Fréttablaðið - 02.04.2012, Blaðsíða 46

2. apríl 2012 MÁNUDAGUR22
Tilkynningar um merkis atburði, stórafmæli
og útfarir má senda á netfangið
timamot@frettabladid.is.
Auglýsingar á að senda á
auglysingar@frettabladid.is
eða hringja í síma 512 5000.
timamot@frettabladid.is
MICHAEL FASSBENDER leikari er 35 ára í dag.
„Ég er mjög ánægður með hrukkurnar á enninu. Þær eru skrásetning
á lífi mínu. Mér finnst gaman að lesa sögur úr andlitum fólks.“
Alþjóðlegur dagur einhverfu er í dag og af því
tilefni erum við hjá Umsjónarfélagi einhverfra
að opna nýja uppfærða heimasíðu, einhverfa.
is,“ segir Eva Hrönn Steindórsdóttir, for maður
félagsins. „Dagurinn er árlegur viðburður í
þeim tilgangi að vekja athygli á þessari röskun
sem er algengari en margir halda,“ útskýrir
Eva. „Á Íslandi fæðast um fimmtíu börn á ári
sem greinast á einhverfurófinu. Einkennin eru
auðvitað mismunandi, sumir hafa mjög væg
einkenni, aðrir sterkari.“
Umsjónarfélag einhverfra sinnir ýmsum
verkefnum. „Við sinnum auðvitað réttinda-
gæslu í málefnum einhverfra, höldum
úti öflugu kynningarstarfi bæði fyrir að-
standendur og almenning, erum með foreldra-
fundi, unglingahópa þar sem krakkar á ein-
hverfurófi hittast og fá stuðning og höldum
almenna fræðslufundi fimm til sex sinnum á
ári,“ segir Eva. „Svo er það náttúrulega nýja
heimasíðan þar sem hægt er að finna ýmsa
fræðslu um einhverfu. Á alþjóðlega einhverfu-
deginum í fyrra stofnuðum við specialisterne,
sjálfseignarstofnun sem þjálfar einhverfa til
þátttöku á vinnumarkaði og þá sér staklega
í tæknigeiranum. Eins og aðrir þarf fólk
á einhverfurófi rétta umhverfið og rétta
stuðninginn til að geta notið sín.“ - fsb
Ný vefsíða um einhverfu
FORMAÐURINN Eva Hrönn Steindórsdóttir er formaður Umsjónarfélags einhverfra
sem opnar nýja heimasíðu í dag. FRÉTTABLAÐIÐ/GVA
„Þannig er að heimildarmynd um Hall-
dór Laxness, sem hefði orðið 110 ára
núna 23. apríl, hefur verið í vinnslu
í nokkur ár. Halldór Þorgeirsson,
tengdasonur Laxness, gerir myndina og
þar er í grófum dráttum farið yfir ævi
skáldsins, einkum þó þriðja og fjórða
áratug síðustu aldar og í framhaldi af
því hvernig hann lenti á svörtum lista
hjá bandarísku alríkislögreglunni í
kringum 1950. Ég fékk síðan það verk-
efni í fyrrasumar að gera tónlist við
þessa mynd,“ segir Tómas R. Einarsson
tónlistarmaður um tilurð geisladisksins
Laxness sem inniheldur tónlistina við
myndina Svarti listinn og Laxness, auk
tveggja eldri laga sem Tómas samdi við
ljóð eftir Laxness.
„Ég lagðist undir feld, má segja, og
hlustaði mikið á tónlist frá þessum
tímabilum, án þess þó að ég ætlaði mér
að semja tónlist inn í tíma-
bilið. Það var bara gott að
vita af henni,“ segir Tómas.
„Stór hluti tónlistarinnar í
myndinni er með nokkrum
millistríðsárablæ þótt ég
hafi engan veginn haldið
mig innan þess stíls. Það
má frekar segja að það
sé vitnað í hann.“
Öl l tón l i s t i n á
diskinum er instrú-
mental fyrir utan eldri
lögin tvö sem áður eru
nefnd, S.S. Montcl-
are sem Ragnhildur
Gísladóttir syngur og
Hjarta mitt í flutningi
Ragnheiðar Gröndal. Með Tómasi,
sem að sjálfsögðu leikur á kontra-
bassa, leika þeir Davíð Þór Jónsson á
píanó og básúnu, Ómar Guðjónsson á
gítar, túbu og banjó og Matthías MD
Hemstock á trommur. Í eldri lögun-
um tveimur koma saxófón leikararnir
Óskar Guðjónsson
og Sigurður Flosason
til viðbótar þeim sem
fyrr eru nefndir auk
Eyþórs Gunnarssonar
sem leikur á píanó.
Tómas hefur séð
myndina grófklippta og
lætur vel af. „Mér finnst
hún býsna skemmtileg
og það sem einkennir
hana umfram margar æviferilsmyndir
er að Halldór Þorgeirsson hefur verið
mjög glúrinn við að draga fram mynd-
efni frá Íslandi, sem hann hefur sótt
í gagnabanka vítt og breitt um ver-
öldina, þannig að þarna sjást margar
nýjar klippur úr Íslandssögunni frá
tímabilum sem maður vissi ekki einu
sinni að til væri myndefni um.“ Er
eitthvað í myndinni sem sýndi þér
Laxness í nýju ljósi? „Ég hef síðan
ég var unglingur verið hálfgerður
„kiljanó maníak“. Held það séu ekki
margir stafir eftir hann í bókum sem
ég hef ekki lesið og margt af því mjög
oft, þannig að það hefði ekki verið létt
verk að koma mér mikið á óvart í sam-
bandi við ævi hans. Eitt og annað kom
þó þarna fram sem ég vissi ekki fyrir.“
Blánótt ehf. gefur diskinn út og er
hann kominn í verslanir. Útgáfutón-
leikar verða þó ekki fyrr en 1. maí, en
þá verða haldnir tvennir tónleikar í
stofu skáldsins á Gljúfrasteini.
fridrikab@frettabladid.is
TÓMAS R. EINARSSON: GEFUR ÚT KVIKMYNDATÓNLIST ÚR MYND UM LAXNESS
VITNAR Í TÓNLISTARSTÍL
MILLISTRÍÐSÁRANNA
Diskurinn ber einfald-
lega heitið Laxness.
KILJANÓMANÍAK Tómas R. Einarsson hefur sent frá sér disk með tónlist
sem hann samdi við heimildarmyndina Svarti listinn og Laxness.
FRÉTTABLAÐIÐ/VALLI
Merkisatburðir 2. apríl
1453 Umsátrið um Konstantínópel hefst.
1801 Breski flotinn undir stjórn Nelsons flotaforingja gjörsigrar
danska flotann við Kaupmannahöfn.
1902 Fyrsta kvikmyndahúsið í Bandaríkjunum, Electric Theatre,
er opnað í Los Angeles í Kaliforníu.
1928 Fyrsta íslenska konan fær lyfsöluleyfi. Það er Jóhanna
Magnúsdóttir, sem rekur Lyfjabúðina Iðunni í Reykjavík í
áratugi.
1930 Haile Selassie er lýstur keisari Eþíópíu.
1982 Argentína gerir innrás á Falklandseyjar og hefur þannig
Falklandseyjastríðið.
1992 John Gotti er dæmdur í ævilangt fangelsi í New York-borg
fyrir morð og skipulagða glæpastarfsemi.
2004 Búlgaría, Eistland, Lettland, Litháen, Rúmenía, Slóvakía og
Slóvenía verða fullgildir meðlimir í NATO.
2007 Jarðskjálfti að stærðargráðu 8,1 á Richter skekur
Salómons eyjar og veldur flóðbylgju.
Í tengslum við Grænan apríl
hefur bókin Ákall til mann-
kyns – sjálfbærni, lýðheilsa
og bætt loftslag verið endur-
útgefin hjá bókaútgáfunni
Sölku. Bókin inniheldur tvær
skýrslur samdar af Alþjóða-
nefnd um framtíð matvæla og
landbúnaðar. Einn af mörgum
fræðimönnum sem skipa
þá nefnd er Vandana Shiva,
heimsþekkt baráttukona á
sviði umhverfis- og mann-
réttindamála og ötull tals-
maður lífræns land búnaðar,
en hún hélt áhrifamikinn
fyrirlestur um þessi mál í
Reykjavík síðastliðið haust.
Stefnuyfirlýsing um fram-
tíð matvæla og Stefnuyfirlýs-
ing um loftslagsbreytingar og framtíð matvælaöryggis eru
heiti á skýrslunum sem birtast í þessari bók og vakið hafa
fólk víða um lönd til vistvænni vitundar. Í skýrslunum eru
dregnar fram í dagsljósið ýmsar staðreyndir um meðferð
okkar á jörðinni, bæði neikvæðar og jákvæðar.
Ákall til mannkyns
endurútgefin
BARÁTTUJAXL Vandana Shiva
heimsþekkt baráttukona á sviði
umhverfis- og mannréttinda-
mála og ötull talsmaður lífræns
landbúnaðar. FRÉTTABLAÐIÐ/VILHELM
Titanic fór í sína fyrstu siglingu mánu-
daginn 2. apríl 1912, tveimur dögum
eftir að vinnu við skipið lauk og aðeins
átta dögum áður en það lét úr höfn í
Southampton í jómfrúrferðinni. Um borð
voru sjötíu og átta verkamenn sem unnið
höfðu við smíði skipsins og fjörutíu og eins
manns áhöfn. Einnig voru fulltrúar ýmissa
fyrirtækja sem sem komið höfðu að smíði
skipsins með í reynslusiglingunni.
Siglingin tók tólf tíma og var reynt á hæfni
skipsins eftir kúnstarinnar reglum; hraðinn
aukinn og minnkaður, snúið við, bakkað
og svo framvegis. Allt reyndist virka eins
og til var ætlast og við komuna til hafnar á
ný var undirritað sjófærnivottorð sem gilti í
tólf mánuði. Klukkutíma síðar lagði Titanic
af stað í aðra siglingu sína og var siglt til
Southampton þar sem lagst var að bryggju
að morgni 4. apríl og hafist handa við að
flytja vistir um borð og gera klárt til að taka
á móti farþegunum.
ÞETTA GERÐIST: 2. APRÍL 1912
Fyrsta reynslusigling Titanic
Föðursystir okkar,
MARGRÉT INGIBJÖRG
ÞORLEIFSDÓTTIR
frá Hlíð í Hörðudal,
til heimilis að Hvassaleiti 56,
lést hinn 22. mars sl. á Dvalar- og
hjúkrunarheimilinu Grund. Jarðarförin hefur
farið fram í kyrrþey að ósk hinnar látnu.
Fyrir hönd aðstandenda,
Inga Teitsdóttir, Nanna Teitsdóttir, Hrefna Teitsdóttir
Ástkær eiginmaður minn, faðir okkar,
afi og langafi,
RAGNAR GUÐMUNDSSON
vélstjóri,
Selásbraut 52, Reykjavík,
sem lést á líknardeild LSH í Kópavogi
fimmtudaginn 28. mars, verður
jarðsunginn frá Kópavogskirkju
þriðjudaginn 3. apríl kl. 15.00.
Nijole Sinniskiené
Þorvaldur Ragnarsson Fanney Einarsdóttir
Guðlaugur Jakob Ragnarsson Guðrún Birgisdóttir
Svandís Ragnarsdóttir Sigurður Sigurjónsson
Sigurrós Ragnarsdóttir Stefán Árni Einarsson
barnabörn og barnabarnabörn.