Fréttablaðið - 30.04.2012, Blaðsíða 44

30. apríl 2012 MÁNUDAGUR20 20
menning@frettabladid.is
Bækur ★★
Morðið á Bessastöðum
Stella Blómkvist
Mál og menning
Íslenskur Morgan
Kane með píku
Það er vinsæll samkvæmisleikur að velta því
fyrir sér hver Stella Blómkvist sé. Allt frá því
að fyrsta bók höfundar kom út árið 1997.
Strax fóru á flot ýmsar kenningar, en það er
nokkuð afrek að tekist hafi að leyna sann-
leikanum í allan þennan tíma. Stella kom
sem ferskur vindur inn í íslenska glæpa-
sagnahefð, hún skrifar í fyrstu persónu um sjálfa sig, er töff og kúl,
fær sitt alltaf fram, veður í frösum, þambar viský og leggur allar þær konur
sem hún girnist. Og suma karla. Nokkurs konar Morgan Kane Íslands, nema
Stella er sneggri með lagaklæki en skammbyssu.
Morðið á Bessastöðum er 7. bók Stellu. Sagan er innan sömu formúlu
og hinar fyrri. Í heimi Stellu eru morð framin á þekktum opinberum stað,
Bessastöðum nú, en áður Þingvöllum, Alþingishúsinu og Sjónvarpshús-
inu, svo eitthvað sé nefnt, og Stella dregst inn í málið. Hún berst ein gegn
kerfinu og hefur að sjálfsögðu sigur. Í nýju bókinni er eldra máli fléttað inn í,
en því miður nær það litlu flugi. Ekki frekar en bókin sjálf.
Formúlubókmenntir eru oft hinar ágætustu, en galli þeirra er þó sá að
þær eru einsleitar. Stella er hætt að vera ferskur vindur og orðin að stöðnu
innilofti. Karakterinn er vægast sagt þreytandi, hún talar og hugsar í leiði-
gjörnum frösum sem líklega eiga að vera töff; skjalataska verður stressa,
lögreglumenn prúðupiltar og svartfuglar, karlmenn folar og Jack Daniels
Nonni Daníels. Þetta var smá krútt í upphafi, en er nú farið að hljóma eins
og þegar miðaldra fólk reynir að tala unglingamál, bara vandræðalegt.
Þá er mamma kapítuli út af fyrir sig. Fjölmörgum köflum bókarinnar
lýkur með tilvitnunum í mömmu, sem virðist hafa verið leiðinlegasti rass-
vasaheimspekingur sögunnar. „Hunangsilmur ástarinnar er sjálfsblekking“
„Illur grunur er lostæti andskotans“ Kvenleg eðlisávísun er reykskynjari
sálarinnar“. Allt þetta sagði mamma, sem virðist hafa verið nokkurs konar
páskaeggjamálsháttasjálfsali og er jafn leiðinleg og slíkur.
Þá er galli við Morðið á Bessastöðum að í hana vantar alla spennu. Það
er leitt að spennan um hver Stella Blómkvist er sé orðin meiri en spennan
í sögunum hennar. Morgan Kane var ágætur í fyrstu 20 bókunum, en svo
varð töffarahátturinn vandræðalegur. Eins er með Stellu. Því miður, hún var
einu sinni ágæt. Kolbeinn Óttarsson Proppé
Niðurstaða: Leikur með formúlu sem ekki er lengur ferskur og skemmti-
legur heldur einungis höfundi til skemmtunar.
Sigurður Skúlason, leikari og
driffjöður leikfélagsins Leikur
einn, ferðast með sýninguna Hví-
líkt snilldarverk er maðurinn! um
Austfirði, til Akureyrar og Bol-
ungarvíkur í maí.
Hvílíkt snilldarverk er mað-
urinn! er einleikur eftir Sigurð
Skúlason og Benedikt Árnason,
byggður á höfundarverki Williams
Shakespeare, sem Helgi Hálfdan-
arson hefur þýtt. Sigurður leik-
ur og Benedikt leikstýrir, en þeir
eiga báðir langan feril að baki í
leikhúsi, lengst af í Þjóðleikhús-
inu.
Leiksýningin er safn brota sem
mynda heild sem tekur einum
þræði mið af vegferð mannsins frá
vöggu til grafar og öðrum þræði
af samlíkingu lífs og leikhúss.
Jafnframt er hún hugsuð sem
þakklætisvottur til leiklistarinnar
og þess besta sem hún hefur af sér
alið: sköpunarverk Shakespeares.
Sigurður verður á ferð í Vopna-
firði 2. maí, á Seyðisfirði 3. maí,
Reyðarfirði 4. maí, Egilsstöðum
5. maí, Djúpavogi 6. maí, Höfn í
Hornafirði 7. maí, Akureyri 10.
maí, Bolungarvík 12. maí. Að lok-
inni leikför verða nokkrar auka-
sýningar í Þjóðleikhúskjallaranum
í Reykjavík.
Sigurður og Shakespeare út á land
SIGURÐUR SKÚLASON Ferðast með einleik byggðan á verkum Shakespeares um
landið í maí.
Gengið hefur verið frá samning-
um um útgáfu á skáldsögu Frið-
riks Erlingssonar Góða ferð,
Sveinn Ólafsson hjá bókaforlag-
inu Candlewick Press í Banda-
ríkjunum síðar á árinu. Skáldsag-
an var fyrst gefin út hér á landi
árið 1998 og hefur síðan komið
út víða um heim, meðal annars
í Bretlandi.
Í tilkynningu frá Bjarti/Ver-
öld segir að Candlewick Press
sé það barna- og unglingabóka-
forlag í Bandaríkjunum sem
vex hraðast. Friðrik þýddi bók-
ina sjálfur á ensku. Fish in the
Sky, eins og bókin nefnist í enskri
þýðingu, var tilnefnd af ensku-
deild Alþjóða barnabókaráðsins
(IBBY) á heiðurslista ráðsins
árið 2010 fyrir þýðingu.
Í Góða ferð, Sveinn Ólafsson
segir af Sveini sem vaknar á 13.
afmælisdegi sínum og finnst allt
hafa breyst. Sagan lýsir átökum
hans við örar tilfinningasveiflur
og óreiðukennda tilveru.
Friðrik gefinn út í
Bandaríkjunum
JÓEL PÁLSSON Flytur ásamt félögum
sínum djassstandarda og frumsamið
efni á hljómleikum annað kvöld.
Kvartett Jóels Pálssonar saxófón-
leikara kemur fram á djasstón-
leikaröð á KEX Hosteli, Skúla-
götu 28, þriðjudaginn 1. maí. Með
honum leika þeir Eyþór Gunnars-
son á píanó, Valdimar K. Sigur-
jónsson á kontrabassa og Matth-
ías Hemstock á trommur.
Kvartettinn flytur djassstand-
arda og frumsamið efni. Tónleik-
arnir hefjast klukkan 20.30 og
standa í um tvær klukkustundir
með hléi. Aðgangur er ókeypis.
Jóel Páls-
son á Kex
Á BANDARÍKJAMARKAÐ Skáldsaga
Friðriks Erlingssonar, Góða ferð,
Sveinn Ólafsson, kemur út vestanhafs
síðar á árinu.
TINDAR ARA TRAUSTA Summit, 100 Mountain hikes in Iceland eftir Ara Trausta Guðmundsson, jarðeðlisfræðing, rithöfund og forsetafram-
bjóðanda, kom út á vegum Uppheima fyrir helgi. Summit er leiðarvísir um gönguleiðir á 100 íslensk fjöll, ætlaður erlendum ferðamönnum, enda
bókin aðeins gefin út á ensku. Ýmiss konar ráðleggingar og upplýsingar, kort, ljósmyndir og lýsingar gera þessa bók afar gagnlega og fróðlega öllum
þeim sem hyggjast ganga á íslensk fjöll.
FRAMTAKSSJÓÐUR
ÍSLANDS
Plastprent ehf. var stofnað árið 1957 og hefur frá þeim tíma verið brautryðjandi í
framleiðslu áprentaðra plastumbúða. Í dag starfa um 75 manns hjá félaginu og
felur starfsemi þess í sér filmugerð, klisjugerð, prentun, lamineringu, pokagerð,
endurvinnslu hráefnis og innflutning. Höfuðstöðvar félagsins eru í dag í 6.200
fermetra húsnæði við Fossháls í Reykjavík, en auk þess er félagið með starfsstöð
á Akureyri. Plastprent ehf. fór í gegnum fjárhagslega endurskipulagningu á árunum
2010 og 2011 sem er nú að fullu lokið.
Framtakssjóður Íslands slhf. (FSÍ) hefur falið Fyrirtækjaráðgjöf Straums
fjárfestingabanka hf. að annast formlegt söluferli vegna fyrirhugaðrar
sölu á öllu hlutafé Plastprents ehf. sem er í 100% eigu FSÍ.

Söluferlið er opið öllum áhugasömum fjárfestum sem geta sýnt fram á
fjárfestingagetu umfram 250 milljónir króna og búa yfir fullnægjandi
þekkingu og reynslu eða uppfylla skilyrði þess að geta talist fagfjárfestar
samkvæmt lögum nr. 108/2007 um verðbréfaviðskipti. Seljendur áskilja sér
þó rétt til þess að takmarka aðgang að söluferlinu, m.a. ef lagalegar
takmarkanir eru á því að fjárfestir eignist ráðandi hlut í félaginu svo sem
vegna samkeppnisreglna.

Áhugasömum fjárfestum gefst kostur á að fá afhentar viðeigandi upplýs-
ingar eftir að þeir hafa skilað inn undirritaðri trúnaðaryfirlýsingu auk
annarra upplýsinga sem staðfesta að ofangreind skilyrði séu uppfyllt.

Óskað er eftir skuldbindandi tilboðum með sérstaklega tilgreindum
fyrirvörum fyrir kl. 12:00, mánudaginn 21. maí 2012, byggt á þeim gögnum
sem afhent verða. Seljandi mun velja hagstæðustu tilboðin að hans mati
og verður fjárfestum sem skiluðu inn þeim tilboðum boðin þátttaka í öðru
stigi söluferlisins.

Áhugasömum fjárfestum er bent á að nálgast frekari upplýsingar á
heimasíðu Straums, www.straumur.com. Einnig er hægt að hafa samband
við Fyrirtækjaráðgjöf Straums fjárfestingabanka hf. í síma 585 6600 eða
með því að senda tölvupóst á netfangið plastprent@straumur.com.
Opið söluferli
Plastprents ehf.
Plastprent