Fréttablaðið - 06.06.2012, Blaðsíða 14
6. júní 2012 MIÐVIKUDAGUR14
timamot@frettabladid.is
Þennan dag árið 1944 réðust bandamenn gegn
herjum Þjóðverja í Normandíhéraði í Norður-
Frakklandi. Innrásin er ein sú frægasta og
afdrifaríkasta í seinni heimsstyrjöldinni þar sem
hún olli þáttaskilum í stríðinu. Innrásardagurinn
hefur verið kallaður „D-Day“ eða d-dagurinn
allar götur síðan.
Í byrjun árs 1944 var orðið ljóst að Þjóðverjar
væru að tapa heimsstyrjöldinni. Bandamenn
töldu sig þurfa að ráðast inn í Vestur-Evrópu
þar sem Þjóðverjar höfðu þó náð að stöðva
sókn þeirra upp Ítalíuskaga. Ákveðið var að á
fyrsta degi innrásar skyldu tvær bandarískar,
tvær breskar og ein kanadísk herdeild lenda á
ákveðnum stöðum á ströndunum í Normandí, en
innrásarsvæðin náðu frá Cotentin-skaga í Norm-
andí allt til borgarinnar Caen. Sömuleiðis skyldu
tvær bandarískar og ein bresk fallhlífaherdeild
lenda að baki varnarliðinu þá um morguninn.
Strandhögg bandamanna hinn 6. júní tókst
þrátt fyrir gríðarlega mótspyrnu en baráttan um
Normandí stóð fram í ágúst.
ÞETTA GERÐIST: 6. JÚNÍ 1944
Innrásin í Normandí
Ástkær móðir okkar, tengdamóðir,
amma og langamma,
ÞURÍÐUR GÍSLADÓTTIR
frá Hnappavöllum í Öræfum,
lést á Hrafnistu í Hafnarfirði þann 30. maí
sl. Útförin verður gerð frá Fríkirkjunni í
Hafnarfirði þann 11. júní nk. kl. 13.00.
Blóm og kransar afþakkaðir en þeim sem vildu minnast hennar
er bent á FAAS, Félag aðstandenda Alzheimerssjúklinga.
Jónína G. Elíasdóttir Hamré Bengt Hamré
Gísli Þ. Elíasson A. Þórey Ólafsdóttir
Ingibjörg H. Elíasdóttir Árni G. Sigurðsson
Guðni K. Elíasson Valgerður Sveinbjörnsdóttir
Sigurbjörn Elíasson Brynja Jónsdóttir
barnabörn og langömmubörn.
Elskuleg eiginkona mín, móðir okkar,
tengdamóðir, amma og langamma,
RAGNHEIÐUR ERLENDSDÓTTIR
Hlíðarhúsum 3, Reykjavík,
lést laugardaginn 2. júní á hjúkrunarheimilinu
Eir. Útförin fer fram frá Áskirkju þriðjudaginn
12. júní kl. 13. Blóm og kransar vinsamlega
afþakkaðir, en þeim sem vilja minnast
hennar er bent á Félag aðstandenda Alzheimerssjúklinga,
bankareikningur 0327-26-4304/kt. 580690-2389 eða önnur
líknarfélög. Starfsfólki Eirar 3. hæð suður eru færðar þakkir fyrir
góða umönnun.
Björn J. Haraldsson
Hólmfríður Björnsdóttir Sævar Sveinsson
Linda Björnsdóttir Magnús Bárðarson
Lára Björnsdóttir Gunnar Sæmundsson
Eyrún Björnsdóttir Stefán Gunnarsson
börn og barnabörn.
90 ára afmæli
Guðmundur Ólafsson
stjórnarformaður Bergvík ehf. og
fyrrverandi formaður hestamanna-
félagsins Fáks, verður níræður þann
10. júní. Af því tilefni vill Guðmundur
bjóða ætting jum og vinum að gleðjast
með sér laugardaginn 9. júní í félags-
heimili Fáks í Víðidal frá kl. 19.00.
Ástkær eiginmaður minn, faðir,
tengdafaðir, afi og langafi,
HARALDUR BENEDIKTSSON
Sléttuvegi 21, Reykjavík,
andaðist á Landspítalanum Fossvogi þann
4. júní. Útförin mun fara fram í kyrrþey að
ósk hins látna.
Guðrún Elíasdóttir
Höskuldur Haraldsson
Emil Haraldsson Ásdís Hauksdóttir
Lilja Sólrún Haraldsdóttir Eysteinn Sölvi Torfason
Elías Haraldsson
barnabörn og langafabörn.
Ástkær eiginmaður minn, faðir okkar, tengdafaðir og afi,
SIGURJÓN SKÚLI BJARNASON
Laufvangi 10, Hafnarfirði,
varð bráðkvaddur á heimili sínu 26. maí sl. Útför hefur farið fram
í kyrrþey.
Hugrún L. Ólafsdóttir
börn, tengdasynir og barnabörn.
Ástkær eiginkona mín, móðir, tengdamóðir,
amma og langamma,
GYÐRÍÐUR SIGURÐARDÓTTIR
(frá Höfn, Eyrarbakka)
Fossheiði 36, Selfossi,
lést að kvöldi 28. maí. Jarðarförin fer
fram laugardaginn 9. júní kl. 14.00 frá
Eyrarbakkakirkju.
Guðjón Pálsson
Regína Guðjónsdóttir Siggeir Ingólfsson
Ingileif Guðjónsdóttir Ólafur Leifsson
Margrét Guðjónsdóttir Þór Ólafur Hammer
barnabörn og barnabarnabörn.
Elskulegur eiginmaður minn, faðir okkar,
tengdafaðir, afi og langafi,
GUNNLAUGUR GUNNARSSON
Æsufelli 4, Reykjavík,
lést miðvikudaginn 30. maí. Útförin fer fram
frá Fella- og Hólakirkju föstudaginn 8. júní
klukkan 13.00.
Þorbjörg Einarsdóttir
börn, tengdabörn, barnabörn og barnabarnabörn.
Móðir okkar, tengdamóðir, amma og
langamma,
GUÐBJÖRG HELGADÓTTIR
frá Kolviðarnesi,
sem andaðist á Dvalarheimili aldraðra,
Borgarnesi, föstudaginn 1. júní, verður
jarðsungin frá Borgarneskirkju laugardaginn
9. júní kl. 14.00.
Jónasína Oddsdóttir Reynir Bragason
Sigurður Oddsson
Helgi Oddsson Sigríður Þórðardóttir
Hjalti Oddsson Elín Þorsteinsdóttir
Sesselja Oddsdóttir Lárus Gestsson
Jón Oddsson Herdís Þórðardóttir
Þorbjörn Oddsson Jóhanna B. Þorvaldsdóttir
og langömmubörn.
„Þetta er fyrst og fremst gríðarlegur
heiður. Ég er mjög þakklát fyrir þessa
miklu viðurkenningu og alsæl,“ segir
Anna S. Þorvaldsdóttir, tónskáld, en
í gær var tilkynnt að verk hennar
Dreymi hlyti Tónlistarverðlaun Norð-
urlandaráðs.
Þema tónlistarverðlaunanna í ár
var nýsköpun og skyldu þau veitt
núlifandi tónskáldi. Anna var hlut-
skörpust ellefu tónskálda frá öllum
Norðurlöndum sem tilnefnd voru. Í
umsögn dómnefndar segir að Dreymi
opni veröld sinfóníunnar „á óvenju-
legan og nýskapandi hátt. Upphaf og
lok verksins hljómar utan tíma og
myndar hringrás sem minnir á nor-
rænar goðsagnir og náttúrutrú. Með
tónlistinni er reynt að skapa reynslu
sem fær tímann til að hverfa – eins
og í draumi.“
Raftónlist er áberandi í þeim tón-
smíðum sem tilnefndar eru í ár. Anna
hefur vakið athygli fyrir notkun raf-
tónlistar í verkum sínum en hún er þó
víðs fjarri í Dreymi. „Þemað snerist
um nýja strauma en mér sýnist dóm-
nefndin hafa verið mjög opin fyrir
hvaða miðli sem er. Dreymi er skrif-
að fyrir hefðbundna sinfóníuhljóm-
sveit. Ég hjó hins vegar eftir því í
umsögninni að þeim fannst hljóð-
blærinn á ákveðnum stöðum í verkinu
vísa í raftónlist, en það var algjörlega
ómeðvitað af minni hálfu.“
Verðlaunin verða afhent við hátíð-
lega athöfn á þingi Norðurlandaráðs
í Helsinki í nóvember en sigurlaunin
eru 350 þúsund danskar krónur, eða
um sjö milljónir króna. Anna segist
vonast til að verðlaunin veki athygli
á verkinu. „Það er auðflutt af sinfón-
íuhljómsveit, þannig séð, og vonandi
eiga sem flestar hljómsveitir á Norð-
urlöndum eftir að vilja flytja það. Ég
er þegar búin að fá nokkrar fyrir-
spurnir að utan.“
Anna hefur verið á miklu flugi und-
anfarin misseri. Hljómplata hennar,
Rhizoma, sem kom út í fyrra, var
valin ein af bestu klassísku plötum
ársins af vefritinu Time Out og verk-
ið Hrím var valið tónsmíð ársins á
Íslensku tónlistarverðlaununum. Hún
kveðst ekki kunna neina skýringu á
þessari velgengni.
„Ég hef bara unnið mjög mikið.
Rhizoma vakti athygli utan land-
steinanna í fyrra og það hefur haft
jákvæð áhrif, þetta er bara eitthvað
sem hefur undið upp á sig.“ Anna
hefur mörg járn í eldinum; hún semur
tónlist fyrir væntanlega kvikmynd
Marteins Þórissonar, vinnur að verki
fyrir kóra og hljómsveit á tónlistarhá-
tíð á Ítalíu og samspili í New York.
„Svo er ég með ótal smærri verk í
vinnslu og dagskrá sem heldur mér
við efnið næstu árin, sem er frábær
staða.“
bergsteinn@frettabladid.is
ANNA S. ÞORVALDSDÓTTIR: HLAUT TÓNLISTARVERÐLAUN NORÐURLANDARÁÐS
Mikill heiður og viðurkenning
ANNA S. ÞORVALDSDÓTTIR Í umsögn dómnefndar segir að verðlaunaverkið Dreymi opni
veröld sinfóníunnar á óvenjulegan og nýstárlegan hátt. FRÉTTABLAÐIÐ/GVA
BUBBI MORTHENS tónlistarmaður er 56 ára í dag.
„Ég vil frekar vera umdeildur en að öllum sé sama.“56