Fréttablaðið - 06.06.2012, Blaðsíða 18

| 4 6. júní 2012 | miðvikudagur
FYRIRHUGUÐ SKIPAN EFTIR NAUÐASAMNING
Almennir kröfuhafar
skv. 113 gr.
fara með stjórn
Norvestia
Endurskipulagðar
kröfur
Eignastýringarfélag
(mögulegt)
Stjórn
Kaupþings hf.
Arion Bank hf.
(Ísland) Önnur dótturfélög
Kaupskil EHF
(Ísland)
33%
100%
100%
87%
SLITAMEÐFERÐ
Þórður Snær Júlíusson
thordur@frettabladid.is
Kaupþing mun fara í nauðasamn-
ingsferli á allra næstu mánuð-
um. Stefnt er að því að leggja
fram nauðasamning eins fljótt
og auðið er á þriðja ársfjórðungi
ársins 2012. Sá ársfjórðungur
hefst 1. júlí næstkomandi. Eftir
nauðasamninginn verður Kaup-
þing íslenskt eignarhaldsfélag í
eigu, og undir stjórn, almennra
kröfuhafa bankans. Þeir eru að
langstærstu leyti erlendir aðil-
ar. Einnig er mögulegt að sér-
stakt eignastýringarfyrirtæki
verði sett á laggirnar til að fara
með áframhaldandi eignastýr-
ingu fyrir Kaupþing. Þetta kemur
fram í kynningu sem slitastjórn
bankans hélt fyrir kröfuhafa hans
31. maí síðastliðinn. Eignarhalds-
félagið yrði meðal annars eigandi
87 prósenta hlutafjár í hinum ís-
lenska Arion banka.
Samþykktar almennar kröfur
í bú Kaupþings í dag eru 2.873
milljarðar króna, en samtals var
lýst kröfum í búið fyrir tæplega
4.900 milljarða króna. Virði eigna
þrotabúsins var metið á 874 millj-
arða króna í lok árs 2011.
Í greiningu sem Houlihan
Lokey, sem hefur unnið mikið
fyrir erlenda kröfuhafa, gerði í
nóvember í fyrra og Markaðurinn
hefur undir höndum, kom fram að
innlendir kröfuhafar Kaupþings
myndu líklega tapa um 223 millj-
örðum króna og fá um 23 prósent
af kröfum sínum til baka. Erlend-
ir kröfuhafar bankans myndu
hins vegar tapa 2,295 milljörð-
um króna og fá 21 prósent upp í
kröfur sínar. Tap kröfuhafa Kaup-
þings yrði mest allra þeirra sem
áttu kröfur á íslensku bankana.
Í kynningunni segir að „að
loknu ítarlegu samráði við óform-
lega kröfuhafaráðið (ICC) og ýmsa
aðra stóra kröfuhafa Kaupþings,
er niðurstaðan sú að ICC og stórir
kröfuhafar Kaupþings styðja ein-
dregið að leitað verði nauðasamn-
inga. Á grundvelli þessa hefur
Kaupþing unnið, ásamt ráðgjöf-
um sínum, að undirbúningi nauða-
samnings“. Leggja á hann fyrir á
þriðja ársfjórðungi þessa árs.
Ýmis atriði gætu þó haft áhrif
á tímasetningu nauðasamn-
ingsins. Þar á meðal er afstaða
Fjármálaeftirlitsins (FME) og
skattayfirvalda til hans og áhrif
gjaldeyrishafta, þar sem reglur
Seðlabanka Íslands, sem gilda
eiga um kröfuhafa bankanna,
eru enn óbirtar.
Aðeins almennir kröfuhafar
fá að kjósa um nauðasamning-
inn. Til að hann verði samþykkt-
ur þarf stuðning frá eigendum
60 prósenta af virði allra nauða-
samningskrafna og 70 prósenta
af fjölda þeirra sem taka þátt í
atkvæðagreiðslunni.
Eftir staðfestingu nauðasamn-
ingsins mun slitastjórn Kaup-
þings láta af störfum og kröfu-
hafar bankans taka hið nýja
félag yfir. Lagt hefur verið til að
ný stjórn Kaupþings verði skip-
uð sjö einstaklingum og stefnt er
að ráðningu framkvæmdastjóra
félagsins. Í kynningunni segir
að „alþjóðlegt ráðningarfyrir-
tæki vinnur nú að því að finna
aðila með þekkingu, reynslu og
bakgrunn til setu í stjórninni,
bæði er leitað að íslenskum og
erlendum aðilum“. Þegar búið
verður að finna nýja stjórn og
framkvæmdastjóra munu þeir
aðilar verða til ráðgjafar við að
setja upp skipulag nýs fyrirtækis
fram að nauðasamningi. Þá hefur
slitastjórn kynnt þann möguleika
að setja upp sérstakt eignastýr-
ingarfyrirtæki, sem stýrt yrði af
núverandi eignastýringarteymi,
sem myndi sinna eignastýringu
fyrir Kaupþing og mögulega aðra
þegar fram líða stundir.
Fer í nauðasamninga
á næstu mánuðum
Slitastjórn Kaupþings ætlar að leggja fram nauðasamning á þriðja ársfjórðungi.
Stofnað verður íslenskt eignarhaldsfélag utan um eignir. Almennir kröfuhafar, sem
að langstærstu leyti eru erlendir, munu eiga og stjórna nýja félaginu.
Slitastjórn Kaupþings tilkynnti kröfuhöfum sínum í síðustu viku að hún
hefði náð samkomulagi við þrotabú Kaupthing Singer&Friedlander, fyrrum
dótturbanka Kaupþings, um uppgjör á 132,8 milljarða króna kröfum hans í
bú Kaupþings. Í samkomulaginu felst að kröfur sem hafa verið í ágreiningi
lækka um 39,7 milljarða króna.
SAMKOMULAG VIÐ SINGER&FRIEDLANDER
EIGENDUR Verði nauðasamningurinn samþykktur munu kröfuhafar gamla Kaupþings, eða þeir sem hafa keypt kröfur þeirra, eiga 87
prósenta hlut í Arion banka. FRÉTTABLAÐIÐ/PJETUR
Síminn er með rúmlega helmings-
markaðshlutdeild á internetmark-
aði. Alls eru 56.454 aðilar með int-
ernetáskrift hjá fyrirtækinu, sem
eru 50,6 prósent allra internet-
áskrifta. Síminn tapaði þó rúm-
lega 500 viðskiptavinum í fyrra.
Þetta kemur fram í nýrri tölfræði-
skýrslu Póst- og fjarskiptastofn-
unar sem var birt í síðustu viku.
Vodafone er næststærsti aðilinn
á internetmarkaði með 31,8 pró-
senta markaðshlutdeild. Viðskipta-
vinum fyrirtækisins fjölgaði um
rúmlega tvö þúsund á síðasta ári
og voru 35.498 í lok þess. Saman-
lögð markaðshlutdeild Símans og
Vodafone var því 82,4 prósent.
Tal, þriðji stóri aðilinn á markaðn-
um, var með 10,4 prósent hlutdeild
eftir að hafa tapað um 2.300 við-
skiptavinum. Fjölda þeirra sem
var með internetþjónustu sína hjá
öðrum aðilum en hinum þremur
stærstu fjölgaði um tæplega þrjú
þúsund á milli ára. Hlutdeild þess
hóps fór úr 4,7 í 7,2 prósent.
–þsj
Internetmarkaður á Íslandi:
Síminn með rúmlega
helmingshlutdeild
Íslandsbanki er ekki með neitt
kaupaukakerfi á teikniborðinu
sem stendur en Arion banki á til
útfærslur á slíku kerfi þó að engin
ákvörðun hafi verið tekin um upp-
töku þess hjá bankanum. Þetta
kom fram í svörum upplýsinga-
fulltrúa Íslandsbanka og Arion
banka við fyrirspurn Markaðar-
ins um hvort unnið væri að upp-
setningu slíks kerfis hjá þeim.
Í svari Haralds Guðna Eiðssonar,
upplýsingafulltrúa Arion banka,
kom fram að kaupaukakerfi hefði
ekki verið tekið upp hjá bankan-
um. „Hins vegar eru þegar til
útfærslur á kaupaukakerfi en
engin ákvörðun hefur verið tekin
um upptöku þess hjá bankanum.“
Arion banki vildi ekki veita frek-
ari upplýsingar um í hverju þær
útfærslur fælust.
Guðný Helga Herbertsdóttir,
upplýsingafulltrúi Íslandsbanka,
sagði einfaldlega að kaupauka-
kerfi væri ekki á teikniborðinu
hjá Íslandsbanka í dag. Markað-
urinn hefur þegar greint frá því
að safnað hefur verið í stofn kaup-
aukakerfis hjá Landsbankanum
frá því í desember 2009. Starfs-
menn bankans geta eignast allt
að tveggja prósenta hlut í bank-
anum á næsta ári hækki virði
skilyrts skuldabréfs milli gamla
og nýja Landsbankans um rúma
30 milljarða króna. Það hefur
þegar hækkað um 60,8 milljarða
króna sem tryggir starfsmönnum
Landsbankans 1,45 prósent hlut.
Virði hans er rúmlega þrír millj-
arðar króna í dag. -þsj
Íslandsbanki ekki með bónusa á teikniborðinu:
Arion á til útfærslur
á kaupaukakerfi
ÍSLANDSBANKI Birna Einarsdóttir er
bankastjóri bankans. Hjá honum eru engin
áform um kaupaukakerfi.
FRÉTTABLAÐIÐ/ANTON BRINK
Novator, fjárfestingafélag í eigu
Björgólfs Thors Björgólfssonar,
ætlar að kaupa breytileg skulda-
bréf og/eða taka þátt í fyrirhug-
aðri hlutafjáraukningu sem tölvu-
leikjaframleiðandinn CCP hyggst
ráðast í á næstunni, samþykki
aðalfundur félagsins áætlunina.
Alls vill stjórn CCP fá heimild til
að taka skuldabréfalán upp á allt
að 20 milljónum dala, jafnvirði um
2,6 milljarða króna, til fimm ára.
Þá sækist stjórnin einnig eftir því
að fá heimild til að hækka hlutafé
um allt að 625 þúsund krónur að
nafnvirði með útgáfu nýrra hluta
í tengslum við skuldabréfalánið.
Aðalfundurinn verður haldinn 12.
júní næstkomandi.
Novator er stærsti einstaki eigandi
CCP með 30,4 prósenta eignarhlut.
Markaðurinn beindi fyrirspurn til
Novators um hvort félagið myndi
taka þátt í ofangreindri fjármögn-
un. Í svari Ragnhildar Sverrisdótt-
ur, talsmanns Novators, kemur
fram að „afstaða Novators er sú
að félagið hefur áhuga á að taka
þátt í þessari fjármögnun og styðja
við félagið, hér eftir sem hingað
til“. - þsj
Skuldabréfaútboð og hlutafjáraukning hjá CCP:
Björgólfur Thor
ætlar að taka þátt
NOVATOR Björgólfur Thor Björgólfsson er
aðaleigandi fjárfestingafélagsins Novator,
sem er stærsti eigandi CCP.
FRÉTTABLAÐIÐ/VILHELM