigðiskerfis er ómetanlegur
samherji einhverfa barnsins
og fjölskyldunnar allrar. Þessa
þjónustu ber að þakka og meta.
Fyrir kennara, stuðnings-
fulltrúa og ráðgjafa erum við
þakklát. Fyrir samfélag sem
metur, hvetur og styður, gefur
rými og skapar möguleika erum
við þakklát. Við erum líka þakk-
lát fyrir fræðimenn sem sinna
rannsóknum á einhverfu og
því sem gagnast einhverfum
börnum í námi og leik. Við erum
þakklát fyrir áhugasamtök og
stuðningsfélög sem halda utan
um systkini og aðstandendur.
Þakklátust erum við fyrir
drenginn okkar sem minnir okkur á gildi
þess sem er öðruvísi og beinir sjónum
okkar að leyndardómum lífsins.
S
itjandi ríkisstjórn er almennt illa liðin. Einungis 31%
þjóðarinnar styður hana og ólíklegt virðist að það fylgi muni
aukast verulega. Fyrir því eru fjórar ástæður. Í fyrsta lagi
hefur hún þurft að taka erfiðari og óvinsælli ákvarðanir
en líkast til nokkur önnur ríkisstjórn til að rétta af ríkis-
reksturinn. Margar þeirra hafa verið algjörlega nauðsynlegar og
því marki brenndar að vera hugsaðar með langtímahagsmuni í huga
frekar en skammtímavinsældir.
Í öðru lagi lofaði hún miklu meiru
en hún gat nokkurn tímann efnt.
Það átti að keyra í gegn umfangs-
miklar samfélags breytingar á
nánast öllum sviðum samhliða því
að endurreisa efnahagskerfi þjóðar.
Verkefnin sem þó hefur verið ráðist
í hafa hins vegar mörg hver verið
útþynnt. Í þriðja lagi hefur hún hreinlega klúðrað mörgum málum.
Ber þar að nefna framgöngu hennar í Icesave- deilunni, meðhöndlun
á viljugri erlendri fjárfestingu, mislukkaða endurreisn sparisjóða-
kerfisins og ólögmæta kosningu til stjórnlagaráðs. Í fjórða lagi hafa
lykilmenn innan stjórnarflokkanna opinberað sig sem hégómatröll sem
taka eigin hagsmuni og valdafýsn fram yfir heildina.
Vegna þessa verður að teljast nánast útilokað að Samfylking og
Vinstrihreyfingin-grænt framboð muni geta myndað ríkisstjórn eftir
komandi alþingiskosningar. Og miðað við gífuryrðin sem fallið hafa á
kjörtímabilinu er nánast útilokað að stjórnarandstaðan sé tilbúin að
vinna með öðrum stjórnarflokknum. Það er raunar afar erfitt að sjá
hvers konar stjórn verður hægt að mynda yfir höfuð.
Sjálfstæðisflokkurinn, sá eini sem gæti myndað tveggja flokka
ríkis stjórn, mælist með um þriðjungsfylgi. Það er líkast til kjarna-
fylgi hans. Draumur hans um að mynda stjórn með Framsóknar-
flokknum virðist þó fjarlægur. Samanlagt fylgi þeirra er ekki
nægjan legt. Styrmir Gunnarsson, fyrrum ritstjóri Morgunblaðsins,
hélt því nýverið réttilega fram að þetta litla fylgi væri vísbending um
að uppgjör Sjálfstæðisflokksins við fortíðina hefði ekki tekist sem
skyldi. Vegna þessa höfðar flokkurinn ekki til lausafylgis. Forystu-
menn hans virðast þó gera alls ekki gera sér grein fyrir því heldur
umlykja sig fremur já-mönnum sem segja að það sé ómaklegt að
spyrna þeim saman við óuppgerð mál.
Kannanir hafa sýnt það í lengri tíma að 25-30% kjósenda munu að
öllum líkindum kjósa eitthvað annað en fjórflokkinn. Valkostirnir
hafa líkast til aldrei verið fleiri en enginn þeirra virðist líklegur til
að hreinsa upp nægilega mikið af óánægjufylginu til að geta orðið
valkostur í ríkisstjórn. Í lausafylginu felst gullið tækifæri fyrir
skynsamt og jarðbundið stjórnmálaafl sem talar hvorki beint til
neinna sérhagsmunahópa né lofar óframkvæmanlegri eða eyði-
leggjandi steypu til að tryggja sér lýðhylli. Slíkt afl virðist þó, enn
sem komið er, ekki vera að finna á meðal jaðarflokkanna sem til-
kynnt hafa sig til leiks.
Við erum að sigla inn í kosningar við aðstæður þar sem
ógjörningur virðist vera að mynda starfhæfa ríkisstjórn úr þeim
valkostum sem í boði eru. Á sama tíma er traust á Alþingi í sögu-
legu lágmarki. Það mælist nú 10% en var 40% í febrúar 2008. Á
meðal stofnana mælist einungis bankakerfið með minna traust.
Það er því pólitísk kreppa framundan á sama tíma og við þurfum
nauðsynlega á festu að halda. Vonandi smitar hún ekki út frá sér
til annarra anga samfélagsins. Við því megum við illa.
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Atli Fannar Bjarkason (dægurmál) atlifannar@frettabladid.is
HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is MENNING: Bergsteinn Sigurðsson bergsteinn@frettabladid.is FÓLK OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
HALLDÓR
Á degi ein-
hverfunnar
beinum við
sjónum okkar
og athygli að
því sem hin
einhverfu
geta kennt
okkur…
Þórður Snær
Júlíusson
thordur@frettabladid.is
SKOÐUN
Kostir Íslendinga
í gjaldmiðlamálum
Frummælendur:
GYLFI ZOËGA, prófessor í hagfræði við Háskóla Íslands.
RAGNAR ÁRNASON, prófessor í hagfræði við Háskóla Íslands.
Fundarstjóri:
MARGRÉT GUÐMUNDSDÓTTIR, forstjóri Icepharma.
Opinn fundur í Háskóla Íslands,
mánudaginn 2. apríl kl. 16,
stofu 103 á Háskólatorgi, 1. hæð.
S j á l f s t æ ð i r E v r ó p u m e n n
Erfitt verður að mynda ríkisstjórn næsta vor:
Pólitísk kreppa
Dagur einhverfu er dagur
fjölbreytni
Einhverfa
Árni Svanur
Daníelsson og
Kristín Þórunn
Tómasdóttir
Prestar
Ekki gegn sjálfum sér
Lög um þingsköp eru í stöðugri
endurskoðun og starfar nefnd innan
þings að þeim málum. Þar hefur
mikið verið rætt að undanförnu um
hvernig bæta megi störf þingsins
og þykir sumum víst ekki vanþörf á.
Samkvæmt áreiðanlegum heimildum
hefur sú hugmynd komið upp að
setja það í lög að þingmenn
megi ekki fara í andsvar
gegn eigin flokksmönnum,
nema þeir séu sannarlega
á móti málflutningi þeirra.
Þykir sumum kannski óþarfi
að setja slík lög, þar sem
í orðinu andsvar felst
beinlínis að menn séu
að setja fram mótstæð rök. Það hefur
hins vegar ekki stöðvað þingmenn
í að flykkjast unnvörpum í pontu til
að taka undir málflutning samflokks-
manna eða spyrja þá út í ólíklegustu
hluti.
Hvað heldur þú að þeir
hugsi?
Athyglisvert var að fylgjast með
Ásmundi Einari Daðasyni í
andsvari við Birgi Ármanns-
son í síðustu viku. Þar
spurði hann Birgi hverja
hann teldi vera ástæðuna
fyrir því að stjórnarliðar
vildu ekki þjóðar-
atkvæðagreiðslu
um hvort hætta ætti aðildarviðræð-
um við ESB. Birgir sagði sem satt var,
að hann væri ekki í aðstöðu til að
skyggnast inn í hugarheim annarra.
Sérkennileg túlkun
Björn Bjarnason setur fram sérkenni-
lega túlkun á heimasíðu sinni. Þar segir
hann: „Þegar Hæstiréttur ógilti stjórn-
lagaþingskosningarnar ákvað ríkis-
stjórnin að hafa ákvörðunina að
engu og skipaði stjórnlagaráð.“
Hæstiréttur úrskurðaði kosningu
til stjórnlagaþings ógilda. Hann
hefur aldrei nokkurn tímann tjáð
sig um lögmæti stjórnlagaráðs,
enda tveir ólíkir hlutir.
kolbeinn@frettabladid.is